Ọbe ri Pọl si rhe Ihwo ri Rom 8:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ọ gbe dia erhi rẹ ọviẹn rọ djẹ oshọ mu ohwo na a vwọ kẹ ovwa-an, ẹkẹvuọvo kẹ erhi rẹ ọmọ a vwọ kẹ ovwan. Kọye ovwan vwo kperẹ nẹ, Baba! Ọsẹ!

Ọbe ri Pọl si rhe Ihwo ri Rom 8:15 Referans Kwoze

2 Timoti 1:7

Kidie Ọghẹnẹ kẹ avwanre erhi ri rhurhu-u ẹkẹvuọvo erhi rẹ ogangan kugbe ẹguọnọ kugbe omaẹnyẹ.

1 Kọrẹnt 2:12

Asakiephana ọ dia erhi rẹ akpọ na avwanre vwori-i, ẹkẹvuọvo Erhi na ro nẹ obọ rẹ Ọghẹnẹ rhe na, rere avwanre se vwo ẹruọ rẹ ẹse na rẹ Ọghẹnẹ ru kẹ avwanre na.

Ọbe ri Pọl si rhe Ihwo ri Rom 8:16

Erhi na ọvo ri se oseri kẹ erhi rẹ avwanre nẹ avwanre emọ rẹ Ọghẹnẹ,

Hibru 2:15

Rọ vwọ mrasan sivwi ihwo ejobi re wan oma rẹ oshọẹdjẹ rẹ ughwu vwẹ oma kpotọ kẹ oviẹn ri bẹdẹ.

Ẹfesọs 1:5

O de rhi avwanre vwẹ ẹguọnọ nẹ avwanre dia emọ rọye vwẹ oma ri Jesu Kristi, kirobo rẹ ẹguọnọ rẹ ọhọre rọye epha,

1 Jọn 4:18

Ẹguọnọ vwo oshọ-ọ, ẹkẹvuọvo omamọ rẹ ẹguọnọ rọ ghare djẹ oshọ kuẹfia; kidie oshọ vẹ ehwe re gba yan, yẹ ohwo rọ djẹ oshọ ẹguọnọ rọye gbare-e.

Iyẹnrẹ Esiri ri Mak 14:36

Ọ da ta, Baba, Ọsẹ, emu na ejobi phẹre kẹ wẹ; si uko nana nẹ uvwe oma; ọ dia obo re me guọnọre-e ẹkẹvuọvo obo wọ guọnọre.

Jerimaya 3:19

Mi de roro nẹ komavọ mi vwo se phi we phihọ ohri rẹ emọ mẹ, re me vwẹ otọ esiri na kẹ ovwan uku ro me yovwi vwẹ irere na ejobi. Ki mi ji roro nẹ ovwan che se vwe, Ọsẹ mẹ, nẹ ovwan gbi che nene uvwe-e

Aizaya 56:5

ki Mi phi phihọ evun rẹ uwevwi Mẹ kugbe evun rẹ igbẹhẹ Mẹ emama re ẹkarohọ kugbe odẹ ri yovwi nọ emọ re eshare ve emetẹ, ki Mi mu odẹ ri bẹdẹ kẹ ayen re jẹ sa nyavwe kufia.

Ọbe ri Pọl si rhe Ihwo ri Rom 8:23

ọ je dia emama na ọvo-o, ẹkẹvuọvo ekpuyovwi rẹ avwanre, ri vwo emamọ rẹ Erhi rẹsosuọ na, ra guan vwẹ obo evun hẹrhẹ ọke ra cha vwọ vwẹ avwanre ru emọ, kọye hẹ etanhirhe rẹ ugboma rẹ avwanre.

Iyẹnrẹ Esiri ri Luk 11:2

Ọ da ta kẹ ayen, Ovwan da nẹ ẹrhovwo, ovwan ta, Ọsẹ, jẹ avwanre vwẹ ọghọ kẹ odẹ wẹn, jẹ uvie wẹn rhe.

Iyẹnrẹ Esiri ri Jọn 20:17

Jesu da ta kẹ, Wọ yọnrọn ovwẹ-ẹ, kidiẹ mi ji yeri bru Ọsẹ na-a; ẹkẹvuọvo yanran bru imoni mẹ re wọ ta kẹ ayen, Mi yerẹ bru Ọsẹ mẹ kugbe Ọsẹ rẹ ovwan, Ọghẹnẹ mẹ kugbe Ọghẹnẹ rẹ ovwan.

