Ọbe ri Pọl si rhe Ihwo ri Rom 6:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ovwan rha vwẹ oma rẹ ovwan ru iruo rẹ umwemwu-u, ẹkẹvuọvo ovwan ru oma rẹ ovwan fuanfon kẹ Ọghẹnẹ kerẹ ihwo ri vrẹn nẹ ughwu kpo arhọ nure, re ovwan rha vwẹ ekuakua rẹ oma rẹ ovwan ru iruo rẹ ọvwata kẹ Ọghẹnẹ.

Ọbe ri Pọl si rhe Ihwo ri Rom 6:13 Referans Kwoze

Ọbe ri Pọl si rhe Ihwo ri Rom 12:1

Imoni mẹ, me rẹ ovwan, rere vwẹ arodọvwẹ rẹ Ọghẹnẹ, ovwan sa vwẹ oma rẹ ovwan ze izobo ọkpokpọ, rọ fọnro ro fo ẹreyọ kẹ Ọghẹnẹ, kọye hẹ ẹga rẹ erhi rẹ ovwan ga.

Ọbe ri Pọl si rhe Ihwo ri Rom 6:16

Ovwan rha riẹn nẹ ovwan ọviẹn rẹ ohwo rẹ ovwan reyọ oma rẹ ovwan vwo mu ọghọ kẹ, eyẹ ọ rẹ umwemwu, ro suẹ ohwo kpo ughwu, eyẹ ọ rẹ ọghọ, ro nẹrhẹ ohwo dia ọvwata?

1 Pita 2:24

Omaobọ rọye ọ vwọ ghwa oghwa rẹ imwemwu rẹ avwanre vwẹ enu rẹ agbagba, rere avwanre vwo ghwu kẹ umwemwu re a mrasan rhọ kẹ ọvwata. Oma ra wanrọ na ọye e vwo sivwi ovwan.

Kolose 3:5

Gbe hwe urhuru sivwe ofefe rẹ akpọ na re o ghwu; igberadja, inuhu, avwerhe rẹ ugboma, ẹguọnọ ọbrabra, urhuru evwo ro hirhe oma phihọ ẹdjọ.

Ọbe ri Pọl si rhe Ihwo ri Rom 7:5

Ọke rẹ avwanre vwọ dia vwẹ ugboma na, ọmeme rẹ umwemwu ọbrabra na, rẹ urhi na kpare na, yo ru iruo vwẹ oma rẹ avwanre rọ mọ emamo kẹ ughwu.

1 Pita 4:2

vwẹ ọtiọye na ovwan ki yere akpọ rẹ ovwan ro chekọ ọ gbe dia ọ rẹ urhuru sivwe rẹ ugboma ọfa-a ẹkẹvuọvo kẹ ọ rẹ ọhọre rẹ Ọghẹnẹ.

Kolose 2:13

Ovwan, ri rhe ghwu fiki rẹ imwemwu kugbe ijẹyanvwọ rẹ ugboma rẹ ovwan jovwo na, Ọghẹnẹ kọ je vwẹ ovwan boma vrẹn fikiridie ọ vwo ghovwo ovwan nure.

1 Kọrẹnt 6:20

o vwo unuigho ra de wẹ. Ọtiọye na gba vwẹ urinrin kẹ Ọghẹnẹ vwẹ oma wẹn.

1 Jọn 1:9

Ẹkẹvuọvo avwanre da fan imwemwu rẹ avwanre, ọye hẹ ohwo rẹ uyota vẹ ọsoso, rọ sa vwẹ umwemwu ghovwo ohwo ọ Me rha hworhẹ avwanre nẹ orukuruku rẹ avwanre ejobi.

1 Kọrẹnt 6:15

Ovwan rha riẹn nẹ oma rẹ ovwan na ekuakua rẹ oma ri Kristi? Ke me vwẹ ekuakua ri Kristi vwo ru ekuakua rẹ igberadja? Kaka bẹdẹ!

