Ọbe ri Pọl si rhe Ihwo ri Rom 3:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Kaka vwo! Gbe jẹn Ọghẹnẹ dia uyota re kohwo kohwo dia ọvwọnrọn ofian, kirobo re siro, Rere wọ vwọ sa rease vwẹ eta wẹn, vwo phi kparobọ vwẹ ọke ra da vwẹ owẹ guẹdjẹ.

Ọbe ri Pọl si rhe Ihwo ri Rom 3:4 Referans Kwoze

Une rẹ Ejiro 51:4

Wọwẹ ọvo, mi ru imwemwu kpahe, mi ru obo re brare vwẹ obaro wẹn, wọ vwọ re ase vwẹ ẹdjọeguo wẹn rere wọ vwọ je abe ẹriọ vwẹ orhiebro.

Une rẹ Ejiro 116:11

Me da ta vwẹ ọke re emu na ejobi vwo bi nyẹ vwẹ, Ihwo ejobi na iphiẹrohọ ofefe ghevweghe

Galesha 2:17

Ẹkẹvuọvo ọ da dianẹ, rẹ avwanre vwọ pharha ra vwọ rease vwẹ oma ri Kristi ekpuyovwi rẹ avwanre da rhoma rhi hirhe phihọ iruimwemwu, Kristi kẹ ikọn rẹ umwemwu o ruẹ? kaka vwo!

Hibru 6:18

rere vwi fiki rẹ emu nana ivẹ re sa rhẹriẹ-ẹ na, kidie ọ pha bẹnbẹn kẹ Ọghẹnẹ rọ vwọ vwọrọn ofian, kẹ arueyivwo yena avwanre vwọ djẹ sioma nu vwẹ iphiẹrohọ rọ vwọ kẹ avwanre na.

Taitọs 1:2

vẹ iphiẹrohọ rẹ arhọ ri bẹdẹ na, rẹ Ọghẹnẹ rẹ uyota na ve phihọ rhahae rhe.

Urhi Rivẹ 32:4

Oragha na, iruo rọye gbare; kidie idjerhe rọye ejobi ọsoso. Ọghẹnẹ rẹ uyota ro vwo umwemwu-u, ọvwata vẹ ohwo ọsoso o ruẹ.

ỌBE RẸ JOB 36:3

Me cha reyọ erianriẹ mẹ nẹ ogboko rhe, mi che djẹ ọvwata rẹ Ọrọmavwẹ phia.

Iyẹnrẹ Esiri ri Jọn 3:33

ohwo rọ reyọ iseri rọye ka oka phihọ ọnana nẹ, Ọghẹnẹ hẹ uyota.

Une rẹ Ejiro 119:160

Ekuogbe rẹ ota wẹn ejobi uyota egha kegha rẹ ọvwata wẹn ejobi na dia rhiri bẹdẹ.

Ẹvwọphia 3:7

Kẹ enẹ o si rhe amakashe rẹ ishọshi ri Filadẹlfia. Eta rẹ ọfuanfon ọvuọvo na, ohwo rẹ uyota na, ro vwo usiaphrẹ ri Devid, ohwo ro rhie nẹ ohwo ọfa se huho-o, ro de huho nu ohwo ọfa se rhie-e.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

Ọbe ri Pọl si rhe Ihwo ri Rom 9:14

Kidie avwanre rha ta? Kẹ Ọghẹnẹ ru chọ? Kaka vwo!

Une rẹ Ejiro 138:2

Me nuẹ uyovwi kẹ uwevwi wẹn ọfuanfon na Me vwẹ ẹkpẹvwẹ vwọ kẹ odẹ wẹn fiki rẹ ẹguọnọ wẹn ro jẹ rhẹriẹ na vẹ uyota wẹn; kidie wẹ a kpare kpenu vrẹn kemu kemu ode wẹn kugbe ota wẹn.

Maika 7:20

Wọ vwẹ evun esiri nẹ Jekọp ẹguọnọ esiri wẹn na kẹ Ebraham, kirobo wo ruru kẹ esẹ rẹ avwanre nẹ ọke awanre rhe.

Une rẹ Ejiro 100:5

Kidie Ọrovwohwo na yoma; ẹguọnọ rọye ro jẹ rhẹriẹ dia rhiri bẹdẹ, esegbuyota rọye re te uvwiẹ na ejobi.

1 Jọn 5:10

Ohwo ro se Ọmọ rẹ Ọghẹnẹ na gbuyota yọ reyọ iseri na phihọ oma rọye nure. Ohwo ro rhe se Ọghẹnẹ gbuyota-a yo sere ọvwọrọn ofian, fikiridie o rhe se oseri rẹ Ọghẹnẹ se kpahe Ọmọ rọye na gbuyota-a.

