Uvwerhe 1:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ijẹfuọn rọye hẹ eshamwa rọye; O se roro ughwu rọye-e, vwẹ ọtiọye na eshe rọye che muoshọ, O gbi vwọ ọbruche-e. E Ọrovwohwo gbe ni oma ẹlaghọ mẹ, kidie ivwighrẹ na phi kparobọ re!

Uvwerhe 1:9 Referans Kwoze

Urhi Rivẹ 32:29

Ọ dianẹ ayen ghwanre nọ, manẹ ayen riẹn Ọnana, yẹ ayen vughe oba rẹ akpọ rayen.

Aizaya 47:7

Wọ da ta, Me dia oni bẹdẹ, fiki re ọtiọye na wo gbi roro imu nana eyẹ wọ rha karophihọ oba raye-en.

Uvwerhe 1:17

Zayọn riẹn abọ rọye phia, ẹkẹvuọvo o gbi vwo ohwo ọvuọvo ro bruche-e, Ọrovwohwo ta ota kpahe Jekọp nẹ otu re dia kẹrẹ ke dia ivwighrẹ rọye, Jerusalẹm rhe dia emu ogbegbe vwẹ ohri rẹ ayen.

Aghwoghwo 4:1

Me da rhoma rhe mrẹ vwẹ otọ rẹ ọnre na uruemu rẹ oshenyẹ buebu rọ herọ. Gbe nighe, ame oviẹ buebu rẹ ihwo re shenyẹ na, ayen rhe vwo ohwo ọvuọvo ro bru ayen uche-e! Abọ rẹ otu ri shenyẹ ayen na, oboyi ogangan epha, o rhe vwo ohwo ọvuọvo ro bru ayen uche-e.

Une rẹ Ejiro 25:18

Roro ọdjarhe mẹ vẹ ukpokpogho mẹ, rere wọ vwẹ imwemwu mẹ vwo ghovwo uvwe.

Zẹfanaya 2:10

Ọna kọye cha dia obọ ri te ayen fiki rẹ eheri rayen, fikiridie ayen mienu ayen yeyan kpahe ihwo rẹ Ọrovwohwo rẹ otuofovwi na.

Jerimaya 48:26

Ruo re idi muo, fikiridie ọ kpare oma kpenu kpahe Ọrovwohwo, ọtiọye Moab cha vwẹ obo rọkpare vwo ghworo oma, ekpuyovwi rọye rhe ka cha vwọ jehwẹ.

Jerimaya 2:34

A mrẹ ọbara rẹ ivwiogbere re hweri ekueku vwẹ ejọjọ rẹ ewun wẹn, ru wọ ru imu nana ejobi na yẹ ayen tọn uwevwi wẹn fi-i.

Aizaya 3:8

Kidie Jerusalẹm rọ yẹghrẹ, Juda she nure; fikiridie ota rayen kugbe uruemu rayen vwọ so Ọrovwohwo ayen da phọphọ asan urinrin rọye.

Une rẹ Ejiro 119:153

Ni ọdjarhe mẹ rere wo sivwi uvwe, kidie urhi wẹn chọrọ ovwẹ ẹro-o

1 Pita 4:17

Kidie ọke na tere rẹ ẹdjọeguo na che vwo muhọ vwẹ evwruwevwi rẹ Ọghẹnẹ re; ọ da dia avwanre o vwo muhọ, komavọ oba rẹ ayen otu ri mu ọghọ kẹ iyẹnrẹ esiri rẹ Ọghẹnẹ na-a cha dia?

Iyẹnrẹ Esiri ri Jọn 11:19

ihwo ri Ju buebu bru Mata kugbe Meri rhe rhi bru ayen uche fiki rẹ oniọvo rayen na.

Hosia 2:14

Fiki rẹ ọtiọye na, ki mi ruo re urhuru sio, ke me riẹriẹ kpo ivuaghwa, ke me vwẹ aghẹghẹ ta ota kẹ.

Uvwerhe 4:1

Mavọ oro na rhoma rhi dje mavọ omamọ rẹ oro na rhe rhoma rhẹriẹ! Rẹ ibieragha efuanfon na rhe vwọ hra vwẹ unuada rẹ urhuvwu kurhuvwu.