Ẹfesọs 2:5

vwẹ ọke rẹ avwanre vwo ghwu fiki rẹ urhi ẹchọ rẹ avwanre na, ọ da kpare avwanre vi Kristi vrẹn (ẹserọphẹ e vwo sivwi ovwan).

Filipae 1:20

Rẹ ọ vwọ dia obo re me hẹrhẹ vẹ iphiẹrohọ na oma gbe rha vo o vwẹ kaka-a, ẹkẹvuọvo vwẹ evun rẹ aroeyivwo vwẹ ọke ejọbi ka sa vwẹ ọghọ kẹ Kristi vwẹ oma mẹ, owenẹ ọ dia ughwu eyẹ arhọ.

1 Kọrẹnt 6:9

Ovwan rha riẹn nẹ ihwo umwemwu cha sa reuku rẹ uvie rẹ Ọghẹnẹ na-a? Wo jẹ a phiẹn wẹ-ẹn; ọvwọfanrhiẹ, eyẹ ọgedjọ, eyẹ o gbe igberadja, eyẹ ọshare ro duẹ ọshare,

Ọbe ri Pọl si rhe Ihwo ri Rom 6:19

Ọnana ephẹrẹ okokodo me jẹ kẹ ovwan na. Kidie kirobo rẹ ovwan vwọ reyọ oma rẹ ovwan vwo ru obo ri je ovwan, rẹ ovwan vwọ dia eviẹn rẹ umwemwu jovwo na, ọtiọye vwẹ asakiephana ovwan gba vwẹ oma rẹ ovwan kẹ ọvwata vẹ ẹfuọn.

2 Kọrẹnt 10:4

Kidie ekuakua rẹ avwanre vwo phiẹ ofovwi na dia e rẹ akpọ na-a ẹkẹvuọvo ọgangan rẹ obenu a vwọ guọghọ ẹgba egangan na.

Ọbe ri Pọl si rhe Ihwo ri Rom 6:11

Ọtiọye na we gbe ji roro oma rẹ ovwan nẹ we ji ghwu kẹ umwemwu jovwo, ẹkẹvuọvo ovwan da rha rhọ fiki ri Kristi Jesu vwọ kẹ Ọghẹnẹ.

Aizaya 55:7

Jẹn oruimwemwu je imwemwu rọye vwo, re ohwo umwemwu jẹ iroro ọbrabra rọye vwo, jẹn o rhivwi bru Ọrovwohwo, rere o ni arodọvwẹ rọye, bru Ọrovwohwo, kidie evwoghovwo rhere buebu.

2 Ikun rẹ Ivie 30:8

We rhe jẹn udu rẹ ovwan dia gangan kerẹ esẹ rẹ ovwa-an, ẹkẹvuọvo wa vwẹ oma kpotọ kẹ Ọrovwohwo, re we bro rhe ẹshẹ rọye, ro ru fon bẹdẹ, re wa rhe ga Ọrovwohwo Ọghẹnẹ wẹn, rere ophu rẹ ovwan ro muo vwo fue.

Ẹfesọs 5:14

Vwẹ ọtiọye na kọye ọ vwọ ta, We rọ vwerhẹ, rhọvwọ, ọ ro ghwuru, varhe, Kristi kọ kẹ wẹ orẹmrẹ.

2 Kọrẹnt 8:5

Ọnana, dia obo rẹ avwanre phiẹrohọ jovwo-o, ẹkẹvuọvo ayen de ke siobọ nẹ oma rẹ ayen kẹ Ọrovwohwo vẹ avwanre vwẹ ọhọre rẹ Ọghẹnẹ.

2 Kọrẹnt 5:15

Yo ghwu kẹ ihwo ejobi, rere ayen otu re herọ na vwo jẹ dia kẹ omobọ rayen ọfa ẹkẹvuọvo vwọ kẹ ohwo rọ vwi fiki rayen ghwu rọ da rhoma vrẹn.

