Ọbe ri Pọl si rhe Ihwo ri Rom 6:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ughwu ro ghwuru na o ghwu kẹ umwemwu obọvo nure, ẹkẹvuọvo akpọ rọ rhoma yerẹ na ko yere vwọ kẹ Ọghẹnẹ.

Ọbe ri Pọl si rhe Ihwo ri Rom 6:10 Referans Kwoze

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

1 Pita 4:6

Kidie fiki rẹ ọnana e vwo ghwoghwo iyẹnrẹ esiri na kẹ otu ri ghwuru, dede nẹ a vwẹ ayen guẹdjọ vwẹ ugboma kerẹ ihwo na, re ayen sa dia vwẹ erhi kerẹ Ọghẹnẹ.

1 Pita 3:18

Kidie Kristi ghwu kẹ umwemwu obọvo kẹ ihwo ejobi nure, ọvwata ghwu kẹ iruimwemwu, rere ọ vwọ sa reyọ bru Ọghẹnẹ ra, e hwere ghwu vwẹ ugboma ẹkẹvuọvo ọ rhọre vwẹ evun rẹ erhi;

2 Kọrẹnt 5:15

Yo ghwu kẹ ihwo ejobi, rere ayen otu re herọ na vwo jẹ dia kẹ omobọ rayen ọfa ẹkẹvuọvo vwọ kẹ ohwo rọ vwi fiki rayen ghwu rọ da rhoma vrẹn.

Ọbe ri Pọl si rhe Ihwo ri Rom 8:3

Kidie obo rẹ urhi na se ru-u, rọ vwọ hẹ ọvwiẹrẹ fiki rẹ ugboma na, Ọghẹnẹ de ji Ọmọ rọye rhe vwẹ oma rẹ ohwo rẹ akpọ rọ vọnre vẹ umwemwu, o de vwo ze kẹ umwemwu, rere o vwo bruhwe umwemwu vwẹ ugboma,

Ọbe ri Pọl si rhe Ihwo ri Rom 6:11

Ọtiọye na we gbe ji roro oma rẹ ovwan nẹ we ji ghwu kẹ umwemwu jovwo, ẹkẹvuọvo ovwan da rha rhọ fiki ri Kristi Jesu vwọ kẹ Ọghẹnẹ.

Iyẹnrẹ Esiri ri Luk 20:38

Asakiephana ọ dia Ọghẹnẹ rẹ ihwo ighweghwu-u, ẹkẹvuọvo ọ rẹ ihwo ekpokpọ; kidie ayen ejobi rhọ vwọ kẹ.

Ọbe ri Pọl si rhe Ihwo ri Rom 6:9

Kidie avwanre riẹnre nẹ. Kristi vwo vrẹn nẹ ughwu na o gbi che ghwu ọfa-a; ughwu rhe vwo ogangan vwẹ enu rọye ọfa-a.