Uvwerhe 2:13

Kidie me sa ta kẹ wẹ, eyẹ kidie mi vwo dje we, E ọmọtẹ ri Jerusalẹm? Didi emu mi vwo dje we rere mi se vwo bru uwe uche, E ọmọtobẹ ri Zayọn? kidie ẹghwọrọ wẹn hẹre kere abadi; kono se sivwi uwe?

Uvwerhe 1:21

Gbe nyo obo re me guan, o vwo ohwo ọvuọvo ro bru uvwe uche-e. Ivwighrẹ mẹ ejobi nyo ukpokpogho mẹ, ayen da ghọghọ nẹ wọwẹ ri ruro. Gba vwẹ ẹdẹ ru wo ghwoghwori na rhe rere e dia kere obo re me pha na.

Jerimaya 50:29

Se esedada vwọ so Babilọn, ayen otu ri siẹ umurhabọ ejobi, muerhọn yariẹ phihọ, wo jẹ ohwo ọvuọvo vabọ-ọ. Hwa osa kẹ kerẹ obo rẹ iruo reyọ epha, ru kẹ kirobo ro ruru kẹ ihwo, kidie ọ vwẹ Ọrovwohwo na jehwẹ miomiovwi, Ọfuanfon Ọvuọvo rẹ Izrẹl na.

Jerimaya 16:7

Ohwo che bru ikara kẹ ọ rọ vweri uvweri-i, ro vwo bruche fiki rẹ ohwo rọye ro ghwuru na-a; ohwo je vwẹ uko rẹ uchebro kẹ vwi fiki rẹ ọsẹ eyẹ oni rọye-e.

Jerimaya 13:27

Me mrẹ egua egbe wẹn nure, igberadja vẹ efian wẹn, ọfarhiẹ vẹ obẹnẹ kugbe igberadja ọbrabra wẹn, Vwẹ enu rẹ igbenu vwẹ aghwa. Ekan kẹ wẹ, E Jerusalẹm! Mavọ okrite ra ke họ wẹ fon?

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Aizaya 54:11

E ọ re kpokpo, rẹ ọkẹre muẹ, re bruche-e na, nighere, Mi che ru ibieragha wẹn fon bule bule, Me tọn uchivwo wẹn phihọ enu ri Safaya.

Aizaya 40:2

Ta ota dẹndẹn kẹ Jerusalẹm, ru wo kperi kẹ tanẹ ofovwi rọye rere, nẹ a vwẹ orukuruku rọye ghovwo, nẹ ọ reyọ osa mie Ọrovwohwo ọhwọhwọ ivẹ fiki rẹ umwemwu rọye.

Aizaya 37:29

Fikiridie wọ rọ họnrọ ovwẹ ri mi de nyo usi rẹ eyan ru wọ yan, ke me vwẹ oghọre mẹ sa unwe rọye ke me vwẹ uwe mẹ vwo we unu wẹn, ke me cha rhan wẹn rhivwi vwẹ idjerhe ru wọ wan rhe.

Aizaya 37:23

Kono wọ vwọ jehwẹ, ono wọ ghwọ ku? Kono wọ kpare urhuru wẹn vwọ so, re wọ vwẹ ẹro ọbrabra wẹn ni? Ọfuanfon Ọvuọvo rẹ Izrẹl na.

Aizaya 37:17

Rhie erhọn wẹn, E Ọrovwohwo, re wo nyo; rhie ẹro wẹn, E Ọrovwohwo, re wọ mrẹ, re wo nyo eta ri Senakerib, rọ vuẹ rhe rhe vwọ jẹ Ọghẹnẹ ri bẹdẹ ehwẹ.

Aizaya 37:4

Okeọvo ọ me dianẹ Ọrovwohwo rẹ Ọghẹnẹ wẹn nyo eta ri Rabshekeh, re onini rọye ovie rẹ Asiria ji rhe rhe vwẹ Ọghẹnẹ ri bẹdẹ na jehwẹ, rọ da ghwọ fiki rẹ eta na rẹ Ọrovwohwo rẹ Ọghẹnẹ wẹn nyori na; fiki rẹ ọtiọye na gbe jẹn ẹrhovwo ovwan guvwie kpenu vwọ kẹ umuche ihwo ri chekọ.

Une rẹ Ejiro 140:8

Wọ rhọvwa-a, E Ọrovwohwo, ke ẹguọnọ rẹ ohwo umwemwu-u; jẹ umẹ rẹ umwemwu rọye krẹ!

