Ọbe ri Pọl si rhe Ihwo ri Rom 8:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Kidie iroro ra vwọ kpahe ugboma vẹ Ọghẹnẹ ọvweghrẹ; ọ vwẹ oma kpotọ kẹ urhi rẹ Ọghẹnẹ-ẹ, eriyin dẹn o se ruo-o;

Ọbe ri Pọl si rhe Ihwo ri Rom 8:7 Referans Kwoze

1 Kọrẹnt 2:14

Ohwo ro vwo erhi na-a se vwo ẹse rẹ Erhi rẹ Ọghẹnẹ na-a, kidie ugheghẹ ọ dia kẹ, o se vwo ẹruọ rọye-e fikiridie erhi e vwo dje ayen.

Jems 4:4

Ovwan igberadja rẹ eya na, ovwan rha riẹn nẹ ugbeyan rẹ vwo mu ekuakua rẹ akpọ na, ọvweghrẹ vwẹ obaro rẹ Ọghẹnẹ? Fiki rẹ eriyin na, kohwo kohwo ro mu ugbeyan rẹ akpọ na, yọ vwẹ oma ru ọvweghrẹ rẹ Ọghẹnẹ.

Ọbe ri Pọl si rhe Ihwo ri Rom 7:22

Kidie oma rẹ urhi rẹ Ọghẹnẹ vwerha ovwẹ, vwẹ obo otọ rẹ evun mẹ,

Hibru 8:10

Ọnana hẹ ọphọ re me vẹ uwevwi rẹ Izrẹl cha re vwẹ ọke rẹ ẹdẹ yena da wan nu, eriyin Ọrovwohwo tare; ki mi che phi urhi mẹ phihọ udu rayen, ke si ayen phihọ ubiudu rayen, ke me dia Ọghẹnẹ rayen, ayen ke dia ihwo mẹ.

2 Timoti 3:4

ke shẹ ihwo, zighi zighi, ke vọn vẹ ophiẹvwe, ke guọnọ omavwerhe jẹ ẹguọnọ rẹ Ọghẹnẹ vwo,

Kolose 1:21

Ovwan rẹ erhorha kugbe ivwighrẹ rẹ iruo esiri jovwo na, ka je rhuẹrẹ ovwan kugbe.

Ọbe ri Pọl si rhe Ihwo ri Rom 8:4

rere obo rẹ urhi na guọnọre vwọ mrasan gba vwẹ oma rẹ avwanre, ri nene iruo rẹ ugboma na-a ẹkẹvuọvo ri nene Erhi na.

Ọbe ri Pọl si rhe Ihwo ri Rom 5:10

Ọ da dianẹ ọke rẹ avwanre vẹ ọye vwọ hẹ ọvweghrẹ na a da vwẹ ughwu rẹ Ọmọ rọye vwọ rhuẹrẹ avwanre vẹ Ọghẹnẹ kugbe, kẹ eriyin na, vwẹ asakiephana rẹ avwanre vwọ rhuẹrẹ kugbe nu na, avwanre ke rhọ fiki rẹ arhọ rọye.

Ọbe ri Pọl si rhe Ihwo ri Rom 1:28

Kirobo rẹ ayen rha rhọvwe reyọ phihọ Ọghẹnẹ na-a, Ọghẹnẹ de siobọ nẹ ayen kẹ udu ọbrabra rẹ ayen re ayen vwo ru obo ri je ayen.

Iyẹnrẹ Esiri ri Jọn 7:7

Akpọ na se tuoma rẹ ovwa-an, ẹkẹvuọvo o tuoma mẹ fikiridie mi se oseri kpahọ nẹ iruo rọye ọ rẹ uvumwemwu.

Ọbe ri Pọl si rhe Ihwo ri Rom 3:31

Kẹ avwanre vwi fiki rẹ esegbuyota phan urhi na? Kaka vwo! Vwẹ owọ ọfa, avwanre ke yọnrọn urhi na.

