Biblia Todo Logo
Bib sou entènèt

- Piblisite -




Ọbe ri Pọl si rhe Ihwo ri Rom 4:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

11 Ọ da reyọ oyanvwe na kerẹ oka kọye iseri rẹ ọvwata rọye ro vwori vwi fiki rẹ esegbuyota vwẹ ọke rọ je yanvwe-e. Rere ọ vwọ sa dia ọsẹ rẹ ayen ejobi ri segbuyota jẹ eyanvwere-e re kere phihọ ọvwata kẹ ayen.

Gade chapit la Kopi




Ọbe ri Pọl si rhe Ihwo ri Rom 4:11
46 Referans Kwoze  

ọvwata rẹ Ọghẹnẹ vwẹ oma rẹ esegbuyota vwi Jesu Kristi ọ herọ kẹ ihwo ejobi ri segbuyota. Ọ vwo ofẹnẹ-ẹ.


Jesu da ta kẹ, Nonẹ na esivwo ro uwevwi nana, kidie ọmọ rẹ Ebraham o ruẹ.


Vwẹ esegbuyota ọye Ọghẹnẹ vwọ vuẹ Noa kpahe obo re cha phia ra je mrẹ-ẹ, o da djẹ oshọ ra kare okọ ro vwo sivwi evwruwevwi rọye, vwẹ oma rẹ ọnana o vwo brorhiẹ hwe akpọ na ọ da rhe dia ọreuku rẹ ọvwata rọ wan oma rẹ esegbuyota rhe.


Ọ da ka oka rọye phihọ avwanre ọ de phi Erhi rọye phihọ udu rẹ avwanre kerẹ esarobọ.


ra mrẹ vwẹ vwẹ evun rọye, ọ dianẹ ki mi rhe vwo ọvwata rẹ obọ mẹ, ro nẹ oma rẹ urhi rhe-e, ẹkẹvuọvo ọ rọ wan esegbuyota vwẹ evun ri Kristi rhe, ọvwata ro nẹ obọ rẹ Ọghẹnẹ rhe fiki rẹ esegbuyota;


We jẹn ophu muẹ Erhi Ọfuanfon rẹ Ọghẹnẹ ra vwọ kẹ ovwan nẹ ọ yonre ovwan re te ẹdẹ rẹ etanhirhe na-a.


Vwẹ evun rọye ovwan, ri nyo ota rẹ uyota na, iyẹnrẹ esiri rẹ esivwo rẹ ovwan na, ri de se gbuyota, ka ka oka rẹ ive rẹ Erhi Ọfuanfon na phihọ ayen.


Ufuoma kugbe arodọvwẹ dia kẹ ayen ejobi re yan nene urhi nana, vwẹ enu rẹ Izrẹl rẹ Ọghẹnẹ.


Kidie vwẹ oma rẹ Erhi, fiki rẹ esegbuyota, avwanre vwọ hẹrhẹ iphiẹrohọ rẹ ọvwata.


O da dianẹ ovwan ọ ri Kristi, yẹ ovwan kẹ uvwiẹ rẹ Ebraham ọreuku kirobo rẹ ive epha.


Ẹkẹvuọvo ọbe ọfuanfon na de ke emu na ejobi ba umwemwu, rere obo re ve kẹ esegbuyota vwi Jesu Kristi a sa vwọ kẹ ayen otu ri segbuyota.


Wọ mrẹrẹ nẹ ihwo ri vwo esegbuyota ọtiọye eye hẹ emọ rẹ Ebraham.


Ọbe ọfuanfọn na tare, Kohwo kohwo ro sere gbuyota oma gbe sa vuọ-ọ.


Ẹkẹvuọvo ọvwata rọ wan oma rẹ esegbuyota rhe tare, Wọ rha ta vwẹ evun rẹ udu wẹ-ẹn, Kono ri yeri kpo obo odjuvwu re se Kristi rhe otọ!


Kidie, Kristi hẹ oba rẹ urhi na, rere ohwo kohwo ro vwo esegbuyota vwọ sa rease.


Jesu da ta kẹ ayen, Mẹvwẹ hẹ ikara rẹ arhọ na; ohwo ro bru uvwe rhe owẹvwe gbi hwe-e, ohwo ro se vwe gbuyota urhuru rẹ ame gbi hwe bẹdẹ-ẹ.


a da ta kẹ ayen nẹ ayen ria odi rẹ akpọ na-a eyẹ egẹ eyẹ irhe-e, jokpa rẹ ihwo ri jẹ oka rẹ Ọghẹnẹ na evwo vwẹ arhare rayen;


Ọbe ri Saimọn Pita, odibo kugbe ọyinkọn ri Jesu Kristi, ro si rhe ayen otu ri vwo esegbuyota nure re vẹ avwanre gba hẹ abavo vwẹ evun rẹ ọvwata rẹ Ọghẹnẹ rẹ avwanre kugbe Osivwi rẹ avwanre Jesu Kristi.


