Rutu 1:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwẹ ọke rẹ iguẹdjọ vwo suẹn, owẹvwe de fi vwo otọ na, Ọshare ọvo ri Bẹtlẹhẹm vwi Juda de kpo otọ ri Moab ra dia, ọ vẹ aye rọye kugbe emọ rọye ivẹ.

Rutu 1:1 Referans Kwoze

Jẹnẹsis 12:10

Vwẹ ọke nana owẹvwe de rhi fi vwẹ otọ na. Etiyin Ebram de kpo Ijipt ra dia fikiridie owẹvwe na firi gangan vwẹ otọ na.

Jẹnẹsis 26:1

Asakiephana owẹvwe de rhi fi vwẹ otọ na, rọ rho nọ owẹvwe ro firi vwẹ ọke rẹ Ebraham. Aizik de kpo Gẹra, bru Abimẹlẹk ovie ri Filistia.

Izikiẹl 14:13

Ọmọ rẹ ohwo, ọke rẹ ihwo rẹ otọ na de ru umwemwu kpahe ovwẹ vwẹ ijesegbuyota raycn, re me da riẹn obọ me kpahọ, ri mi de vwirhi ọkpọ rẹ ikara rọye re me da vwẹ owẹvwe rhe otọ na, ri mi de hwe ohwo vẹ eranvwe kufia no,

Iguẹdjọ 17:8

Ọshare na de vrẹn nẹ orere ri Bẹtlẹhẹm ri Juda, rọ vwọ guọnọ asan rọ dia; rọ vwọ yan oyan na, o de te orere rẹ ugbenu rẹ Ifrem rẹ uwevwi ri Mika epha.

Livitikọs 26:19

ke Me guọghọ ogangan re eheri re ovwan na, ki mi ru obenu na gan kẹ ovwan kerẹ itehru, otọ na kọ dia kerẹ ẹrovwo,

Jẹnẹsis 43:1

Vwẹ ọke nana owẹvwe na rhi fi gangan vwẹ otọ na re.

Emọs 4:6

Me vwẹ ako efuanfon tuetue kẹ ovwan vwẹ irere rẹ ovwan ejobi kugbe ọkarovwẹ re emuọre vwẹ ẹdia rẹ ovwan ejobi, yu we ji se rhivwi bru vwẹ rhe-e, Ọrovwohwo na tarọ.

Une rẹ Ejiro 105:16

Ọke ro vwo se ewẹvwe rhe otọ na ro vwo vwirhi ọkpọ rẹ ikara,

Urhi Rivẹ 28:38

Wọ cha vwẹ ekankọn ibuebu voro udju wẹn, emerha wọ cha mrẹ vun; kidie ebaka cha ghwọro.

Izikiẹl 14:21

Kidie enẹ Ọrovwohwo Ọghẹnẹ tare: Komavọ ọ dia vwẹ ọke me da vwẹ oghẹre rẹ ẹdjeguo ẹne mẹ vwọ rhe Jerusalẹm, ọlọkọ, owevwe, eranvwe ebrabra vẹ emiavwe, rere o bru ohwo kugbe eranvwe no!

Jerimaya 14:1

Ota rẹ Ọrovwohwo ro bru Jerimaya rhe kpahe okpuvo rode na.

Une rẹ Ejiro 107:34

otọ ro yovwẹ emu hirhe phihọ otọ rẹ ughweraka diodi, fiki rẹ umwemwu rẹ ihwo re dia.

1 Ivie 18:2

Ọtiọye Ilaija da ra vwẹ oma nẹ Ehab. Asakiephana yẹ owẹvwe re fiẹ gangan vwi Sameria.

Iguẹdjọ 12:8

Okuko rọye Ibzan ri Bẹtlẹhẹm de guẹdjọ rẹ Izrẹl.

2 Samuẹl 21:1

Etiyin owẹvwe de rhi fi vwẹ ọke ri Devid vwẹ ẹgbukpe erha, nẹ ukpe ra ro ukpe; Devid da guọnọ Ọrovwohwo mrẹ. Ọrovwohwo da ta, Abe rẹ ọbara ọ hẹ enu rẹ Sọl vẹ evwruwevwi rọye, kidie o hwe ihwo ri Gibiọn.

Iguẹdjọ 17:7

Emeghene ọvo ri Bẹtlẹhẹm ri Juda da herọ ọ rẹ orua ri Juda, ohwo ri Livae o ruẹ, ọ da kpare oyan kpo oboyi.

Maika 5:2

Ẹkẹvuọvo wẹ, E Bẹtlẹhẹm Efrata, wẹ re ma hanvwe vwẹ usun rẹ uvwiẹ ri Juda, oma wẹ ọye ohwo ọvo che nurhe kẹ vwẹ rọ cha dia osun vwẹ Izrẹl, ohwo rọ herọ nẹ awanre rhe, nẹ ọke re rhabae rhe.

1 Ikun rẹ Ivie 2:51

Salma, ọsẹ ri Bẹtlẹhẹm, kugbe Harẹf ọsẹ ri Bẹtgader.

1 Ikun rẹ Ivie 2:54

Emọ ri Salma: Bẹtlẹhẹm, ihwo rẹ Netofat, Atrotbetjoab, kugbe ubro rẹ ihwo ri Manahat, ihwo ri Zor.