Ọbe ri Pọl si rhe Ihwo ri Rom 1:30

ophọphọvwe, omaetuo rẹ Ọghẹnẹ, aroeyivwo, uhrerhe, eyan, onyonyo, ijọghọ emuo kẹ ọsẹ vẹ oni,

Matiu 12:34

Ovwan uvwiẹ rẹ erọdekọ na, re pha brabra miomiovwi na, sa vwọ ta ota rẹ esiri, kidie obo rẹ ohwo rori vwẹ evun ọye ọ ta phia vwẹ unu rọye.

2 Pita 2:14

Ẹro rẹ ayen vọnre vẹ igberadja, evun rẹ umwemwu vọn aye-en. Ayen riẹriẹ ihwo ri mudia ga-an. Ayen yono udu rayen phihọ urhuru evwo. Emọ ra harhere!

Matiu 5:19

Kohwo kohwo ro miovwo ọvo vwẹ irhi nana, ro de yono ihwo ghwru, ọye cha ma hanvwe vwẹ uvie rẹ odjuvwu; ẹkẹvuọvo kohwo kohwo ro ru ayen gba ro de yono ayen gba, ohwo yena re cha ma rho vwẹ uvie rẹ odjuvwu.

Jerimaya 13:23

Kẹ ohwo rẹ Itiopia se wene ọphioma rọye gbenẹ edjanakpo se wene ipe rọye? Ọ da dia ọtiọye yi wo ji se ru emu esiri, wẹ rẹ umwemwu riẹriẹ oma nure na.

2 Ikun rẹ Ivie 19:2

Ẹkẹvuọvo Jehu ọmọ ri Hanani rẹ ọmrẹ na da yanran ra vwa, ọ da ta kẹ Ovie Jehoshafat, ku wọ cha ohwo-umwemwu uko rẹ ivun rẹ ihwo rẹ Ọrovwohwo tuoma da vwerhe owẹ? Fiki rẹ Ọnana, ophu wẹn ko mu Ọrovwohwo na.

Une rẹ Ejiro 53:1

Ẹkpa tare vwẹ udu rọye nẹ, Ọghẹnẹ herọ-ọ Ayen gbori, ayen ruẹ orukuruku; o vwo ohwo ọvuọvo ro ruẹ ọ rẹ esiri-i.

1 Kọrẹnt 9:21

Vwọ kẹ ihwo rẹ hẹ otọ rẹ urhi-i mi de ru oma mẹ kerẹ ohwo rọ hẹ otọ rẹ urhi-i, ọ dianẹ kẹ otọ rẹ urhi rẹ Ọghẹnẹ mi jẹ dia-a ẹkẹvuọvo otọ rẹ urhi ri Kristi– rere mi vwo ku ihwo ri jẹ otọ rẹ urhi ẹdia rhẹriẹ.

Ẹyano 20:5

wo shiguẹ kẹ aye-en yẹrẹ wọ ga aye-en; kidie mẹvwẹ Ọrovwohwo Ọghẹnẹ wẹn mẹvwẹ Ọghẹnẹ rọ rioma, ọ vwẹ imwemwu rẹ esẹ ruru nene emọ, nẹ uvwiẹ rerha re te Ọrẹne rẹ ayen ri mu kpahe ovwẹ;

Kolose 2:18

We jẹ ohwo ọvuọvo brorhiẹ hwe ovwan vwẹ ota rẹ omaevwokpoto ofefe-e, kugbe emakashe ra ga-a, rere wa davwerhon rẹ ihwo ifefe ri mu oma kpenu-u,

ỌBE RẸ JOB 15:13

re wọ da kpare erhi wẹn vwọ so Ọghẹnẹ, re eta tiọna na de nẹ unu wẹn cha?

Izikiẹl 14:5

Mi ru ọnana rere me vwọ yọnrọn udu rẹ uwevwi rẹ Izrẹl na, ri ghwru nẹ oma mẹ fiki rẹ ema rayen.