Ọbe ri Pọl si rhe Ihwo ri Rom 9:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ ọ je dia ayen ejobi hẹ emọ rẹ Ebrahamu-u fiki robo rẹ ayen vwọ dia uvwiẹ rọye-e; ẹkẹvuọvo vwẹ oma rẹ Aizik a wan se odẹ rẹ uvwiẹ wẹn.

Ọbe ri Pọl si rhe Ihwo ri Rom 9:7 Referans Kwoze

Jẹnẹsis 21:12

Ẹkẹvuọvo Ọghẹnẹ da ta kẹ Ebraham, Wo jẹ Ọnana tun we oma vwi fiki rẹ ọmọ na vẹ aye na rẹ ọviẹn na-a; obo ri Sera ta kẹ wẹ ejobi, ru kirobo rọ tare kidie oma rẹ Aizik ọye uvwiẹ wẹn de che vwo odẹ.

Hibru 11:18

kọye a tarọ kpahe nẹ, Vwẹ oma rẹ Aizik e de se uvwiẹ wẹn odẹ.

Galesha 4:23

Ẹkẹvuọvo, ọmọ rẹ ọviẹn nana e vwiẹrẹ vwẹ ọ rẹ ugboma, ọmọ rẹ omuvwiẹ na e vwiẹrẹ vwẹ ọ rẹ ive.

Filipae 3:3

Avwanre hẹ ihwo re yanvwe omamọ rẹ oyanvwe na, re gọ Ọghẹnẹ vwẹ erhi, ri vwi Kristi Jesu vwọ yan eyan, re vwẹ ẹro so ugboma-a.

Iyẹnrẹ Esiri ri Luk 3:8

Wa vwẹ emamọ rẹ ekuorhẹriẹ ro fori phia, wa rha ta kẹ oma rẹ ovwan nẹ, Ebraham hẹ ọsẹ rẹ avwanreọ; kidie me ta kẹ ovwan, Ọghẹnẹ sa vwẹ ibiekpẹn rẹ otọ na ru emọ kẹ Ebraham.

Iyẹnrẹ Esiri ri Jọn 8:33

Ayen da kpahe kẹ, avwanre uvwiẹ rẹ Ebraham, avwanre je dia ọviẹn rẹ ohwo dẹvo-o. Komavọ wọ vwọ ta nẹ, Ke ru ovwan ọmuvwiẹ?

Iyẹnrẹ Esiri ri Luk 16:30

Ọ da ta Ẹjo, ọsẹ Ebraham; ẹkẹvuọvo ọ da dianẹ ohwo ọvo nẹ erivwi ra, ayen ki kurhẹriẹ.

Matiu 3:9

we roro nẹ avwanre emọ rẹ Ebrahamu-u, kidie Ọghẹnẹ sa rhẹriẹ ibieragha nana hirhe vwọ emọ kẹ Ebraham.

Galesha 4:28

Asakiephana, imoni, avwanre kerẹ Aizik, kẹ emọ rẹ ive.