Ọbe ri Pọl si rhe Ihwo ri Rom 4:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Vwẹ iphiẹrohọ o de segbuyota jo rhẹro, rere ọ rhe vwọ dia ọsẹ rẹ ẹgborho buebu; kirobo ra ta kẹ jovwo, Ọtiọye uvwiẹ wẹn cha dia.

Ọbe ri Pọl si rhe Ihwo ri Rom 4:18 Referans Kwoze

Ọbe ri Pọl si rhe Ihwo ri Rom 8:24

Kidie iphiẹrohọ nana avwanre wan rhọ. Asakiephana iphiẹrohọ rẹ obo re rhiẹ ẹro mrẹ rha dia iphiẹrohọ-ọ. Kidie kono rha rhoma phiẹrohọ obo rọ mrẹ nure?

Ọbe ri Pọl si rhe Ihwo ri Rom 5:5

iphiẹrohọ na sa phiẹn ohwo-o, fikiridie e ku ẹguọnọ rẹ Ọghẹnẹ phihọ udu rẹ avwanre vwẹ oma rẹ Erhi Ọfuanfon na ra vwọ kẹ avwanre.

Iruo rẹ Iyinkọn na 27:25

Ọtiọye na gbe vwo udu, ihwo, kidie mi vwo esegbuyota kpahe Ọghẹnẹ nẹ ọ cha dia dẹn kirobo rọ ta kẹ vwẹ na.

Isẹ 13:12

Emu re phi ẹro phihọ nu ra da kparọ ọ nẹrhẹ udu rẹ ohwo mwa ọga, ẹkẹvuọvo obo rẹ ohwo guọnọ ro de se te obọ ọ họhọ urhe rẹ arhọ.

Ọbe ri Pọl si rhe Ihwo ri Rom 4:17

kirobo re siro, Me vwẹ owẹ ru ọsẹ rẹ ẹghorho buebu–vwẹ obaro rẹ Ọghẹnẹ ru wo segbuyota, rọ vwẹ arhọ kẹ orivwi ro ma emu ra mama jovwo-o phihọ akpọ na.

Izikiẹl 37:11

Etiyin ọ da ta kẹ vwẹ, Ọmọ rẹ ohwo, ibeku nana hẹ uwevwi rẹ Izrẹl ejobi. Nighere, ayen ta nẹ, Ibeku rẹ avwanre yamu, iphiẹrohọ rẹ avwanre reri, e bru avwanre kufia.

Iyẹnrẹ Esiri ri Luk 1:18

Zakaraya da ta kẹ amakashe na, Didi oka mi vwo vugbe ọna? Kidie mẹvwẹ ọmare, aye mẹ je kpako re.

Ọbe ri Pọl si rhe Ihwo ri Rom 4:19

Oma gbe rha rhọ esegbuyota rọye-e vwẹ ọke ro vwo roro oma rọye, rọ ghworo yẹyẹghẹ djẹ itu fikiridie ọ joma te ikpe ujori, eyẹ ọke ro vwo roro Sera ro ji vwiẹ ọmọ-ọ.

Hibru 6:19

Kọye hẹ ọtan rẹ avwanre churu erhi rẹ avwanre mu ro vwo je bo, iphiẹrohọ rọ sa ro obo ẹtan rẹ ẹshẹ na rọ hẹ obuko rẹ oga na,