Galesha 2:21

Mi jẹ ẹserọphẹ rẹ Ọghẹnẹ kufia-a; kidie ọ da dianẹ ase-ẹriọ kẹ oma rẹ urhi na o wan rhe, yẹ ughwu ri Krisri na gbi fi emuọvo-o.

Ọbe ri Pọl si rhe Ihwo ri Rom 6:15

Kidie ọfa? Avwanre gbe rhoma ru umwemwu fikiridie avwanre gbe hẹ otọ rẹ urhi-i ẹkẹvuọvo otọ rẹ ẹserọphẹ? Kaka vwo!

Ọbe ri Pọl si rhe Ihwo ri Rom 3:31

Kẹ avwanre vwi fiki rẹ esegbuyota phan urhi na? Kaka vwo! Vwẹ owọ ọfa, avwanre ke yọnrọn urhi na.

Matiu 11:19

Ọmọ rẹ ohwo rhere ọ da ọ ria, ovwan da ta nẹ, Nighe oruimwemwu, ọgbọre, ọgbaudi, ugbeyan rẹ imiarhọghọ kugbe iruimwemwu yẹ iruo rọye vọnre vẹ aghwanre.

ỌBE RẸ JOB 40:8

Ku wọ ta kẹ vwẹ obo ri mi ru chọ? Ku wo brorhiẹ hwe vwe ru wọ vwọ re ase?

Galesha 6:14

Ẹkẹvuọvo me guọnọ ejiro kaka-a jokpa nẹ vwẹ evun rẹ agbagba rẹ Ọrovwavwanre Jesu Kristi na, rọ nẹrhẹ a kanre akpọ na mu agbagba kẹ vwẹ na, a da rha kanre ovwẹ mu agbagba kẹ akpọ na.

Ọbe ri Pọl si rhe Ihwo ri Rom 11:1

Me nọre nẹ, kẹ Ọghẹnẹ siẹn ihwo rọye? Kaka vwo! Mẹvwẹ rọ ta ota na je vwọ ohwo rẹ Izrẹl, uvwiẹ rẹ Ebraham, ohwo rẹ orua ri Bẹnjamin.

Une rẹ Ejiro 62:9

Ihwo ri kpotọ emu ghevweghe, ihwo ri kpenu ji ophiẹnvwe; a da vwavwọn ayen; ayen pharhe nọ emu diodi.

2 Kọrẹnt 1:18

Kirobo ro muẹro nẹ Ọghẹnẹ ohwo rẹ uyota, eta rẹ avwanre ta kẹ ovwan na dia eta ri E vẹ Ẹjo-o.

Ọbe ri Pọl si rhe Ihwo ri Rom 11:11

Ọtiọye na me nọre, kẹ ayen di yẹghrẹ re ayen vwọ mrasan she? Kaka vwo! Ẹkẹvuọvo fiki rẹ eshe rayen esivwo vwo bru ihwo ri Keferi rhe, rere Izrẹl vwọ reoma.

Ọbe ri Pọl si rhe Ihwo ri Rom 7:7

Kidie avwanre rha ta? Nẹ urhi na kẹ umwemwu? Kaka vwo! Dede na, ọ dianẹ kẹ urhi na vwo-o, me a gbe riẹn umwemwu-u. Ọ dianẹ urhi na re tare nẹ wo vwo urhuru-u me a gbe riẹn obo re se nẹ urhuru evwo-o.

Ọbe ri Pọl si rhe Ihwo ri Rom 6:2

Kaka vwo! Komavọ avwanre ri ghwu kẹ umwemwu obọvo nure na rhe vwo ru imwemwu ọfa?

Iyẹnrẹ Esiri ri Luk 20:16

Kọ rhe rhe ghwọrọ ihwo yena, kọ vwẹ ogba ri vain na kẹ ihwo efa. Ọke rẹ ayen vwo nyo ọnana, ayen da ta, Ọghẹnẹ gha!

Ọbe ri Pọl si rhe Ihwo ri Rom 7:13

Kẹ obo ri yoma na, kọye rha so ughwu kẹ vwẹ? Kaka vwo! Umwemwu, ro ru Iruo rẹ ughwu vwẹ evun mẹ na vwẹ oma rẹ obo ri yoma rere a vwọ sa mrẹ umwemwu vughe, rere vwẹ oma rẹ urhi na me rhe vwọ dia oruimwemwu rode na.

1 Kọrẹnt 6:15

Ovwan rha riẹn nẹ oma rẹ ovwan na ekuakua rẹ oma ri Kristi? Ke me vwẹ ekuakua ri Kristi vwo ru ekuakua rẹ igberadja? Kaka bẹdẹ!

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.