Ọbe ri Pọl si rhe Ihwo ri Rom 8:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Ẹkẹvuọvo avwanre de phiẹrohọ obo rẹ avwanre mrẹre-e, kẹ erhiori avwanre vwọ hẹrhẹ.

Ọbe ri Pọl si rhe Ihwo ri Rom 8:25 Referans Kwoze

Ọbe ri Pọl si rhe Ihwo ri Rom 12:12

Ghọghọ vwẹ evun rẹ iphiẹrohọ wẹn, chirako vwẹ ukpokpoghọ, wo gbe ẹdẹ rẹ ẹrhovwo-o.

Hibru 10:36

Kidie o fori re we chirako, rere we vwo se ru ọhọre rẹ Ọghẹnẹ re we vwo obo ro veri na.

Une rẹ Ejiro 27:14

Hẹrhẹ Ọrovwohwo na; gan oma, re wo jẹn udu wẹn yivwaro, uyota, hẹrhẹ Ọrovwohwo na.

1 Tẹsalonaika 1:3

Avwanre karohọ ovwan vwọ kẹ Ọghẹnẹ kugbe Ọsẹ na iruo rẹ eseghuyota rẹ ovwan kugbe owian rẹ ẹguọnọ kugbe emudia gan rẹ iphiẹrohọ rẹ ovwan vwẹ evun rẹ Ọrovwavwanre Jesu Kristi.

Kolose 1:11

Ọtiobo rẹ ogangan rọye rho te na, kọ je kẹ ovwan ogangan vwi kemu kemu ejobi; re we vwo erhiori kugbe rere wa ghọghọ vwẹ evun rẹ oja.

Iyẹnrẹ Esiri ri Luk 21:19

Akoechiro wẹn wọ cha vwọ mrẹ arhọ wẹn reyọ.

Jẹnẹsis 49:18

Me hẹrhẹ esivwo wẹn, E Ọrovwohwo.

2 Tẹsalonaika 3:5

E jẹ Ọrovwohwo sun udu rẹ ovwan kẹ ẹguọnọ rẹ Ọghẹnẹ rere ovwan mudia gan kẹ Kristi.

Aizaya 25:9

Ka cha ta vwẹ ẹdẹ yena, nẹ, Nighe, Ọnana Ọghẹnẹ rẹ avwanre, avwanre hẹrherẹ, rere o rhi sivwi avwanre. Ọnana Ọrovwohwo na; avwanre hẹrherẹ, e gbe jẹn avwanre ghọghọ vwẹ esivwo rọye.

Ọbe ri Pọl si rhe Ihwo ri Rom 8:23

ọ je dia emama na ọvo-o, ẹkẹvuọvo ekpuyovwi rẹ avwanre, ri vwo emamọ rẹ Erhi rẹsosuọ na, ra guan vwẹ obo evun hẹrhẹ ọke ra cha vwọ vwẹ avwanre ru emọ, kọye hẹ etanhirhe rẹ ugboma rẹ avwanre.

Ẹvwọphia 1:9

Mẹvwẹ ri Jọn, oniọvo rẹ ovwan, rọ vọ ovwan gbe vwo ẹkẹn vwẹ ukpokpogho ri Jesu kugbe uvie rọye kugbe erhiori rẹ akoechiro rọye, da hẹ ubrotọ re se Patmọs vwi fiki rẹ ota rẹ Ọghẹnẹ kugbe oseri ri Jesu.

Hibru 6:12

Ọtiọye na ovwan rha dia lọkpọ lọkpọ-ọ, ẹkẹvuọvo vwẹ ẹro keri otu re wan oma rẹ esegbuyota kugbe erhiori reuku rẹ ive na.

Ọbe ri Pọl si rhe Ihwo ri Rom 2:7

Ihwo re vwẹ erhiori ru omamọ rẹ iruo re guọnọ urinrin vẹ ọghọ kugbe erhi ro jeghwo, kọ vwẹ arhọ ri bẹdẹ kẹ ayen.

Iyẹnrẹ Esiri ri Luk 8:15

I ri she phiyọ otọ esiri na, ena ihwo re vwẹ udu esiri reyọ ota na, vwẹ evun rẹ erhiori ayen da mọ ubi.

Aizaya 26:8

Vwẹ obẹnẹ rọ orhiebro wẹ E Ọrovwohwo, avwanre da hẹrhẹ owẹ; ekarọphihọ rẹ odẹ wẹn ọye ẹguọnọ rẹ erhi rẹ avwanre.

Une rẹ Ejiro 62:1

Kidie Ọghẹnẹ ọvo ọye ẹnwẹ mẹ fọre gbiẹi hẹrhẹ; ọye esivwo mẹ nẹ obọ rọye cha.

Ẹvwọphia 14:12

Kẹ etinẹ a da mrẹ odiri rẹ ihwo efuanfon na vugbe, ayen otu re yọnre irhi rẹ Ọghẹnẹ kugbe esegbuyota ri Jesu.

Ẹvwọphia 13:10

Ọ da dianẹ e mu ohwo oghuvwu, ighuvwu na kọye ọ ra; ọ da dianẹ ohwo vwẹ ọlọkọ hwe ohwo, ọlọkọ na e ji vwo hwe. Kẹ etinẹ a da mrẹ odiri kugbe esegbuyota rẹ ihwo efuanfon na vugbe.

Hibru 6:15

Rẹ Ebraham, vwọ vwẹ erhiori hẹrhẹ, ive na de te obọ.