Nehemaya 9:32

Asakiephana, Ọghẹnẹ rẹ avwanre, rọ rhoro vẹ ẹgba kugbe Ọghẹnẹ ro mu oshọ, rọ serọ rẹ ọphọ ve ẹguọnọ ro je rhẹriẹ, wo je ọbẹvwẹ nana ro te avwanre oma na, ivie re avwanre, isun re avwanre, irherẹn re avwanre, emraro re avwanre, esẹ rẹ avwanre, kugbe ihwo wẹn ejobi, nẹ ọke rẹ ivie rẹ Asiria rhe rhi te nonẹ na havwa nọ kẹ wẹ-ẹ.

Ivie rẹ Ivẹ 14:26

Kidie Ọrovwohwo da mrẹ nẹ ukpokpogho rẹ Izrẹl cha yare kokoro, fikiridie o rhe vwo ohwo ọvuọvo ro chekọ-ọ, oviẹn eyẹ ọmuvwiẹ, o rhe vwo ohwo ọvuọvo rọ cha Izrẹl uko-o.

2 Samuẹl 16:12

Ariẹnre-e Ọrovwohwo me mrẹ ọdjarhe re me epha, Ọrovwohwo da vwẹ ẹroesiri rọye kẹ vwẹ vwẹ oma rẹ iyori ro duvwu vwẹ nonẹ na,

1 Samuẹl 1:11

Etiyin o de ve ive ọ da ta, E Ọrovwohwo rẹ otuofovwi, wo de ghine ni oma ẹlaghọ rẹ odibo wẹn rẹ wọ da karohọ ovwẹ odibo wẹn rẹ ọmọtẹ rha chọrọ owẹ ẹro-o, ẹkẹvuọvo wọ da kẹ odibo wẹn rẹ ọmọtẹ ọmọ, ke me vwọ kẹ Ọrovwohwo vwẹ ẹdẹ rẹ akpọ rọye ejobi, anre rhe te uyovwi rọye-e.

Urhi Rivẹ 32:27

Ọ dianẹ Me djẹ oshọ rẹ ophu ẹrhanriẹ rẹ ivwighrẹ-ẹ, manẹ otu rẹ ukọn rayen brorhiẹ chọ, ayen da rha ta nẹ, Avwanre kparobọ, ọ dia Ọrovwohwo ri ru ọnana-a.

Urhi Rivẹ 26:7

Avwanre da viẹ kperi se Ọrovwohwo Ọghẹnẹ rẹ esẹ rẹ avwanre na, Ọrovwohwo de nyo urhuru rẹ avwanre ọ da mrẹ ojẹriọ, vẹ owian, kugbe oshenyẹ rẹ avwanre.

Ẹyano 4:31

Ihwo na de segbuyota; ọke rẹ ayen vwo nyo nẹ Ọrovwohwo bru ihwo rẹ Izrẹl rhe ọke rha je mrẹ oma ẹlaghọ rayen, ayen de gbe uyovwi kpotọ ayen da ga.

Ẹyano 3:17

Mi de ve nẹ me rọye ovwan nẹ evun rẹ omaẹlaghọ rẹ Ijipt na rhe, vwo kpo otọ rẹ Kenan; o rẹ Hit, vẹ Amọr, o rẹ Feriz, vẹ Hiv kugbe Jebu, otọ rọ djẹ ọkẹre rẹ ame rẹ ivie vẹ ọnyọn.

Ẹyano 3:7

Etiyin Ọrovwohwo da ta, “Me mrẹ oma ẹlaghọ rẹ ihwo mẹ re hẹ obo Ijipt, mi nyo oviẹ rayen fiki rẹ ilori rẹ iruo re vwẹ ayen wian owian; me riẹn oja rayen.

Une rẹ Ejiro 69:21

Ayen da vwẹ obi ru emuọre kẹ vwẹ, ki viniga me dare vwo fue urhuru rẹ ame mẹ.

Aizaya 51:19

lmu ivẹ nana ri she vwa wẹn– kono ri bru we uche?– evẹre kugbe ẹghwọrọ, owẹvwe kugbe ọlọkọ; kono ri se bru we uche?

Uvwerhe 5:1

Karophihọ E Ọrovwohwo, obo re phia kẹ avwanre, gbe ni ophọphọvwe rẹ avwanre!