Ọbe ri Pọl si rhe Ihwo ri Rom 8:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Eriyin Erhi na je chọ avwanre uko vwẹ ovwiẹre rẹ avwanre; kidie avwanre riẹn obo ra nẹ erhovwo kirobo rẹ avwanre e ru-u, ẹkẹvuọvo ekpuyovwi rẹ Erhi na ra rẹ kẹ avwanre vẹ irhivwẹ ro kodo nọ eta.

Ọbe ri Pọl si rhe Ihwo ri Rom 8:26 Referans Kwoze

Matiu 10:20

Kidie ọ dia owẹ re ta ota na-a, ẹkẹvuọvo Erhi rẹ Ọsẹ na ọye re ta ota vwẹ evun wẹ.

Ẹfesọs 6:18

Nẹ ẹrhovwo kọke kọke vwẹ evun rẹ Erhi na, vwẹ ẹrhovwo ẹnẹ ejobi kugbe oyare. Vwẹ ọtiọye na gbe jeje oma vẹ ẹrhiori, rere wa yare oyare kẹ ihwo efuanfon na.

Galesha 4:6

Fiki rẹ obo rẹ ovwan vwọ dia emọ na, Ọghẹnẹ de phi Erhi rẹ ọmọ rọye na phihọ udu rẹ avwanre, ro kperẹ nẹ Abba! Baba!

Iyẹnrẹ Esiri ri Jọn 14:16

Ke me rẹ Ọsẹ na, kọ vwẹ Obruche ọfa kẹ ovwan, rọ vẹ ovwan gbe dia bẹdẹ,

Ẹfesọs 2:18

Kidie oma rọye avwanre ivẹ na wan mrẹ asan vwẹ evun rẹ Erhi ọvo na vwo bru Ọsẹ na.

Ọbe ri Pọl si rhe Ihwo ri Rom 8:15

Ọ gbe dia erhi rẹ ọviẹn rọ djẹ oshọ mu ohwo na a vwọ kẹ ovwa-an, ẹkẹvuọvo kẹ erhi rẹ ọmọ a vwọ kẹ ovwan. Kọye ovwan vwo kperẹ nẹ, Baba! Ọsẹ!

Une rẹ Ejiro 6:9

Ọrovwohwo nyo orẹ mẹ nure; Ọrovwohwo ọ reyọ ẹrhovwo mẹ.

Hibru 4:15

Kidie avwanre vwo orherẹn rode ro jẹ ọdavwẹ rẹ avwanre eriẹẹn, ẹkẹvuọvo ọ rẹ avwanre vwori na je vwẹ ohwo ra davwini devure kerẹ ekpuyovwi rẹ avwanre, yo ru umwemwu-u.

Jems 4:3

Ovwan nọ, yẹ ovwan mrẹ-ẹ, fikiridie ovwan nọ chọ, rere ovwan vwo heri eheri ofefe.

Ọbe ri Pọl si rhe Ihwo ri Rom 15:1

O fori rere avwanre ihwo re ganre na vwo chirako rẹ otu re evwiẹre na, avwanre rhe nene ojevwe rẹ oma rẹ avwanre ọvo-o.

Iyẹnrẹ Esiri ri Luk 22:44

Rọ vwọ hẹ evun rẹ uvwerhe na ọ da nẹ ẹrhovwo gangan; ọdja de rhi fio oma ku kporo kporo kerẹ ọbara ro suẹn te otọ prapra.

Zekaraya 12:10

Ke Me vwe erhi rẹ arodọvwẹ vẹ ọ re orẹ ke uwevwi ri Devid vẹ ihwo re dia Jerusalẹm, ọtiọye re, ọke rẹ ayen de ni ọ rẹ ayen duvwuru na, ayen ki che muoma phihọ ke, kirobo rẹ ohwo muoma phihọ kẹ ọmọ ọvo rọye, rọ da viẹ gangan keẹ, kirobo re ohwo viẹ ọmọkpako.

2 Kọrẹnt 5:4

Kidie rẹ avwanre je vwọ hẹ utughe nana, yẹ avwanre fiọn unu ro ẹnwan; ọ dianẹ kẹ avwanre ban phihọ-ọ, ẹkẹvuọvo ke rhuo avwanre phihọ, ọtiọye na arhọ ko mu obo re dia ọ rẹ ugboma ro ghwẹ rọ.

Une rẹ Ejiro 10:17

E Ọrovwohwo, wẹ ri nyo ẹguọnọ re ohwo dẹndẹn, wo ru udu rayen gan, wọ kerhọn rayen

2 Kọrẹnt 5:2

Obonẹ dẹn avwanre da guan vẹ urhuru sivwe re vwo ku uwevwi rẹ odjuvwu na phihọ,

Matiu 20:22

Ẹkẹvuọvo Jesu da kpahe ọ da ta kẹ nẹ, Wọ riẹn obo wọ nọre na-a. Ovwan sa da uko re me cha da na? Ayen da rhọvwe nẹ, ayen sa da.

Une rẹ Ejiro 102:5

Fiki rẹ irhivwẹ ọgangan ri mi de ibeku mẹ da tamu uvwo mẹ.

Une rẹ Ejiro 6:3

Erhi mẹ ji ukpokpogho rhe Ẹkẹvuọvo wẹ, E Ọrovwohwo, mavọ o krite?

Hibru 5:2

Ko ji ru dẹndẹn kẹ igbori kugbe otu ri ghwruru, fikiridie ovwiẹrẹ je gba riariẹ okpuyovwi rọye phihọ.

Ọbe ri Pọl si rhe Ihwo ri Rom 7:24

Orharhe rẹ ohwo re me epha! Kono che sivwi uvwe nẹ oma rẹ ughwu nana?

Une rẹ Ejiro 69:3

Oma re oviẹ mẹ rhọ vwe, upho mẹ ọ yamu Ẹro mẹ rhi dje koi re me vwọ hẹrhẹ Ọghẹnẹ mẹ.

Une rẹ Ejiro 102:20

ro de nyo irhivwẹ rẹ ihwo ri uwodi, re e siobọ nẹ ihwo re brorhiẹn rẹ ughwu hwe;

ỌBE RẸ JOB 37:19

Yono avwanre obo re ma ta kẹ; avwanre se tuẹ ẹdjọ rẹ avwanre bro fiki rẹ ebri na-a.

Uvwerhe 3:56

Wo de ghine nyo orẹ mẹ, Wo di erhọn wẹn kẹ ekperẹ rẹ ukoẹcha mẹ-ẹ.