Solomon 5:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Me vwerhẹre, ẹkẹvuọvo udu mẹ da rhọvwọ. kerhọn! ọnse mẹ ro je vwe re hworo ẹchẹ. Rhie kẹ vwẹ, oniọvo mẹ, ọnse mẹ, ilekuku mẹ, ọvuọvo mẹ rọ gbare, kidie uyovwi mẹ kpọrhọre vẹ irho, osusu mẹ vẹ irho rẹ ason.

Solomon 5:2 Referans Kwoze

Ẹvwọphia 3:20

Nighe, mi mudia vwẹ anurhoro mi ro hworo; ohwo de nyo urhuru mẹ ro de rhie ẹchẹ kẹ vwẹ, ki mi bro rhe evun rẹ uwevwi ke me vẹ ọye re emu, kọ vẹ ovwẹ je re.

Solomon 2:14

E ilekuku mẹ, rọ egbogho rẹ oragha, rọ evun rẹ egadega rọ ugbenu na, ju vwe mrẹ opharo wẹn, ju vwe nyo urhuru wẹn, kidie urhuru wẹn miẹmiẹ, opharo wẹn vwerhe.

Zekaraya 4:1

Amakashe ro nene uvwe ta ota na da rhoma rhe, ọ da rhọvwọ ovwẹ kerẹ ohwo ra rhọvwọ nẹ ovwerhe rọye rhe.

Solomon 6:9

Ilekuku mẹ, ọvuọvo mẹ rọ gbare, ọye ọvo sogono, ro me je oni rọye, o vwo ekan vwẹ obọ rẹ ọ ro vwierẹ-ẹ. Emetukoni na mrẹrẹ ayen de se nẹ aghọghọ; eya rẹ ivie vẹ ense na, ji ghwe jiro.

Une rẹ Ejiro 119:1

Ebruphihọ kẹ ayen otu re idjerhe rọye vwo abe-e, re yan phihọ evun rẹ urhi rẹ Ọrovwohwo na!

Matiu 8:17

Rere aroẹmrẹ rẹ Aizaya vwọ mrasan gba, ro ta nẹ, Ọye mu odjadja vẹ emiavwe rẹ avwanre ghwa.

Aizaya 52:14

Ihwo buebu da mrẹ ko gbe ayen unu– oma rọye mwumwerhe, ohwo gbi se vughe-e, ekroma rọye nọ ọ re emọ re ihwo–

Aizaya 50:6

Me vwe uko mẹ kẹ ọ rọ ghwiẹ vwẹ, ohwa Me vwọ kẹ otu re savwe ẹtuegha mẹ; Mi si opharo Mẹ nu-u vwọ kẹ omaẹvuọ vẹ enya edje kuo.

Solomon 8:7

Urhie rẹ ame se furhie ẹguọnọ-ọ, eyẹ oghwe se sio divwẹ-ẹ. O da dianẹ ohwo de ze izobo kẹ ẹguọnọ. Efe rẹ uwevwi rọye ejobi kẹ ehwẹjẹ.

Solomon 7:9

Unu ẹfiọnfiọn wẹn cpha kerẹ udi ọvwevwerhe rọ djẹ ghwrọrọ kpọ obo evun, rọ ghwrọrọ wan ẹbẹrunu vẹ ibiako.

Solomon 5:11

Oro ro me yovwi uyovwi rọye a da mrẹ; igo rẹ uyovwi rọye pha pae, biebi kọe kerẹ ọkan udẹ.

Solomon 4:9

Wọ hra ẹnwẹn mẹ, oniọvo mẹ, ọpha mẹ, wọ vwẹ inieni rẹ ẹro wẹn na hra udu mẹ, ọ vẹ ufi rẹ evwarha rọ hẹ ohọre wẹn.

Solomon 4:7

Wo yovwi re, ọnse mẹ; A sa mrẹ ekan vwẹ oma wẹ-ẹn.

Solomon 3:1

Vwẹ enu rẹ ehwa mẹ vwẹ evun rẹ ason, Me da guọnọ ohwo rẹ ẹnwẹn mẹ guọnọre na. Me guọnerọ, ẹkẹvuọvo me mrẹrẹ-ẹ. Mi sere, ẹkẹvuọvo o nyo kẹ vwẹ-ẹ.

Solomon 2:10

Ọnse mẹ ro je vwe ra tare, ọ vuẹ vwẹ: Vrẹn, ọnse mẹ ro je vwe na, Yanrhe ra yanran.

Solomon 2:8

Urhuru rẹ ọnse mẹ! Nighe, ọ yan cha, o re pho kraekrae vwẹ obenu rẹ ugbenu, ọ ra rhan wan igbenu rẹ itete na.

