Taitọs 2:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Wọ vwẹ oma wẹn ru oniru rẹ iruo esiri vwi kemu kemu ejobi, wọ vwẹ uyono wẹn jọdẹ-ẹ, se uyono wẹn gbe oja.

Taitọs 2:7 Referans Kwoze

1 Pita 5:3

Ọ dianẹ ke do ku ayen otu ra vwọ kẹ wẹ yọnre na-a ẹkẹvuọvo dia oniru kẹ uchuru na.

1 Timoti 4:12

E jẹn ohwo ọvuọvo ni we saka fiki rẹ obo wo vwọ hẹ omotete-e, ẹkẹvuọvo gba vwẹ oma wẹn ru oniru kẹ otu ri segbuyota na vwẹ ota vẹ uruemu, vwẹ ẹguọnọ, vwẹ esegbuyota, vwẹ ẹfuọn.

Filipae 1:10

rere ovwan vwo vugbe obo ri yovwiri, rere ovwan fon vwo jẹ abe ẹriọ vwẹ ẹdẹ ri Kristi da rhe,

2 Kọrẹnt 4:2

Avwanre gba sen emu rẹ omaẹvuọ, rẹ idjerhe ri kini kini, avwanre gbi hworo aghwanre-e eyẹ vwẹ ota rẹ Ọghẹnẹ jọdẹ-ẹ, ẹkẹvuọvo vwẹ uyota na rẹ avwanre ta phia gbonozẹ na kọye avwanre vwọ vwẹ oma rẹ avwanre vwọ phia kẹ udu ri kohwo kohwo vwẹ obaro rẹ Ọghẹnẹ.

2 Kọrẹnt 1:12

Kidie eyan rẹ avwanre kẹ ọna, iseri rẹ udu rẹ avwanre nẹ evun rẹ avwanre pha fuanfon vwẹ akpọ na, ọtiọye avwanie je fon evun kpahe ovwan, vẹ ẹfuọn kugbe uruemu esiri, ọ dianẹ kẹ aghwanre rẹ akpọ na-a ẹkẹvuọvo vwẹ ẹserọphẹ rẹ Ọghẹnẹ.

2 Tẹsalonaika 3:9

Ọ dianẹ kẹ avwanre jẹ ogangan evwo rẹ avwanre vwọ nọ ekpẹn rẹ emuọre-e, ẹkẹvuọvo avwanre vwẹ oma ru oniru rere wa vwẹ ẹro kere avwanre.

Ẹfesọs 6:24

Ẹserọphẹ dia kẹ ayen ejobi re guọnọ Ọrovwavwanre Jesu Kristi vẹ ẹguọnọ ro je ghwo.

2 Kọrẹnt 2:17

Kidie avwanre rha họhọ ihwo buebu, re shẹ ota rẹ Ọghẹnẹ-ẹ; ẹkẹvuọvo kerẹ ihwo rẹ uyota, rẹ Ọghẹnẹ ji uwevwi, vwẹ obaro rẹ Ọghẹnẹ evun ri Kristi avwanre da ta ota na.

2 Kọrẹnt 8:8

Me ta ọnana ọ dianẹ kerẹ urhi-i, ẹkẹvuọvo re vwo dje ọdavwẹ rọye kẹ ihwo efa nẹ ẹguọnọ rẹ ovwan ghine omamọ rhe.

1 Timoti 5:10

ọ me rha dia aye re se oseri esiri kpahe, ro vwiẹ emọ rọ da ghẹre ayen, rọ ghọ erhorha, rọ hworhẹ awọ rẹ ihwo efuanfon na, rọ dia oehuko kẹ otu rẹ akpọ hẹn, rọ vwẹ oma rọye ru iruo esiri vwẹ idjerhe kidjerhe.

Taitọs 3:8

Ota na muẹro. Me guọnọre nẹ wọ nabọ yọnre ayen gangan, rere otu ri vwo esegbuyota kpahe Ọghẹnẹ, vwọ ka obaro vwẹ uruemu esiri. Ọ dianẹ kẹ erhuvwu rẹ oma rọye ọvo-o, ẹkẹvuọvo fiki rẹ erhuvwu rẹ ihwo rẹ akpọ.