Solomon 3:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Okpọghọ ra vwọ ghwa ọ rẹ idọnọ efuanfon obuko rọye oro a vwọ pharọ, akpanurhe rọye kẹ orhurhu; e de ruo yoyovwi vwẹ obe evun ọtiọye emetẹ ri Jerusalẹm ruro.

Solomon 3:10 Referans Kwoze

Ẹvwọphia 3:12

Ohwo ro phi kparobọ, ki mi che vwo ru uchivwo vwẹ evun rẹ uwevwi rẹ Ọghẹnẹ mẹ; e rhe se ghwie no bẹdẹ-ẹ, ki mi si odẹ rẹ Ọghẹnẹ mẹ vwọ tamuo, kugbe odẹ rẹ orere rẹ Ọghẹnẹ mẹ na, Jerusalẹm Ọkpokpọ na ro nẹ obọ rẹ Ọghẹnẹ rọ hẹ obo odjuvwu rhe otọ na, kugbe odẹ mẹ ọkpokpọ na.

Ẹvwọphia 1:5

ji nẹ obọ ri Jesu Kristi oseri rẹ uyota na, ọmọkpako ro ke ghwu varhe, kugbe osun rẹ ivie rẹ akpọ na. Ọye hẹ ohwo rọ guọnọ avwanre ọ da vwẹ ọbara rọye tan avwanre nẹ imwemwu rẹ avwanre

Ọbe ri Pọl si rhe Ihwo ri Rom 5:8

Ẹkẹvuọvo Ọghẹnẹ dje ẹguọnọ rọye kẹ avwanre nẹ ọke rẹ avwanre vwọ hẹ iruimwemwu Kristi de rhi ghwu kẹ avwanre.

Solomon 1:5

Mi biri gangan je me pha yoyovwi, E emetẹ ri Jerusalẹm, kerẹ utughẹ ri Kedar, kerẹ amwa rẹ anurhoro ri Solomọn.

Une rẹ Ejiro 87:3

Ikun rẹ urinrin wẹn e gbe na, E orere rẹ Ọghẹnẹ.

Solomon 3:9

Ovie Solomọn da kare ahwa kẹ oma rọye ọ da vwẹ ephapha ri Lebanọn vwọ karọ.