Uvwerhe 3:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Okpokpọ ọ dia kirhiọke kirhiọke, uyota wẹn ọ pha rhuarho.

Uvwerhe 3:23 Referans Kwoze

Hibru 10:23

E gbe jẹn yọnre esegbuyota rẹ iphiẹrohọ rẹ avwanre na gan e phieghe-e, kidie ohwo ro ve ive kẹ avwanre na ohwo rẹ uyota;

Une rẹ Ejiro 30:5

Kidie ophu rọye dia ọmọke kren, aroesiri rọye o ri rhiri. Oviẹ sa dia kẹ ọke rhie, ẹkẹvuọvo aghọghọ cha vwẹ urhiọke.

Aizaya 33:2

E Ọrovwohwo re ehrọre rẹ avwanre, we avwanre hẹrhẹ. Dia ọchuko rẹ avwanre kirhiọke kirhiọke, esivwo rẹ avwanre vwẹ ọke re ukpokpo-ghu

Une rẹ Ejiro 89:33

ẹkẹvuọvo mi se si ẹguọnọ mẹ ro jẹ rhẹriẹ na no oma-a, eyẹ ophiẹvwe rha sa dia esegbuyota mẹ-ẹ

Une rẹ Ejiro 36:5

Ẹguọnọ wẹn ro jẹ rhẹriẹ, E Ọrovwohwo hẹre re te odjuvwu, uyota wẹn re duvwu irharheghe.

Zẹfanaya 3:5

Ọrovwohwo rọ hẹ evun rọye na ọvwata o ruẹ, o ruẹ obo re chọrẹ-ẹ; kirhiọke kirhiọke o vwo dje ọsoso rọye phia, ọke rọ rhieri chọ obọ-ọ; ẹkẹvuọvo ohwo rọ dia ọsosọ-ọ riẹn omaẹvuọ-ọ.

Une rẹ Ejiro 146:6

rọ ma odjuvwu vẹ akpọ, abadi na, kugbe obo re dia evun rẹ ayen ejobi, rọ yọnrọn esegbuyota rọye bẹdẹ;

Ẹyano 34:6

Ọrovwohwo da ka obaro rọye, o de ghwoghwo, Ọrovwohwo, Ọrovwohwo, Ọghẹnẹ rọ ria ehrọre vẹ arodọvwẹ, ọ fobọ muophu-u ọ vẹ ẹguọnọ vẹ uyota.

Hibru 6:18

rere vwi fiki rẹ emu nana ivẹ re sa rhẹriẹ-ẹ na, kidie ọ pha bẹnbẹn kẹ Ọghẹnẹ rọ vwọ vwọrọn ofian, kẹ arueyivwo yena avwanre vwọ djẹ sioma nu vwẹ iphiẹrohọ rọ vwọ kẹ avwanre na.

Taitọs 1:2

vẹ iphiẹrohọ rẹ arhọ ri bẹdẹ na, rẹ Ọghẹnẹ rẹ uyota na ve phihọ rhahae rhe.

Une rẹ Ejiro 36:6

Ọvwata wẹn ọ họhọ igbenu rẹ Ọghẹnẹ, orhiebro wẹn ọ họhọ okokodo rode; te ohwo te eranvwe, E Ọrovwohwo ọye wo sivwe.