Ọbe ri Pọl si rhe Ihwo ri Rom 7:23

ẹkẹvuọvo me rhe mrẹ urhi ọfa vwẹ ekuakua rẹ oma mẹ ro nene urhi rẹ udu mẹ họnra ro vwẹ ovwẹ ru ọviẹn kẹ urhi rẹ umwemwu rọ hẹ evun rẹ ekuakua rẹ oma mẹ.

Iyẹnrẹ Esiri ri Luk 15:32

O fori re vwo omavwerhe ra ghọghọ, kidie oniọvo wẹn nana ghwuru jovwo, ọ rhoma varhe, o ghwruru jovwo, a rhoma mrẹ,

Jems 4:1

Die re suọ ẹghwọ vẹ ofovwi vwẹ uherevie rẹ ovwan na? Ọ dia avwerhe vẹ urhuru rọ hẹ oma rẹ ovwan re ghwa ofovwi cha-a?

Ọbe ri Pọl si rhe Ihwo ri Rom 1:29

Udu rayen da vọn vẹ orukuruku, ozighi, urhuru, ọhoho. E vọnre vẹ omẹriọ, ozighẹ, ẹghwọ, ophiẹvwe, ota ọbrabra, iguegu,

Iyẹnrẹ Esiri ri Jọn 5:24

Uyota, uyota, me ta kẹ owẹ, ohwo ro nyo eta mẹ rọ de se ọ ro ji vwe rhe gbuyota, ko vwo arhọ ri bẹdẹ; e gbi vwo guẹdjọ ọfa-a, ẹkẹvuọvo yo nẹ ughwn kpo arhọ nure.

Iyẹnrẹ Esiri ri Luk 15:24

Kidie ọmọ me nana ghwuru jovwo, ọ rhoma varhe; o ghwruru jovwo, a rhoma mrẹ. Kẹ ayen ghọghọ.

Daniẹl 3:28

Nẹbukadreza da ta, Ebruba kẹ Ọghẹnẹ ri Shadrak, Mẹshak vẹ Abẹdnigo, rọ ji amakashe rhe rhi sivwi idibo rọye, re vwẹ ẹro suọ ayen da jẹ ota rẹ ovie fia, ayen phi oma rayen phihọ otọ ra ga eghẹnẹ efa-a jọkpa rẹ Ọghẹnẹ rayen ọvo.

Izikiẹl 18:4

Nighe, erhi ejobi eme, erhi ro ru umwemwu ko ghwu.

Isẹ 12:18

Ohwo ọvo herọ rẹ eta rọye epha kpata-kpata kerẹ adjara ro duvwẹ ohwo, ẹkẹvuọvo ẹrẹnvwe rẹ ọvwiroro sivwe ohwo.

Une rẹ Ejiro 37:30

Udu rẹ ọvwata ẹghwanre ọ vwọ ta ota, ẹrẹnvwe rọye ta ota ọsoso.

Urhi Rivẹ 25:16

Kidie ihwo ejobi ri ru imu etiọye, ihwo re ghwa ihwo ria ejobi, ẹgua kẹ Ọrovwohwo rẹ Ọghẹnẹ wẹn na.

2 Tẹsalonaika 2:12

Ọtiọye na ayen ejobi ri se uyota na gbuyota-a re ghọghọ vwẹ umwemwu eruo ke bruhwe ayen.

2 Kọrẹnt 5:14

Kidie ẹguọnọ ri Kristi ri sun avwanre, kidie o mu avwanre ẹro nẹ ohwo ọvo ghwu kẹ avwanre ejobi; vwẹ ọtiọye na ihwo na ejobi ghwu re.

2 Timoti 2:15

Ru obo rẹ udu wẹn ghare re wọ vwẹ oma wẹn kẹ Ọghẹnẹ kerẹ ohwo ọvo ra jẹreyọ, ọwena rẹ oma jẹvuọ, rọ nabọ yọnre ota rẹ uyota na.