Rutu 2:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Etiyin Boaz da ta kẹ Rutu, Asakiephana kerhọ, ọmọtẹ mẹ wo kpo udju ọfa ra tọrọ-ọ, yẹrẹ wọ yan jẹ ọnana vwo-o, ẹkẹvuọvo si kẹrẹ emetẹ mẹ na kpẹkpẹ.

Rutu 2:8 Referans Kwoze

Ivie rẹ Ivẹ 5:13

Ẹkẹvuọvo idibo rọye de si kẹrẹ, e da ta kẹ, Ọsẹ mẹ, ọ dianẹ ọmraro na tare nẹ wo ru emu ọvo rọ rhoro, wo rhe ruo jovwo? Kidie ọnana rọ ta kẹ wẹ nẹ, Ra họ, rere wọ fon.

Filipae 4:8

Ọ rọ ka oba, imoni, emu ejobi rọ dia uyota, emu ejobi ro vwo ọghọ, emu ejobi rọ dia ọsoso, emu ro yovwiri, emu ejobi ro vwo ẹguọnọ, emu ejobi ro vwo erhuvwu, ọ da dianẹ o vwo uyoyovwi, ọ da dianẹ o vwo obo ro fo ejiro, gbe roro imu nana.

Matiu 9:22

Ẹkẹvuọvo ri Jesu vwo kuoma rhẹriẹ ọ da mrẹ; ọ da ta kẹ nẹ, Ọmọte jẹn oma wẹn vworo uwe; esegbuyota wẹn o sivwi uwe. Oma rẹ aye na de ghwe kpo nẹ ọke yena yanran.

Matiu 9:2

E de mu ohwo ọvo ro ghwoma bro rhe, o shevwerhẹ ehwa; ri Jesu vwọ mrẹ esegbuyota rayen, ọ da ta kẹ ọ ro ghwoma na, ọmọ mẹ, jẹ oma wẹn sasa, a vwẹ imwemwu wẹn ghovwo uwe.

1 Samuẹl 3:16

Ẹkẹvuọvo Eli de se Samuẹl ọ da ta Samuẹl, ọmọ mẹ. ọ de nyo, Mẹvwẹ na.

1 Samuẹl 3:6

Ọrovwohwo da rhoma se, Samuẹl Etiyin Samuẹl de vrẹn ọ da yan bru Eli, ọ da ta, Mẹvwẹ na, kidie wo se vwẹ. Ẹkẹvuọvo ọ da ta, Mi seri-i, ọmọ mẹ; rhoma shevwerhẹ.

Rutu 2:7

Ọ da ta, Biko, jẹn uvwe tọrọ re me ghwẹ koko nene otu re kọrọ na. Kọye ọ da rhe, rhe tọrọ nẹ irhiọke ride rhe ri te ọke nana, o ji rhovwoma krẹn siẹvo-o.

Rutu 2:9

Jẹn ẹro wẹn dia udju rẹ ayen de vuẹn na, siẹnẹ wo nene ayen. Ọ dia omẹvwẹ re ta kẹ imighele na nẹ ayen kpokpo uwe-e? Ọke rẹ urhuru rẹ ame de si we, wọ me ra da ame rẹ imighele na vo rhe na.

Livitikọs 19:9

Ọke we de che vun emu rẹ orho rẹ aghwa rẹ ovwan, ovwan rhe vuẹn te orhogba rẹ udju na-a, ovwan de ji vun nu ovwan rhe rhivwi yanran re gbugbo vwọ-ọ.