Taitọs 2:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Wo ji bru imighene na uche rere ayen vwẹ udu te otọ.

Taitọs 2:6 Referans Kwoze

Aghwoghwo 12:1

Karohọ Omẹma wẹn vwẹ ọke re wọ vwọ eghene na, bẹsiẹ rẹ ẹdẹ umwemwu na che vwo te, rẹ ikpe na vwo te otọ, vwẹ ọke re wọ da cha tanẹ, Mi vwo omavwerhovwẹ vwẹ evun rẹ aye-en.

1 Pita 5:5

Ọtiọye rhe ovwan imighene na wa vwẹ oma kpotọ kẹ ekpako na. Vwẹ omaevwokpotọ ru amwa vwo rhuo ohwohwo, ovwan ejobi, kidie Ọghẹnẹ muẹkpahe otu ri herẹ, ẹkẹvuọvo erhuvwu kẹ ohwo ro ruẹ dẹndẹn.

1 Jọn 2:13

Esẹ, mi siẹ ọbe nana rhe ovwan, fikiridie ovwan riẹnrẹ rọ herọ notọrhe na. Mi siẹ ọbe nana rhe ovwan, imighene, fikiridie ovwan phi ohwo umwemwu na kparobọ nure. Mi si rhe ovwan, emọ na, fikiridie ovwan riẹn Ọsẹ na.

Aghwoghwo 11:9

Ghọghọ, E, emeghene, vwẹ ọke rẹ ọmoha wẹn, jẹn oma vwerhe udu wẹn vwẹ ọke rẹ ọmọha wẹn; yan vwẹ idjerhe rẹ udu wẹn vẹ orẹmrẹ rẹ ẹro wẹn na. Ẹkẹvuọvo wọ me riẹn nẹ vwẹ evun rẹ emu nana ejobi na Ọghẹnẹ cha reyọ owẹ vwo guẹdjọ.

Joẹl 2:28

Rẹ ọke de rhi te vwẹ ukuko rọye re, ki mi che ku erhi mẹ ku ihwo ejobi, te emeshare wẹn te emetẹ wẹn kẹ cha mraro, ememare wẹn ke cha vwerhe evwerhẹ, imighene wẹn ke cha mrẹ emramrẹ.

1 Timoti 5:1

Wọ ghwọ kuẹ okpako-o ẹkẹvuọvo vwẹ obọ tete kerẹ ọsọmọ; yọnre imighele na kerẹ iniọvo,

Une rẹ Ejiro 148:12

Imighene rẹ eshare vẹ emetẹ kugbe, emare re eshare vẹ imitete!

ỌBE RẸ JOB 29:8

imighele na mrẹ vwẹ e da djẹ, ekpako na de vrẹn mudia;

1 Tẹsalonaika 5:6

Vwẹ ọtiọye na e gbi jẹ avwanre vwerhe, kerẹ otu ri chekọ na-a, ẹkẹvuọvo e gbe jẹ avwanre rhọvwọ rere a vwẹ ẹro kpẹn.