Uvwerhe 2:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ọrovwohwo rhe rhoma họhọ ọvweghrẹ re, Ọ da rhe guọghọ Izrẹl; ọ rhe guọghọ ighẹn rọye ejobi, hirhe ogba ọgangan rọye phihọ erhurhu, O ki rhe ru omaemuohọ vẹ oviẹ buphihọ vwẹ evun rẹ ọmọtẹ ri Juda.

Uvwerhe 2:5 Referans Kwoze

Uvwerhe 2:2

Ọrovwohwo rhe vwo arodọvwẹ vwẹ ọke rọ vwọ guọghọ ẹdia ri Jakọp ejobi-i; vwẹ ọphu rọye ọ da guọghọ te otọ ogba ọgangan rẹ ọmọtẹ ri Juda, o siro ghwiotọ vẹ ophọphọvwe uvie kugbe isun rọye.

Jerimaya 30:14

Ovwan chọrọ ese rẹ ovwan ẹro; ayen gbe kerhọn rẹ ovwa-an; kidie me vwe ẹghwiẹ rẹ ọvweghrẹ ghwiẹ ovwan, ehwe rẹ ọvweghrẹ ro vwo aruẹdọ-ọ, fikiridie abe rẹ ovwan ọrhuarho, fikiridie imwemwu rẹ ovwan gbori gangan.

Uvwerhe 2:4

O wurhu umurhabọ rọye kere ọvweghrẹ. Ọ vwẹ obọrhe rọye sio phihọ kerẹ ọvweghrẹ, ọ da guọghọ eheri rọ hẹ opharo rẹ avwanre vwẹ utughẹ rẹ ọmọte ri Zayọn, Ọ kpare ophu rọye ku kerẹ erhanre.

Jerimaya 52:13

O da torhẹ uwevwi rẹ Ọrovwohwo na, te uwevwi rẹ ovie vẹ iwevwi ri Jerusalẹm ejobi; uwevwi kuwevwi rẹ rhoro ejobi ọ torherọ te otọ.

Ivie rẹ Ivẹ 25:9

Ọ da torhẹ uwevwi rẹ Ọrovwohwo na, kugbe ighẹn rẹ ovie na, kugbe iwevwi ejobi rẹ Jerusalẹm; ọ da torhẹ ikpi iwevwi na ejobi muotọ.

Izikiẹl 2:10

o da bẹre sa vwẹ, e de si isiesi phihọ obaro vẹ obuko rọye, e de si eta rẹ uvwerhe omaemuoho kugbe ekan phihọ.

Jerimaya 15:1

Etiyin Ọrovwohwo da ta kẹ vwẹ, owenẹ Mosis vẹ Samuẹl mudia vwẹ obaro mẹ dede, udu mẹ sa rhẹriẹ bru ihwo nana-a. Si ayen nẹ obaro mẹ, rere wo jẹn ayen yanran.

ỌBE RẸ JOB 13:24

Die sorọ wo vwo si opharo wẹn nu, ru wo vwo kerẹ uvwe phihọ ovweghrẹ wẹn?

Une rẹ Ejiro 89:40

Wọwẹ ri bru iphrophro phihọ igbẹhẹ rọye ejobi, wọwẹ re ghwọrọ ogba ọgangan rọye phihọ erhurhu.

Aizaya 29:2

Dede na oma cha rhọ Ariẹl, e che beroma a cha viẹ vwọ, kọ cha họhọ Ariẹl kẹ vwẹ.

Jerimaya 21:4

Enẹ wa cha ta kẹ Zedikaya, Enẹ Ọrovwohwo, Ọghẹnẹ rẹ Izrẹl tare, Nighe, me cha rheriẹ ekuakua rẹ ofovwi re abọ re ovwan na kpuko e re wa vwọ họnre ovie ri Babilọn kugbe ihwo ri Kaldia e re yariẹ ovwan phihọ vwẹ obotafe rẹ igbẹhẹ na, Ke me cha ghwa ayen koko rhe uherevie rẹ orere na.

1 Samuẹl 28:16

Samuẹl da ta, Kidie wọ rha rhe vwọ nọ vwẹ, yu wọ mrẹ nẹ Ọrovwohwo chuko kẹ wẹ yẹ owẹ kẹ ọvweghrẹ rọye?

ỌBE RẸ JOB 19:11

Ophu rọye tua kpahe ovwẹ, o keru vwe phihọ ọvweghrẹ rọye.

Une rẹ Ejiro 89:41

Ayen otu re wanvrẹn ejobi ki miovwo; o rhi hirhe phihọ ehwẹjẹ kẹ irivẹ rọye.

Aizaya 63:10

Ẹkẹvuọvo ayen gbe ozighi ayen da nẹrhẹ ophu mu Erhi ọfuanfon na, fiki rẹ ọtiọye na ọ da rhoma rhe dia ọvweghre rayen, ekpuyovwi rọye da họnre ayen.