Solomon 1:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Egban wẹn pha rhọrọrhọrọ vẹ ekuakua rẹ osẹnvwe wẹn, wọ gba ufi rẹ evwarha rẹ ivie mu ohọre.

Solomon 1:10 Referans Kwoze

1 Pita 3:4

ẹkẹvuọvo e jẹn dia ohwo rọ djahere vwẹ obo udu vẹ evwarha ri jẹghwọrọ re dẹndẹn bọrọ bọrọ, rọ ghare gangan vwẹ obaro rẹ Ọghẹnẹ.

Solomon 5:13

Egban rọye kerẹ ekru re egẹn, ro gbo phaphapha. Ẹbẹrunu rọye epha kerẹ ododo ro bo ame rẹ adjija.

Jẹnẹsis 24:47

Me da nọ nẹ, Wẹ ọmọtẹ rẹ ono? Ọ da ta, Ọmọtẹ ri Bẹtuẹl, ọmọ ri Nahọr ri Milka vwiẹ kẹ. Kọye mi de ku isa na phihọ abọ.

Solomon 4:9

Wọ hra ẹnwẹn mẹ, oniọvo mẹ, ọpha mẹ, wọ vwẹ inieni rẹ ẹro wẹn na hra udu mẹ, ọ vẹ ufi rẹ evwarha rọ hẹ ohọre wẹn.

Isẹ 1:9

kidie ayen omamọ rẹ erhu wo vwo tughẹ uyovwi wẹn, vẹ evwarha ru wọ gba phihọ ohọre.

Ukeri 31:50

Avwanre reyọ izobo rẹ Ọrovwohwo vwọ rhire, obo rẹ ohwo ọvuọvo mrẹre, ekuakua rẹ oro, umuobọ kugbe eshẹshẹghẹ, isa rẹ obọ, eravwọ rẹ erhọn, kugbe evwarha, rere a vwọ gọ ẹgua kẹ oma rẹ avwanre vwẹ obaro rẹ Ọrovwohwo.

Jẹnẹsis 41:42

Etiyin Fero da ghwiẹ isa nẹ obo rọye o de kuo phihọ obo ri Josẹf, o de ku adagba ọfuanfon phihọ oma, o de ku ọjọnrọn re oro phihọ ohọre;

Jẹnẹsis 24:22

Ọke rẹ iyesi na vwọ da ame nu, ọshare na da reyọ isa rẹ oro rọ họhọ te ubro ri shikẹl, kugbe umuobọ ivẹ re họhọ te shikẹl rẹ oro ihwe,

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Jẹnẹsis 24:53

Odibo rọye da ghwẹ ejọrọ rẹ idọnọ kugbe oro, kugbe emwa, vwọ kẹ Rebeka; ọ da je kẹ iniọvo rọye kugbe oni rọye ekuakua rẹ osẹvwe ghaghare.

Solomon 1:11

Avwanre ki che duvwu ekuakua rẹ osẹnvwe rẹ oro kẹ wẹ ra vwẹ idọnọ efuanfon sanọ.