Ọbe ri Pọl si rhe Ihwo ri Rom 9:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Ọmema rhe vwo ogangan vwẹ enu rẹ ọphiẹ-ẹn, rọ da vwẹ ukori rẹ ọphiẹn ọvuọvo na ma oka rẹ oravwọ ọvo ra vwẹ obo tete kugbe ọfa re vwo gbe otọ-ọ?

Ọbe ri Pọl si rhe Ihwo ri Rom 9:21 Referans Kwoze

Aizaya 64:8

Yẹ ẹkẹvuọvo, E Ọrovwohwo, wẹ hẹ Ọsẹ rẹ avwanre; avwanre ophiẹn, wẹ kẹ ọmema re avwanre; avwanre ejobi ke iruo rẹ obọ wẹn.

Isẹ 16:4

Ọrovwohwo ma emu na ejobi vwọ kẹ iruo rọye, ekpuyovwi rẹ ohwo umwemwu na ọ marọ vwọ kẹ ẹdẹ rẹ ukpokpogho

Iruo rẹ Iyinkọn na 9:15

Ẹkẹvuọvo Ọrovwohwo da ta kẹ, Yanran, kidie o hirhe ohwo re me jẹreyọ nure rere ọ ghwa odẹ mẹ bru otu ri Keferi kugbe ivie kugbe emọ rẹ Izrẹl.

Ọbe ri Pọl si rhe Ihwo ri Rom 9:11

dede na ye ji vwiẹ aye-en re ji vughe erhuvwu vẹ obrabra raye-en, rere idjerhe rẹ Ọghẹnẹ vwọ sanọ ihwo vwo mudia, ọ dia fiki rẹ iruo-o ẹkẹvuọvo fiki rẹ use rọye,

Ọbe ri Pọl si rhe Ihwo ri Rom 9:18

Vwẹ ọtiọye na ohwo ro jere o nẹ arodọvwẹ kẹ, ọ ro jere o mi rhe ru udu rọye gan.

Hosia 8:8

A rọ Izrẹl nure, uherevie rẹ ẹgborho efa kọye ayen epha fafarhiẹ kirẹ ekuakua ra kpare kufia.

Jerimaya 22:28

Ohwo nana Konaya na, ochẹ ro fi emuọvo-o ro ghwuru, ochẹ ra vwẹ ẹro te-e? Die sorọ evwo do vẹ emọ rọye kufia kpo otọ re ayen riẹnre-e?

Aizaya 10:15

Kẹ ushurhe yan eyan kẹ ọro vwo she urhe, eye isara rhe mu oma kpenu kẹ oro yọnherọ? Kerẹ ẹsiẹ rẹ ophiaphiẹ da fa ohwo rọ yọnherọ, eyẹ kerẹ ẹsiẹ rẹ ọkpọ da rhoma mu ohwo rọ yọnherọ nẹ otọ!

Aizaya 45:9

Ekan kẹ ohwo ro nene ọ rọ marọ pharhe, ema ra mare vẹ ọmema. Ophiẹn kọ ta kẹ ọmema nẹ, Die wọ vwọ ma vwẹ? eyẹ nẹ, Iruo wẹn vwo obọ-ọ?

Ọbe ri Pọl si rhe Ihwo ri Rom 9:20

Ẹkẹvuọvo, kono hẹ owẹ, e ohwo, ru wọ vwọ kpaha kẹ Ọghẹnẹ? Obo ra mare vwo unu rọ vwọ ta kẹ ọ rọ marọ nẹ, Die wọ vwọ ma vwẹ ọtiọna?