Solomon 3:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Orhẹrotọ na da mrẹ vwẹ, rẹ ayen vwọ yan vwẹ evun rẹ orere. Wọ mrẹ ohwo rẹ ẹnwẹn mẹ guọnọre na?

Solomon 3:3 Referans Kwoze

Solomon 5:7

Erhẹrotọ na da mrẹ vwẹ, re ayen vwọ yan vwẹ evun rẹ orere, Ayen de hwe vwe, ayen da wan vwẹ oma, Ayen da ghwiẹ ewun mẹ reyọ, otu re rhẹrẹ igbẹhẹ yena.

Hibru 13:17

Mu ọghọ kẹ isun rẹ ovwan vwẹ oma kpotọ kẹ ayen; kidie ayen re sẹro re ẹnwẹn rẹ ovwan, ayen je hẹ ihwo re cha nẹ iyẹnrẹ kpahe ovwan. We jẹn ayen ru ọna vẹ omavwerhovwẹ, ọ dia ọ rẹ opharo emuohọ-ọ, kidie ọyena fi erere kẹ wẹ-ẹ.

Iyẹnrẹ Esiri ri Jọn 20:15

Jesu da ta kẹ, Aye, die wọ vwọ viẹ? Ono wọ guọnọ? Rọ vwọ reyọ roro ohwo ro vwo ogba na, ọ da ta kẹ, Ọga, ọ da dia owẹ ri muro reyọ ta kẹ vwẹ asan wo muro phihọ, rere mi re muo reyọ.

Izikiẹl 3:17

Ọmọ rẹ ohwo me vwẹ owẹ ru ọrhẹrotọ kẹ uwevwi rẹ Izrẹl; ọke kọke wo de nyo ota nẹ unu mẹ rhe, ku wo ghwoghwo ota mẹ na kẹ ayen.

Aizaya 62:6

Vwẹ enu rẹ igbẹhẹ wẹn, E Jerusalẹm, Mi phi erhẹrotọ phihọ; vwẹ uvo ejobi kugbe ason ejobi ayen che fotovwi-i. Ovwan re karohọ Ọrovwohwo na, we rovwoma-a,

Aizaya 56:10

Erhẹrẹotọ rọye rhuẹro, ayen ejobi vwo erianriẹ-ẹn, ayen ejobi eranko ri diunu, ayen sa gbọ-ọ; ayen shevwerhẹ, re vwerhe evwerhẹ, ovwerhe ayen guọnọ. ovwerhe ayen guọnọ.

Solomon 1:7

Ta kẹ vwẹ, wẹ rẹ erhi mẹ guọnọre, Asan ru wọ da ghẹrẹ uchuru wẹn, Asan ri de rhuẹn vwẹ oghẹruvo Die sorọ me vwọ họhọ ọ ro suosuo vwẹ oma rẹ uchuru rẹ otu wẹn?