Kidie avwanre rha ta? Nẹ ihwo ri Keferi re gbẹn idjerhe rẹ ọvwata jovwo-o rhoma rhe dia evwata, kọye hẹ, ọvwata vwẹ oma rẹ esegbuyota;


Ọ dianẹ kẹ ota rẹ Ọghẹnẹ je ruo gba-a. Kidie ọ dia ihwo ejobi ri nẹ uvwiẹ rẹ Izrẹl rhe hẹ ihwo rẹ Izrẹli-i,


ko vwiro dje vwẹ ọke nana nẹ ekpuyovwi rọye ọvwata nẹ ọ sa vwẹ ase kẹ ohwo ro vwo esegbuyota kpahe Jesu.


Ayen da kpahe kẹ, avwanre uvwiẹ rẹ Ebraham, avwanre je dia ọviẹn rẹ ohwo dẹvo-o. Komavọ wọ vwọ ta nẹ, Ke ru ovwan ọmuvwiẹ?


Uyota, uyota, me ta kẹ owẹ, ohwo ro segbuyota o vwo arhọ ri bẹdẹ.


Kidie ọnana hẹ ọhọre rẹ Ọsẹ mẹ na, nẹ ohwo kohwo rọ mrẹ Ọmọ na nu ro de segbuyota ko vwo arhọ ri bẹdẹ; ke me kparọ vrẹn vwẹ ẹdẹ rẹ oba na.


Ọ ro se Ọmọ na gbuyota vwo arhọ ri bẹdẹ na; ọ ro rhe mu ọghọ kẹ Ọmọ na-a sa mrẹ arhọ-ọ, ẹkẹvuọvo ophu rẹ Ọghẹnẹ dia uyovwi rọye.


Saimọn Pita da kpahe ọ da ta nẹ, Wẹ hẹ Kristi na, Ọmọ rẹ Ọghẹnẹ ri bẹdẹ na.


Me ta kẹ ovwan nẹ, ihwo buebu che nẹ obaro ọnre rhe kugbe obọrhe ọnre, i mi rhi tidia kugbe Ebraham, Aizik kugbe Jekọp vwẹ uviẹ rẹ Ọghẹnẹ.


Ru ẹdidjala mẹ na fuanfon rere ayen vwọ dia oka vwẹ uvwre me vẹ owẹ, rere wọ vwọ riẹn nẹ mẹvwẹ Ọrovwohwo mẹvwẹ Ọghẹnẹ wẹn.


Ọ rọ marho, me da vwẹ ẹdidjala mẹ kẹ ayen, rere ọ dia oka vwẹ uvwiẹ mẹ vẹ ọ rẹ ayen rere ayen vwọ riẹn nẹ mẹvwẹ Ọrovwohwo ri ru ayen fon.


Ọrovwohwo Ọghẹnẹ rẹ ovwan kọ yanvwe udu rẹ ovwan kugbe udu rẹ emọ rẹ ovwan, rere ovwan vwọ reyọ udu rẹ ovwan ejobi guọnọ Ọrovwohwo rẹ Ọghẹnẹ rẹ ovwan kugbe ẹnwẹn rẹ ovwan ejobi, re ovwan vwọ mrasan rhọ.


Ọyena kọ dia oka ri bẹdẹ rọ hẹ uvwre mẹ vẹ ihwo rẹ Izrẹl na tanẹ ẹdẹ esan ọye Ọrovwohwo vwọ ma odjuvwu vẹ akpọ, ẹdẹ rẹ ighwrẹn o de rovwoma, oma rọye da sasa.


Ta kẹ ihwo rẹ Izrẹl nẹ, Wa me yọnrọn ẹdidjala mẹ, kidie ọnana cha dia oka vwẹ uvwre mẹ vẹ ovwan ra ro uvwiẹ wẹn ejobi, rere wọ vwọ riẹn nẹ Mẹvwẹ, rẹ Ọrovwohwo, ri ru we fon.


Ọbara na kọ cha dia oka kẹ wẹ, vwẹ enu rẹ uwevwi rẹ ovwan epha, ọke me da mrẹ ọbara na, ke me wanvrẹn wẹ, emiavwe ọvuọvo gbi che te we rọ guọghọ owẹ-ẹ, ọke re Me da rhe ghwiẹ otọ rẹ Ijipt na.


kirobo re siro, Nighere, me ra reyọ uchivwo vwo mu vwi Zayọn rọ cha nẹrhẹ ihwo yẹnghrẹ uchivwo rọ nẹrhẹ ayen she ọ ro sere gbuyota oma gbe sa vuọ-ọ.


Ebraham da dia ikpe ọvo nuro ujori ọ ghwo te vwẹ ọke rọ vwọ yanvwe.


Isun rẹ ihwo na si koko kerẹ ihwo re Ọghẹnẹ re Ebraham. Kidie ekpọfia rẹ akpọ na e rẹ Ọghẹnẹ ọye a kpare kpenu gangan!


ohwo rọ reyọ iseri rọye ka oka phihọ ọnana nẹ, Ọghẹnẹ hẹ uyota.


Kidie Ọghẹnẹ ọvuọvo; ọye sa vwẹ ase kẹ ihwo re yanvwere fiki rẹ esegbuyota rayen kugbe ijẹyanvwọ fiki rẹ esegbuyota rayen.


Komavọ e kere kẹ? Ọke rọ vwọ yanvwe nu gbinẹ ọke rọ je yanvwe-e? Ọ dia ọke rọ vwọ yanvwe nu-u, ẹkẹvuọvo ọke rọ je yanvwe-e.


Swiv nou:

Piblisite


Piblisite