Ọbe ri Pọl si rhe Ihwo ri Rom 7:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ẹkẹvuọvo umwemwu, rọ guọnọ asan vwẹ evun rẹ urhi na, o de ru oka koka rẹ urhuru evwo vwẹ evun mẹ. Urhi herọ-ọ yẹ umwemwu ghwuru.

Ọbe ri Pọl si rhe Ihwo ri Rom 7:8 Referans Kwoze

Ọbe ri Pọl si rhe Ihwo ri Rom 7:11

Kidie umwemwu, rọ guọnọ asan vwẹ evun rẹ urhi na, da phiẹn vwẹ oma rọye kọye me wan ghwu.

1 Kọrẹnt 15:56

Obi rẹ ughwu ọye hẹ umwemwu, ogangan rẹ umwemwu ọye hẹ urhi.

Ọbe ri Pọl si rhe Ihwo ri Rom 4:15

Kidie urhi na ghwa ophu cha, ẹkẹvuọvo asan rẹ urhi epha-a urhiẹchọ sa dia-a.

Ọbe ri Pọl si rhe Ihwo ri Rom 7:13

Kẹ obo ri yoma na, kọye rha so ughwu kẹ vwẹ? Kaka vwo! Umwemwu, ro ru Iruo rẹ ughwu vwẹ evun mẹ na vwẹ oma rẹ obo ri yoma rere a vwọ sa mrẹ umwemwu vughe, rere vwẹ oma rẹ urhi na me rhe vwọ dia oruimwemwu rode na.

Ọbe ri Pọl si rhe Ihwo ri Rom 5:20

Ukuko rọye urhi da rhe, rhi ru urhi ẹchọ na bu phihọ; ẹkẹvuọvo asan rẹ umwemwu de bu, etiyin ẹserọphẹ de me buẹ.

Iyẹnrẹ Esiri ri Jọn 15:22

Ọ diane me rhere rhe ta ota kẹ aye-en, ayen e rhe ru umwemwu-u; ẹkẹvuọvo asakiephana ayen gbe mrẹ obo rẹ ayen gu fiki rẹ umwemwu raye-en.

Ọbe ri Pọl si rhe Ihwo ri Rom 7:17

Ọ gbe dia omẹvwẹ ri ruo ọfa-a, ẹkẹvuọvo umwemwu rọ hẹ evun mẹ, kọye hẹ, evun rẹ ugbọma mẹ.

Iyẹnrẹ Esiri ri Jọn 15:24

Ọ dianẹ mi rhi ru iruo rẹ ohwo ofa ji ru vwẹ ohri rẹ ayen dẹvo-o, manẹ ayen ru umwemwu-u; ẹkẹvuọvo asakiephana ayen mrẹre yẹ ayen ji tuoma mẹ kugbe Ọsẹ mẹ.

Iyẹnrẹ Esiri ri Mak 7:22

ẹruephio, evun umwemwu, ọphiẹvwẹ, zighi zighi, omaẹrio, ophọphọvwe, eheri, ughẹnghẹn.

Ọbe ri Pọl si rhe Ihwo ri Rom 3:20

Kidie ọ vwo ohwo ọvuọvo rọ rease vwẹ obaro rọye fiki rẹ iruo rẹ urhi-i, fikiridie urhi na re nẹrhẹ e vwo eriẹnriẹn kpahe umwemwu.

Ọbe ri Pọl si rhe Ihwo ri Rom 7:9

Ọke rẹ urhi herọ-ọ me da rhọ, ẹkẹvuọvo ọke rẹ urhi vwọ rhe nu, umwemwu da rhọvwọ mi de ghwu;