Uvwerhe 3:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Ẹguọnọ ro jẹrhẹriẹ rẹ Ọrovwohwo na o re-e, arodọvwẹ rọye vwo oba-a.

Uvwerhe 3:22 Referans Kwoze

Une rẹ Ejiro 86:15

Ẹkẹvuọvo wẹ, E Ọrovwohwo, wẹ Ọghẹnẹ ro nẹ aruẹdọ vẹ ehrọre, ọ fobọ mu ophu-u, ọ vọnre ve ẹguọnọ ro jẹ rhẹriẹ kugbe esegbuyota.

Iyẹnrẹ Esiri ri Luk 1:50

Arodọvwẹ rọye herọ kẹ otu re djẹ oshọ rọye nẹ uvwiẹ re te uvwiẹ.

Nehemaya 9:31

Dede na vwe evun rẹ arodọvwẹ wẹn rode na wo ghwe furhie ayen te oba-a eyẹ sen aye-en, kidie wọwẹ Ọghẹnẹ re ehrọre ve arodọvwẹ.

Malakae 3:6

Kidie mẹvwẹ rẹ Ọrovwohwo na rhẹriẹ-ẹ; fiki rẹ ọtiọye na E emọ ri Jekọp, ọye e vwo jẹ ovwan eghwọrọ na.

Une rẹ Ejiro 78:38

Dede na, rọ vwọ dia ọgba rẹ ehrọre na, o da vwẹ orukuruku rayen vwo rhovwe ayen, ọ gbe ghwọrọ aye-en, ọ da da ophu rọye ji ọke ejobi, o rhe jẹ ivuemiovwo rọye kparọ-ọ.

Une rẹ Ejiro 106:45

Ọ vwi fiki rayen karohọ ọphọ rọye, o de dogho obọ kirobo rẹ ẹguọnọ rọye ro jẹ rhẹriẹ epha.

Une rẹ Ejiro 77:8

Kẹ ẹguọnọ rọye ro jẹ rhẹriẹ na ghwe fue nure? iveve rọye na ki ghwe vwo oba bẹdẹ?

Une rẹ Ejiro 103:10

O nene avwanre yerẹ kirobo rẹ umwemwu rẹ avwanre epha-a, eye hwa osa kẹ avwanre kirobo rẹ orukuruku rẹ avwanre epha-a.

Jerimaya 3:12

Ra, re ghwoghwo eta nana vwẹ obọhwẹre rẹ ọnre, wọ tanẹ, Rhivwi Izrẹl rẹ igberadja na, eriyin Ọrovwohwo tare. Mi gbi vwẹ ophu ni we-e, kidie me vọnre vẹ aruẹdọ, eriyin Ọrovwohwo tare.

Jerimaya 30:11

Kidie mi nene uwe dia vwo sivwi uwe, eriyin Ọrovwohwo tare, mi che guẹ irere na ejobi ẹdjọ ohri rẹ ihwo re me hra ovwan ra na, ẹkẹvuọvo mi che ghwọrọ ovwa-an re-e. Me cha ghwọ umuchẹghwọ ku ovwan O vwo obo re sorọ ri mi vwo je ovwan ehwe-e.

2 Samuẹl 24:14

Etiyin Devid da ta kẹ Gad, Mi hẹ evun rẹ ukpokpoma rode; ju vwe she phihọ obọ rẹ Ọrovwohwo, kidie ehrọre rọye ọrhuarho; ẹkẹvuọvo wo ju vwe she phihọ obọ rẹ ohwo rẹ akpọ-ọ.

Une rẹ Ejiro 69:17

Wọ siẹ opharo wẹn nẹ kẹ odibo wẹ-ẹn kidie oma bru vwe ku, jọ phẹre owẹ obọ wọ rhe kpahe kẹ vwẹ.

Jerimaya 31:20

Ifrem ọmọ ọghaghare mẹ na? Ọmọ rọ je vwe o ruẹ? Kidie ọke kọke me da ta ota kpahọ ejobi ye me je karọ phihọ Eriyin na udu mẹ kọ viẹ kpahọ; omuẹro mi che ni aruẹdọ roye, eriyin Ọrovwohwo tare.

Daniẹl 9:9

Obo rẹ Ọrovwohwo Ọghẹnẹ rẹ avwanre ọye arodọvwẹ vẹ evwoghovwo epha; fikiridie avwanre mukpahọ,