Iyẹnrẹ Esiri ri Luk 22:42

Ọsẹ, ọ da dia ẹguọnọ wẹ, gbe jẹ uko nana chọ vwẹ ra; ẹkẹvuọvo ọ dia ẹguọnọ mẹ-ẹ, ẹkẹvuọvo ọwẹn, ọye wo ru.

Iyẹnrẹ Esiri ri Jọn 16:8

Ọke rọ da rhe, kọ cha nẹrhẹ umwemwu kugbe ọvwata kugbe ẹdjọeguo mu akpọ na ẹro.

Ẹyano 20:19

ayen da ta kẹ Mosis, Wẹ ọvo ta kẹ avwanre, avwanre ki nyo; ẹkẹvuọvo wo jẹn Ọghẹnẹ ta kẹ avwanre-e, avwanre de rhe ghwu.

Iruo rẹ Iyinkọn na 16:29

Ọ da nọ ekpẹn rẹ urhukpẹ ọ da họrhọ ro evun rẹ uwodi na, o de she diguẹ vwẹ obaro ri Pọl kugbe Sailas ko phariẹ guegue vẹ oshọ.

Iruo rẹ Iyinkọn na 2:37

Ọke rẹ ayen vwo nyo onana udu de bru ayen, ayen da ta kẹ Pita vẹ iyinkọn ri chekọ na nẹ, Imoni, Kidie avwanre che ru?

Iyẹnrẹ Esiri ri Luk 8:37

Ihwo rẹ orho ri Gẹrasin ejobi da ta kẹ nẹ o bi nẹ ayen oma; kidie oshọ rode mu ayen; Etiyin ọ da ro okọ o de rhivwi.

Iyẹnrẹ Esiri ri Luk 8:28

Ọke rọ vwọ mrẹ Jesu, o de kperi phia o de she diguẹ vwẹ obaro rọye, ọ da van gangan tanẹ, Die wọ vẹ ovwẹ gbi ru, Jesu, Ọmọ rẹ ọ ro Me kpenu? Me rẹ wẹ, Wọ lagba ovwẹ-ẹ.

Ukeri 17:12

Ihwo rẹ Izrẹl da kẹ Mosis, Nighere avwanre ghwe, fikiridie avwanre ghwruru, avwanre ihwo na ejobi ghwruru.

Jems 2:19

We segbuyota nẹ Ọghẹnẹ ọvuọvo; etiyin uyota; idẹbono ji segbuyota, o de gue oma.

Ọbe ri Pọl si rhe Ihwo ri Rom 8:26

Eriyin Erhi na je chọ avwanre uko vwẹ ovwiẹre rẹ avwanre; kidie avwanre riẹn obo ra nẹ erhovwo kirobo rẹ avwanre e ru-u, ẹkẹvuọvo ekpuyovwi rẹ Erhi na ra rẹ kẹ avwanre vẹ irhivwẹ ro kodo nọ eta.

Ọbe ri Pọl si rhe Ihwo ri Rom 9:4

Ayen hẹ ihwo rẹ Izrẹl, ayen e se emọ, ayen vwo urinrin, vẹ ọphọ, ayen a vwẹ urhi na kẹ, vẹ ẹga, kugbe ive na;

2 Kọrẹnt 11:4

Kidie ọ da dianẹ otu evo rhere rhi ghwoghwo Jesu ọfa nọ ọvuọvo na rẹ avwanre ghwoghwori na, eyẹ ovwan de vwo erhi ọfa san nọ rẹ ovwan vwori jovwo na, eyẹ ovwan da rha reyọ iyẹnre esiri ọfa nọ rẹ ovwan reyọre na, yọ ọphẹrẹ ovwan reyọ nọ.

Galesha 2:4

Ẹkẹvuọvo, fiki rẹ imoni rẹ efian na re bẹbẹ rhe, ri sioma nu rere ayen vwọ mrẹ otọ rẹ egbemọphẹ rẹ avwanre vwori vwẹ oma ri Kristi Jesu, rere ayen vwọ mrasan vwẹ avwanre ru eviẹn.

Galesha 5:1

Kidie Kristi si avwanre nẹ ọviẹn nure; we gbe mudia gan, wa gbe jẹ oghrọrọ rẹ ọviẹn phihọ ohọre rẹ ovwan ọfa-a.

Matiu 25:25

Oshọ ko mu vwe ke me ra tọn igho wẹn phihọ otọ; nighe igho wẹn na.