Solomon 6:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Emetẹ rẹ ivie rẹ eya ujorha ẹnse ujọnẹ, emetukoni vwo unu-u.

Solomon 6:8 Referans Kwoze

Une rẹ Ejiro 45:14

vwẹ edagba vẹ ipe buebu e vwo suo rhe ovie na, ọ vẹ otu rọye rẹ emetobẹ, rẹ tẹrẹ usun suo yanran.

1 Ivie 11:3

O vwo eya ujori ighwrẹn, emetẹ rẹ ivie, kugbe esẹn ujori erha; eya rọye de ku udu rọye rhẹriẹ.

Une rẹ Ejiro 45:9

emetẹ rẹ ivie hẹ usun rẹ emetẹ wẹn ride na; oviẹ rẹ aye rọ vwẹ ọro rẹ ọphir rhuẹrẹ oma mudia vwẹ obọrhe wẹn.

1 Ivie 11:1

Asakiephana eya erhorha je Ovie Solomọn: Ọmọtẹ ri Fero, kugbe eya ri Moab, eya ri Ammọn, eya ri Edọm, eya ri Sidọn, kugbe eya ri Hẹt,

Ẹvwọphia 7:9

Rẹ ọna vwọ wan nu mi vwo ni, me da mrẹ urogho rẹ ihwo buebu rẹ unu se keri-i, ri nẹ ẹgborho kẹgborho rhe, rẹ orua ejobi kugbe ihwo kugbe ephẹrẹ rhe, ri mudia vwẹ obaro rẹ ekete na kugbe obaro rẹ Omogodẹ na, re vwẹ emwa efuanfon rhuo, vẹ ewanvwe vwẹ abọ rayen,

2 Ikun rẹ Ivie 11:21

Maakah ọmọtẹ rẹ Absalọm na kọye me je Rehoboam nọ eya vẹ esẹn ri chekọ (ọ reyọ eya ihwe gbe ẹrenre kugbe esẹn ujorha, o de rhe vwiẹ emeshare uje kugbe emetẹ ujorha);

Solomon 1:3

ori wo vwo ghworo na gbori gangan, odẹ wẹn ọ họhọ ori ro hwẹfia; fiki rẹ ọtiọye na emetẹ na vwọ guọnọ owẹ,