Uvwerhe 3:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ “Ọrovwohwo ọye hẹ ẹkẹn mẹ” ọtiọye erhi me tare, fiki rẹ ọtiọye na ki mi phi ẹro phihọ.

Uvwerhe 3:24 Referans Kwoze

Une rẹ Ejiro 73:26

Uvwọ mẹ vẹ udu mẹ sa lọhọ, ẹkẹvuọvo Ọghẹnẹ hẹ ogangan rẹ udu mẹ ọye ẹkẹn ughwẹ mẹ bẹdẹ.

Une rẹ Ejiro 16:5

Ọrovwohwo ọye ughwẹ me re me jẹreyọ kugbe iko mẹ, wewe re yọnrọn ẹkẹn mẹ.

Uvwerhe 3:21

Ẹkẹvuọvo ọna me rhe karohọ, ọ da nẹrhẹ ovwẹ vwo iphiẹrohọ.

Une rẹ Ejiro 142:5

Mi kperi se we, E Ọrovwohwo; Me tare, Wọwẹ hẹ odjahọ mẹ, ẹkẹn mẹ vwẹ otọ rẹ ihwo ekpokpo

Une rẹ Ejiro 33:18

Nighere, ẹro rẹ Ọrovwohwo ọ hẹ enu rẹ ayen otu re djẹ oshọ rọye, ọ hẹ enu re ayen otu re vwẹ ẹro so ẹguọnọ rọye rọ rhẹriẹ-ẹ na.

Jerimaya 51:19

Ọ dia etiọna ẹkẹn ri Jekọp họhọre-e, kidie ọye re ma imu ejobi, Izrẹl je orua rẹ ukuẹriọ rọye; Ọrovwohwo rẹ otuofovwi ọye odẹ rọye.

Une rẹ Ejiro 31:24

Gan oma, re wo jẹn udu wẹn yivwaro, ovwan ejobi re hẹrhẹ Ọrovwohwo na.

Jerimaya 10:16

Ọ ro vwo ẹkẹn vwi Jekọp sa họhọ enana-a fikiridie ọye ma imu ejobi, Izrẹl kẹ orua rẹ Ukuẹriọ rọye, Ọrovwohwo rẹ otuofovwi na ọye odẹ rọyẹ.

1 Pita 1:21

Oma rọye ovwan wan vwẹ ẹro so Ọghẹnẹ, rọ kpaherọ nẹ ughwu rhe rọ da vwẹ urinrin kẹ, ọtiọye na te esegbuyota rẹ ovwan kugbe iphiẹrohọ rẹ ovwan e hẹ evun rẹ Ọghẹnẹ.

Ọbe ri Pọl si rhe Ihwo ri Rom 15:12

Ọfa, Aizaya tare nẹ, Vwẹ evun rẹ uvwiẹ ri Jẹsse na ohwo ọvo che mu ro che sun ihwo ri Keferi; ọye ihwo ri Keferi na che phiẹrohọ.

Une rẹ Ejiro 130:7

E Izrẹl, phiẹro phihọ Ọrovwohwo na! Kidie obọ rẹ Ọrovwohwo ọye ẹguọnọ ro jẹ rhẹriẹ epha, kugbe ẹtanhirhe rọ vọn obọ rọye buebu.

Une rẹ Ejiro 84:12

E Ọrovwohwo rẹ otuofovwi; ebruphihọ kẹ ohwo rọ vwẹ ẹro so wẹ

Une rẹ Ejiro 62:8

Vwẹ ẹro suọ vwẹ ọke ejobi, E ihwo; ku udu wẹn ejobi phihọ otọ vwẹ obaro rọye; Ọghẹnẹ ọye odjahọ rẹ avwanre.

Une rẹ Ejiro 43:5

Die oma vwọ rhọ wẹ, E ẹnwẹ mẹ, kugbe die oma vwọ vwranvwran owẹ vwe evun mẹ? Phiẹro phihọ Ọghẹnẹ; kidie me cha rhoma jiro, ọchuko mẹ kugbe Ọghẹnẹ mẹ

ỌBE RẸ JOB 13:15

Nighe, o che hwe vwe ghwu, mi gbi vwo iphiẹrohọ-ọ dede na mi mudia gu ẹkunu mẹ kẹ nyo.

1 Ikun rẹ Ivie 5:20

Ayen rhe vwọ mrẹ ọchuko kpahe ivwighrẹ rayen, emọ rẹ Hag kugbe ihwo re vẹ ayen gba hẹ obọ ejobi e de phi ayen phihọ ayen obọ, kidie ayen kperi se Ọghẹnẹ vwẹ ọke ofovwi na, o de nyo orẹ rayen fikiridie ayen vwẹ ẹro vwọ suọ.

1 Samuẹl 30:6

Oma da ghwọrọ Devid gangan; kidie ihwo na ayen che phio, fikiridie ivun re ghwie ihwo vwẹ udu rayen, ohwo ọvuọvo fiki rẹ emọ rọ rẹ eshare vẹ emetẹ. Ẹkẹvuọvo fiki rẹ Ọrovwohwo Ọghẹnẹ rọye udu rẹ Devid da gan.

Une rẹ Ejiro 119:57

Ọrovwohwo na ọye ẹkẹn mẹ; mi veri nẹ me yọnrọn eta wẹn.

Une rẹ Ejiro 42:11

Die oma vwọ rhọ wẹ, E ẹnwẹ mẹ, kugbe die oma vwọ vwranvwran owẹ vwẹ evun mẹ? Phiẹro phihọ Ọghẹnẹ, kidie me cha rhoma jiro, ọchuko mẹ kugbe Ọghẹnẹ mẹ

Une rẹ Ejiro 42:5

Die oma vwọ rhọ wẹ, E ẹnweẹ mẹ, kugbe die wọ vwọ pharha vwẹ evun mẹ? Phiero phihọ Ọghẹnẹ, kidie me cha rhoma jiro, ọchuko mẹ kugbe Ọghẹnẹ mẹ.

Urhi Rivẹ 18:2

Ayen che vwo ukuẹriọ vwọ uherevie rẹ imoni raye-en, Ọrovwohwo re cha dia ẹkẹn uku rayen, kirobo ro ve kẹ ayen.

ỌBE RẸ JOB 22:25

ọ da dianẹ Ọrovwoẹgba dia oro wẹn, vẹ idọnọ eghaghare wẹn;

Une rẹ Ejiro 71:14

Ẹkẹvuọvo mi phiẹrohọ kọke kọke, ke me rhoma jiri uwe phihọ

Une rẹ Ejiro 94:19

Ọke rẹ enwan rẹ udu mẹ de rhi buphihọ, uchebro wẹn kọye sasa ẹnwẹ mẹ.

Maika 7:7

Ẹkẹvuọvo vwọ kẹ vwẹ Ọrovwohwo mi che ni, me hẹrhẹ Ọghẹnẹ rẹ esivwo mẹ; Ọghẹnẹ mẹ che nyo vwẹ.