Taitọs 2:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Jẹ ayen dia dẹndẹn vẹ uruemu rọ gbare, rere ayen nabọ wian owian vwẹ uwevwi rayen, ri ji ni aruẹdọn, re vwẹ oma kpotọ kẹ eshare rayen rere e vwo jẹ ota rẹ Ọghẹnẹ e gbe kuẹ.

Taitọs 2:5 Referans Kwoze

Kolose 3:18

Eya ri kpo orọvwe wa vwẹ oma kpotọ kẹ eshare rẹ ovwan, kirobo ro fori kẹ Ọrovwohwo.

1 Timoti 5:10

ọ me rha dia aye re se oseri esiri kpahe, ro vwiẹ emọ rọ da ghẹre ayen, rọ ghọ erhorha, rọ hworhẹ awọ rẹ ihwo efuanfon na, rọ dia oehuko kẹ otu rẹ akpọ hẹn, rọ vwẹ oma rọye ru iruo esiri vwẹ idjerhe kidjerhe.

Jẹnẹsis 3:16

Vwọ kẹ aye na ọ da ta, Me kẹ wẹ odjadja buebu vwẹ ọke rẹ evwiẹ wẹn, vwẹ odjadja wo de vwiẹ emọ, ẹguọnọ wẹn kẹ obọ rẹ ọshare wẹn onurhe, ko sun we.

Ẹfesọs 5:33

Vwẹ ọtiọye na, e jẹn ohwo ọvuọvo guọnọ aye rọye kerẹ omobọ rọye, e gbe rhe jẹn aye vwẹ oma kpotọ kẹ ọshare rọye.

Iruo rẹ Iyinkọn na 9:36

Ọke yena odibo ọvo da herọ vwẹ obi Jọpa re se Tabita, otọ rọye Dọkas eyẹ Uzo, O ru ẹse mamọ, oki rhe vwo uruemu esiri.

1 Timoti 6:1

E jẹn ihwo ra dẹre re hẹ eviẹn ejobi mu o ọghọ ro fori kẹ iuini rayen, rere e vwo jẹ odẹ rẹ Ọghẹnẹ kugbe uyono rọye emiovwo.

Isẹ 7:11

Urhuru rọye mra ghwoghwoghwo ọvwọfanrhiẹ oruẹ, owọ rọye daje uwevwi-i,

1 Kọrẹnt 14:34

eya na mi rhurhu unu vwẹ evun rẹ ishọshi. Kidie a rhọvwe kẹ ayen nẹ e ta ota-a, ẹkẹvuọvo e vwẹ oma kpotọ, kirobo rẹ urhi na tare.

1 Kọrẹnt 11:3

Ẹkẹvuọvo mi jẹ ovwan riẹn nẹ Kristi hẹ uyovwi rẹ ọshare kọshare, uyovwi rẹ ayen ke rha vwẹ ọshare rọye, uyovwi ri Kristi ke rha vwẹ Ọghẹnẹ.

Ọbe ri Pọl si rhe Ihwo ri Rom 2:24

Kidie, kirobo re siro, otu ri Keferi na phọphọ odẹ rẹ Ọghẹnẹ fiki rẹ ovwan.

Iruo rẹ Iyinkọn na 9:39

Ọtiọye na Pita vrẹnri o de nene ayen ra. Ọke rọ vwọ rhire, ayen da rọye kpo ubruwevwi rọ hẹ obenu na. Eya uku na ejobi de mudia kẹrẹ re ayen vwọ viẹ, yẹ ayen ghwe dje kẹ emwa buebu kugbe iwun buebu ri Dọkas ko kẹ ayen vwẹ ọke rọ vẹ ayen vwọ herọ.

Une rẹ Ejiro 74:10

Mavọ o krite, E Ọghẹnẹ, re ivwighrẹ vwọ jehwẹ te? ọvweghre na kọ va ku odẹ wẹn bẹdẹ?

2 Samuẹl 12:14

Dede na, fikirobo wo vwo ru emu nana wọ vwẹ Ọrovwohwo jehwẹ ọmọ na ri wo vwiẹri na ko ghwu.

Jẹnẹsis 18:9

Ayen da nọ nẹ, Tivọ Sera rẹ aye wẹn epha? Ọ da tanẹ, Ọ obo utughẹ.

Ọbe ri Pọl si rhe Ihwo ri Rom 14:16

Wo rhe jẹn a ta ota ọbrabra kpahe emu esiri ri wo ruru-u.

Taitọs 2:4

rere ayen yono eya rẹ itete na ri vwo ẹguọnọ kpahe eshare rayen, kugbe emọ rayen.