Ọbe ri Pọl si rhe Ihwo ri Rom 4:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Kidie urhi na ghwa ophu cha, ẹkẹvuọvo asan rẹ urhi epha-a urhiẹchọ sa dia-a.

Ọbe ri Pọl si rhe Ihwo ri Rom 4:15 Referans Kwoze

Ọbe ri Pọl si rhe Ihwo ri Rom 5:13

uyota umwemwu ghene hẹ akpọ na tavwe rẹ urhi ke rhe dia, ẹkẹvuọvo a rha vwẹ umwemwu ba keri-i fikiridie ye ji ji urhi na-a.

Galesha 3:10

Kidie ayen ejobi re vwẹ oma da urhi na ayen hẹ otọ rẹ ekan kidie e siro, Ekan kẹ ohwo kohwo rọ yọnrọn emu ejobi re siri phihọ ọbe rẹ urhi na, ro ru ayen gba-a.

1 Kọrẹnt 15:56

Obi rẹ ughwu ọye hẹ umwemwu, ogangan rẹ umwemwu ọye hẹ urhi.

Galesha 3:19

Kidie e rhe vwo ji urhi? A vwe rọ ba fiki rẹ urhi egbe bẹsiẹ rẹ uvwiẹ na che vwo te obọ rẹ ohwo re ve ive na kẹ, e de vwo mu vwẹ obọ rẹ emakashe vwẹ oma rẹ usuọnvwan.

Iyẹnrẹ Esiri ri Jọn 3:36

Ọ ro se Ọmọ na gbuyota vwo arhọ ri bẹdẹ na; ọ ro rhe mu ọghọ kẹ Ọmọ na-a sa mrẹ arhọ-ọ, ẹkẹvuọvo ophu rẹ Ọghẹnẹ dia uyovwi rọye.

1 Jọn 3:4

Kohwo kohwo ro ru umwemwu yọ reabe rẹ ogbeku; umwemwu ọye hẹ ogbeku rẹ urhi.

Ẹfesọs 5:6

We jẹn ohwo ọvuọvo vwẹ eta ifefe phiẹn ovwa-an, kidie fiki rẹ imu nana ophu rẹ Ọghẹnẹ vwọ tua kpahe emọ ri jẹ ọghọ evwo na.

Iyẹnrẹ Esiri ri Jọn 15:22

Ọ diane me rhere rhe ta ota kẹ aye-en, ayen e rhe ru umwemwu-u; ẹkẹvuọvo asakiephana ayen gbe mrẹ obo rẹ ayen gu fiki rẹ umwemwu raye-en.

Zẹfanaya 1:18

Idọnọ efuanfọn rayen eyẹ iro rayen che se sivwi aye-en vwẹ ẹdẹ rẹ ophu rẹ Ọrovwohwo na-a. Vwẹ erhanre rẹ ophu rẹ omaẹriọ rọye, otọ na ejobi ke torhẹ muotọ. Rọ vwọ gba, kpregede ọye ọ che vwo oba kẹ ọtiọye otu re dia otọ na ejobi cha dia.

Izikiẹl 7:19

Ayen ghwẹ idọnọ rayen phihọ evun rẹ irhuvwu, iro rayen epha kerẹ eravwọ ri jẹfuọn; idọnọ vẹ iro rayen se sivwi ayen vwẹ ẹdẹ rẹ ivuemiovwo rẹ Ọrovwohwo na-a, ayen se fue owẹvwe raye-en eyẹ ọ sa vọn evun raye-en. Kidie ọye uchukurhe umwemwu rẹ orukuruku rayen.

Kolose 3:6

Fikiridie imu nana ophu rẹ Ọghẹnẹ rhe vwọ tua kpahe emọ ri jẹ ọghọ evwo na.

Ọbe ri Pọl si rhe Ihwo ri Rom 1:17

Kidie iyẹnrẹ esiri na re vwẹ ọvwata rẹ Ọghẹnẹ phia vwẹ oma rẹ esegbuyota fiki rẹ esegbuyota; kirobo re siro, Ohwo rọ wan oma rẹ esegbuyota dia ọvwata kọ rhọ.

Uvwerhe 2:22

Wọwẹ ri se avwanre kpo ẹdorẹ re bruru uguegue vwi kabọ kabọ; vwẹ ẹdẹ rẹ ophu rẹ Ọrovwohwo ohwo ọvuọvo sa vabọ-ọ eyẹ ke sa rhọ-ọ, Ayen otu re me fẹnre re me ghẹre ivwighrẹ mẹ mie vwe ghwọrọ.

Jerimaya 4:8

Fiki rẹ ọnana, gba vwẹ esiso rhuo, viẹ beroma; kidie ophu ọtuatua rẹ Ọrovwohwo na ji kurhẹriẹ jẹn avwanre vwo-o.

Ivie rẹ Ivẹ 22:13

Yanran ra nọ Ọrovwohwo kẹ vwẹ, vwọ kẹ ihwo na, kugbe Juda ejobi, vwọ kpahe eta rẹ ọbe nana ra mrẹre na, kidie ophu rẹ Ọrovwohwo ọ rhuarho vwọ kpahe avwanre, fikiridie esẹ rẹ avwanre mu ọghọ kẹ eta rẹ ọbe nana rẹ ayen de ru emu nana ejobi kirobo re si ayen kpahe avwanre-e.

Ukeri 32:14

Nighere, ovwan kọye rhe mu vwẹ ẹdia rẹ esẹ rẹ ovwan na, uvwiẹ rẹ ihwo umwemwu na, rẹ ovwan rhanriẹ ophu rẹ Ọrovwohwo na kpahe Izrẹl!

Ẹvwọphia 19:15

Ọlọkọ rọ dan prẹprẹ de yoro nẹ unu rọye rhe kọye ọ vwọ nyavwe ẹgborho na hwe, kọ vwẹ ọkpọ rẹ utehru sun ayen; ko che chiyi okọ rẹ imiemi rẹ ophu rẹ Ọghẹnẹ Ọrovwoẹgba.