Solomon 6:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọna ono rọ họhọ irhiọke ro rhie cha, vwiọvwọrọ kerẹ emeranvwe, gala gala kerẹ ọnre, ro mu oshọ kerẹ unuofovwi vẹ ephiana?

Solomon 6:10 Referans Kwoze

Solomon 6:4

Wọ pha yoyovwi kerẹ Tirzah, ọnse mẹ. Ọ vẹ erhuvwu kerẹ Jerusalẹm, O mu oshọ kerẹ unuofovwi rẹ ephiana.

Ẹvwọphia 12:1

Oka rode ọvo da phia vwẹ obo odjuvwu, aye ọvo da vwẹ ọnre rhuo, o de mu awọ kpahe emeranvwe, ọ da vwẹ erhu vẹ isio ihwivẹ vwo tughẹ;

ỌBE RẸ JOB 31:26

ọ da dianẹ me bẹrẹ ẹro sa ọnre rọ vacha gala gala, eyẹ emeranvwe rọ yan vwẹ erhuvwu rọye,

Ẹvwọphia 22:5

Ason gbe cha dia ọfa-a; ayen gbe guọnọ orẹmrẹ rẹ urhukpẹ eyẹ ọnre-e, kidie Ọrovwohwo Ọghẹnẹ na kọ dia urhukpẹ rayen, ayen ke cha re bẹdẹ bẹdẹ.

Ẹvwọphia 10:1

Etiyin me da mrẹ amakashe ọfa vẹ ẹgba ro wotọ nẹ odjuvwu cha, rọ vwẹ egho phopho, aphoro de mu vwẹ uyovwi rọye, opharo rọye da họhọ ọnre, awọ rọye da họhọ osunsun rẹ erhanre.

Ẹfesọs 5:27

rere a sa vwẹ ishọshi na phia vwẹ obaro rọye vwẹ udidi o vwo upe-e eyẹ iriẹ-ẹn eyẹ oghẹre rẹ emu ọtiọye, rere ọ vwọ dia fuanfon o vwo eka-an.

Matiu 17:2

O de wene oma vwẹ irharo rẹ ayen; opharo rọye ko lo wrowro kerẹ ọnre, iwun rọye da rhe fon kerẹ oze.

Aizaya 58:8

Ọke yena urhukpẹ wẹn kọ cha la phia kerẹ uvo, esivwo wẹn kọ cha va phia kpata kpata, ọvwata wẹn kọ cha ka obaro kẹ wẹ, urinrin rẹ Ọrovwohwo kọ ka ubuko kẹ wẹ.

Solomon 3:6

Die ri nẹ evun rẹ aton na cha na, rọ họhọ ukori rẹ ivwirhi, ro gbo ọnrhe rẹ egẹn vẹ adjija na, vẹ ọnrhe ghwoghwo rẹ ọneki?

2 Samuẹl 23:4

Kọ bẹrẹ mu ayen kerẹ uvo rẹ irhiọke, Kerẹ ọnre ro lo muẹ enu ro pheri vwẹ irhiọke kerẹ osio rọ nẹrhẹ odi djẹ nẹ otọ cha.

Ẹvwọphia 22:16

Mẹvwẹ ri Jesu ri ji amakashe mẹ rhe we ro se iseri nana kẹ ishọshi na. Mẹvwẹ hẹ owọ kugbe upene ri Devid, isio rẹ irhiọke ro lo.

Ẹvwọphia 21:23

Orere na rha guọnọ ọnre eyẹ emeranvwe ro lo vwọ-ọ, kidie urinrin rẹ Ọghẹnẹ ọvo ọye hẹ urhukpẹ rọye, urhukpẹ rọye kọye hẹ Omogodẹ na.

Ọbe ri Pọl si rhe Ihwo ri Rom 8:37

Ejo, vwẹ evun rẹ imu na ejobi avwanre rhonọ ihwo re kpare obọ fiki rẹ ohwo rọ guọnọ avwanre.

Matiu 13:43

Otu rẹ evwata ki che lo kerẹ ọnre vwẹ uvie rẹ Ọsẹ na. Ọ ro vwo erhọn e jo nyo.

Malakae 4:2

Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

Hosia 6:5

Fiki rẹ ọtiọye me vwọ vwẹ emraro na she ayen me da vwẹ eta rẹ unu mẹ hwe ayen, orhiẹbro mẹ da phia kerẹ uvo.

Aizaya 63:1

Ona ono ro ne Idọm cha na, rọ vẹ iwun rẹ ododo gbe nẹ Bozrah cha, ro muẹ urinrin vwe evun rẹ irhuo rọye, ro chiyẹ cha vwe evun rẹ ogangan rọye rode? Mẹvwẹ, ri ghwoghwo ase ẹriọ, kugbe ẹgba rẹ esivwo.

Solomon 8:5

Oyono re yan nẹ evun rẹ aghwa na cha na, Rọ vwẹ oma rẹrẹ ọnse rọye na? Vwẹ obotọ rẹ orhomrẹ na me da rhọvwọ owẹ. Etiyin oni wẹn da chuvwiẹ wẹ, Etiyin ohwo ro vwiẹ wẹ na da chuvwiẹ.

Isẹ 4:18

Ẹkẹvuọvo idjerhe rẹ ohwo esiri ọhọhọ ọke ro rhie cha, ro lo gala gala bẹsiẹ rẹ ọke vwo kpo.

Une rẹ Ejiro 14:5

Etiyin ke ayen cha dia vwẹ evun rẹ uguegue rode, kidie Ọghẹnẹ vẹ uvwiẹ rẹ ọvwata herọ

ỌBE RẸ JOB 11:17

Akpọ wẹn ko che phẹn kerẹ uvo; ebri rọye kọ cha họhọ irhiọke.

Ẹvwọphia 1:16

Ọ da yọnre isio ighwrẹ vwẹ obọrhe, ọgbọdọ ọvo rọ dan prẹprẹ de yoro nẹ unu rọye rhe, opharo rọye kọ ruaro gala gala kerẹ ọnre.

Solomon 1:15

Nighe, wo yovwiriọ, ọnse mẹ; nighe wo yovwinọ; ẹro wẹn epha kerẹ ẹro rẹ ilekuku