Isẹ 23:26

Ọmọ mẹ, vwẹ udu wẹn kẹ vwẹ, rere wo jẹ ẹro wẹn vughe idjerhe mẹ.

Une rẹ Ejiro 81:10

Mẹvwẹ Ọrovwohwo rẹ Ọghẹnẹ wẹn, rọ reyọ owẹ nẹ otọ rẹ Ijipt rhe. Rhie unu wẹn te ẹtan, ke me sa vọn.

Jẹnẹsis 29:20

Etiyin Jekọp da ga ẹga ikpe ighwrẹ fiki ri Rachel, e da họhọ ẹdẹ tutuno vwọ kẹ kidie o jere gangan.

Ẹvwọphia 14:4

Enana hẹ ihwo re vwẹ eya gbe oma rẹ ayen ẹgua-a, kidie ayen sẹro rẹ oma rayen; enana hẹ ihwo ri nene Omogodẹ na kpo asan kasan rọ rare; a tan enana nẹ uherevie rẹ ihwo rẹ akpọ na rhe kerẹ emamọ rẹsosuọ vwọ kẹ Ọghẹnẹ kugbe Omogodẹ na,

Ẹvwọphia 3:4

Dede na wo ji vwo ihwo ẹvo vwi Sadis na, ihwo re je vwẹ ibehre ghworo iwun raye-en; ayen ki che ku iwun efuanfon phihọ yan nene uvwe ukuko, kidie ayen fori.

Ẹfesọs 5:14

Vwẹ ọtiọye na kọye ọ vwọ ta, We rọ vwerhẹ, rhọvwọ, ọ ro ghwuru, varhe, Kristi kọ kẹ wẹ orẹmrẹ.

Galesha 2:20

A kanre ovwẹ vi Kristi mu agbagba nure, ọ gbe dia omẹvwẹ re herọ na-a, ẹkẹvuọvo, kẹ Kristi re herọ vwẹ evun mẹ; akpọ ri mi yere vwẹ esegbuyota rọ hẹ oma rẹ ọmọ rẹ Ọghẹnẹ, rọ guọnọ ovwẹ rọ da vwẹ oma rọye kẹ vwẹ.

Iyẹnrẹ Esiri ri Jọn 10:4

Ọke rọ da ghwẹ erọye ejobi ro otafe nu, kọ ka obaro kẹ ayen, igodẹ na ki nene, kidie ayen riẹn urhuru rọye.

Iyẹnrẹ Esiri ri Luk 22:44

Rọ vwọ hẹ evun rẹ uvwerhe na ọ da nẹ ẹrhovwo gangan; ọdja de rhi fio oma ku kporo kporo kerẹ ọbara ro suẹn te otọ prapra.

Iyẹnrẹ Esiri ri Luk 9:32

Ovwerhẹ rode de mu Pita kugbe otu rọye ri chekọ ẹkẹvuọvo rẹ ayen vwo gheghe rhe, ayen da mrẹ urinrin rọye kugbe ihwo ivẹ ri mudia kẹrẹ.

Iyẹnrẹ Esiri ri Luk 6:12

Vwẹ ọke yena re, o de kpo enu rẹ ugbenu ra nẹ ẹrhovwo; vwẹ evun rẹ ason na ejobi ọ da nẹ ẹrhovwo kẹ Ọghẹnẹ.

Iyẹnrẹ Esiri ri Mak 1:35

Vwẹ irhiọke ride, tavwe rẹ ọke ki ri rhie o de vrẹn kpo asan ofuefu ofuefu, kẹ etiyin ọ da ra nẹ ẹrhovwo.

Daniẹl 8:18

Ọke rọ ghwa vwọ ta ota kẹ vwẹ na, mi de shero okpo ovwerhẹ rode, me da bọvwọn opharo rhuotọ, ẹkẹvuọvo ọ da vwẹ obọ te vwẹ, ọ da kpare ovwẹ vrẹn mudia.

Matiu 7:8

Kidie ohwo kohwo rọ nọre kọ mrẹ, ọ rọ guọnọre ko vwo, ọ ro hworo ẹchẹ ke rhie kẹ.

Solomon 1:16

Nighe wo yovwiriọ, ọnse mẹ ro je vwe, ọnse mẹ rẹ uyota. Ehwa ra avwanre ọgiọgiọ,

Solomon 5:6

Mi de rhie ẹchẹ kẹ ọ ro je vwe na, ẹkẹvuọvo ọ ro je vwe na chuko ku ọ da yanran. Udu de nu uvwe awọ rọ vwọ ta ota na, Me guọnerọ, ẹkẹvuọvo me rha mrẹ-ẹ, Mi sere, ẹkẹvuọvo ọ kpahe ota-a.