21 fikiridie a cha rhan emama na nẹ ọviẹn vẹ egbo ko che vwo urinrin rẹ egbemọphẹ rẹ emọ rẹ Ọghẹnẹ.
Ohwo rẹ odjuvwu cha reyọ bẹsiẹ re vwo ru emu na ejobi gba rẹ Ọghẹnẹ wan unu rẹ emraro rẹ efuanfon rọye ta rhabae na gba.
Etiyin me da rhe mrẹ odjuvwu ọkpokpọ kugbe akpọ ọkpokpọ; kidie odjuvwu rẹsosuọ kugbe akpọ rẹsosuọ wanvrẹn nure, abadi dede gbe herọ-ọ.
Ẹkẹvuọvo kirobo rẹ ive rọye epha avwanre hẹrhẹ idjuvwu ekpokpọ kugbe akpọ rẹ ọvwata cha dia.
Kidie emama na ra hẹrhẹ i ro rhẹro gangan vwọ kpahe ọke rẹ ẹvwọphia rẹ emọ rẹ Ọghẹnẹ;
Ihwo rọ kẹ atarhe jovwo na ọye o ji se; ihwo ro seri eye o brorhiẹ kẹ; ayen otu ro brorhiẹ kẹ eye ọ je vwẹ urinrin kẹ rhe.
Ọtiọye evrẹnushi rẹ irivwi epha. Obo ra kọnre na obo re ghwọrọ, obo re cha varhe na obo ri jẹ ghwọrọ.
Ephẹrẹ nana, Kẹ ẹsiẹvo ri chekọ na, dje phia nẹ e che si obo ri kpogho no, kọye hẹ obo ra mare, rere obo ri je kpogho vwọ daji.