Solomon 7:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ A vwẹ erhu rẹ ovie tughẹ uwe kerẹ Karmẹl, Ẹton wẹn rọ epha jigbọ na họhọ orhurhu; ẹton re ovie re muru oghuvwu re chahe ku.

Solomon 7:5 Referans Kwoze

Aizaya 35:2

kọ cha ghwẹ ẹbe phihọ gbidigbidi, oma kọ vwerhọn vẹ aghọghọ kugbe ine ẹsuọ. Urinrin ri Lebanọn ka cha vwọ kẹ, orhuarho ri Kamẹl kugbe Sharọn. Kẹ ayen cha mrẹ urinrin rẹ Ọrovwohwo na, orhuarho rẹ Ọghẹnẹ rẹ avwanre na.

Solomon 4:1

Nighe, wo yovwiriọ, ọnse mẹ, Nighe, wọ pha yoyovwi Ẹro wẹn kerẹ ẹro rẹ ilekuku vwẹ obuko rẹ oga wẹn. Ẹton wẹn epha kerẹ ẹton rẹ otu rẹ ẹvwe, re djẹ nene ọghwrọrọ ri Gilead cha.

Ẹvwọphia 1:14

uyovwi rọye vẹ ẹto rọye ke fuan tototo kerẹ oruru, kerẹ imicho; ẹro rọye ke vwara kerẹ ẹkoerhanre,

Kolose 2:19

ri gbobonyẹ uyovwi na rẹ ayen yọnre gan, ohwo rọ tan oma na ejobi kugbe, rọ ghẹrẹ oma kugbe erhọn na ejobi, e me rho ọrho ro nẹ obọ rẹ Ọghẹnẹ rhe.

Kolose 1:18

Ọye hẹ uyovwi rẹ oma na, kọye hẹ ishoshi na; ọye hẹ ẹtuọhọ, ọye hẹ ọmọ ọkpako ro ke vrẹn nẹ ughwu rhe, rere ekpuyovwi rọye ọvo vwọ dia ọ ro me kpenu vwẹ enu rẹ emu na ejobi.

Ẹfesọs 1:22

ọ da vwẹ emu na ejobi hwa otọ kẹ chiyi o de vwo ru olori rẹ emu ejobi vwọ kẹ ishọshi na,

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

Matiu 18:20

Kidie asan rẹ amwava eyẹ amwarha de kuoma gbe vwẹ odẹ mẹ, ke me dia uherevie rayen.

Maika 7:14

Vwẹ ọkpọ wẹn sun ihwo wẹn, igegede re wọ vwọ reuku, rẹ ayen ọvo dia evun rẹ egbo ọvo sogolo vwẹ ohri rẹ okogbe; jẹn ayen ghẹrẹ oma vwo Bashan vi Gilẹad kerẹ ọke rẹ awanre.

Solomon 5:11

Oro ro me yovwi uyovwi rọye a da mrẹ; igo rẹ uyovwi rọye pha pae, biebi kọe kerẹ ọkan udẹ.

Solomon 1:17

Egbẹn rẹ uwevwi re avwanre igedu, igo rọye kẹ owangha.

Une rẹ Ejiro 87:2

Ọrovwohwo guọnọ anurhoro ri Zayọn nọ ẹdia ejobi ri Jekọp.

Une rẹ Ejiro 68:24

Usun dọdọdọ wẹn a mrẹrẹ, E Ọghẹnẹ, usun rẹ Ọghẹnẹ mẹ, Ovie mẹ, vwo kpo obo ẹshẹ–

Jẹnẹsis 32:26

Etiyin ọ da ta, Ju vwe kpo, kidie ọke ro rhie. Ẹkẹvuọvo Jekọp da ta, Mi se siobọ nu wẹ-ẹ, jokpa nẹ wọ nẹ ẹrhovwo kẹ vwẹ.

Isẹ 5:19

Uphophẹ rẹ aye, yoyovwi, ro si urhuru. Gbe jẹn ẹguọnọ rọye vwerhe owẹ oma vwẹ ọke ejobi, rere oruru rẹ erhuvwu rọye mu we kọke kọke.

Ukeri 21:26

Hẹshbọn ọye orere ri Sihọn ovie rẹ Amọr ohwo ro nene ovie rẹ ẹsosuọ ri Moab họnre ọ da reyọ etọ rọye ejobi mie, rhiri re te Arnọn.

Solomon 4:4

Ohọre wẹn epha poroko kerẹ ohẹrhẹ ri Devid, ra bọnre kẹ ọrhẹrotọ, ra ghwẹ ekpọfia vẹ ishuẹ phihọ, ayen ejobi ekuakua rẹ ọgba ofovwi.