Ọbe ri Pọl si rhe Ihwo ri Rom 3:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Ẹkẹvuọvo asakiephana a vwẹ ọvwata rẹ Ọghẹnẹ phia vwẹ obuko rẹ urhi, dede na te urhi na te emraro na se oseri kẹ,

Ọbe ri Pọl si rhe Ihwo ri Rom 3:21 Referans Kwoze

Iruo rẹ Iyinkọn na 10:43

Ọye emraro na ejobi se iseri kẹ nẹ kohwo kohwo ro sere gbuyota kọ vwo evwoghovwo rẹ imwemwn fiki rẹ odẹ rọye.

Jerimaya 33:16

Vwẹ ẹdẹ yena Juda kọ rhọ Jerusalẹm kọ dia vwẹ egbẹrhẹnẹdẹ. Kẹ ọ na odẹ re che vwo se, Ọrovwohwo na ọvwata rẹ avwanre.

Filipae 3:9

ra mrẹ vwẹ vwẹ evun rọye, ọ dianẹ ki mi rhe vwo ọvwata rẹ obọ mẹ, ro nẹ oma rẹ urhi rhe-e, ẹkẹvuọvo ọ rọ wan esegbuyota vwẹ evun ri Kristi rhe, ọvwata ro nẹ obọ rẹ Ọghẹnẹ rhe fiki rẹ esegbuyota;

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Aizaya 51:8

Kidie eghwọghwọ cha re ayen kerẹ ewun, ihori ke cha re ayen kerẹ ẹton rẹ ogegede; ẹkẹvuọvo esivwo Mẹ kọ dia bẹdẹ, arhọ Mẹ kọ dia kẹ uvwiẹ na ejobi.

Galesha 3:8

Re ẹbe ọfuanfon na, vwọ mrẹ nẹ Ọghẹnẹ cha vwẹ ase kẹ ihwo ri Keferi fiki rẹ esegbuyota, ọye o vwo ghwoghwo iyẹnrẹ esiri na kẹ Ebraham jovwo nẹ Vwẹ oma wẹn ọye ẹgborho na ejobi wan vwo ebruphihọ.

Ọbe ri Pọl si rhe Ihwo ri Rom 5:19

Kidie obo ri ijọghọevwo rẹ ohwo ọvo ru ihwo buebu phihọ iruimwemwu na, ọtiọye na ọghọemuo rẹ ohwo ọvo rhe ru ihwo buebu phihọ ọvwata.

Ọbe ri Pọl si rhe Ihwo ri Rom 1:17

Kidie iyẹnrẹ esiri na re vwẹ ọvwata rẹ Ọghẹnẹ phia vwẹ oma rẹ esegbuyota fiki rẹ esegbuyota; kirobo re siro, Ohwo rọ wan oma rẹ esegbuyota dia ọvwata kọ rhọ.

Ọbe ri Pọl si rhe Ihwo ri Rom 1:2

ro veri jovwo vwẹ unu rẹ emraro rọye vwẹ evun rẹ ẹbe efuanfon na.

Iruo rẹ Iyinkọn na 15:11

Ẹkẹvuọvo avwanre segbuyota nẹ avwanre cha rhọ vwẹ oma rẹ ẹserọphẹ rẹ Ọrovwohwo Jesu, kirobo rẹ ayen je rhọ.

Aizaya 46:13

Mi bi esivwo Mẹ kẹre, o sheri-i, esivwo Mẹ che kri-i, Mi phi esivwo phihọ Zayọn vwọ kẹ Izrẹl urinrin Mẹ.

Iyẹnrẹ Esiri ri Luk 24:44

Etiyin ọ da ta kẹ ayen, Enana eta mẹ re me ta kẹ ovwan, re me vẹ ovwan vwọ herọ, nẹ kemu kemu re siri kpahe ovwẹ vwẹ evun re urhi ri Mosis kugbe emraro na vẹ ine rẹ ejiro na cha gba.

2 Pita 1:1

Ọbe ri Saimọn Pita, odibo kugbe ọyinkọn ri Jesu Kristi, ro si rhe ayen otu ri vwo esegbuyota nure re vẹ avwanre gba hẹ abavo vwẹ evun rẹ ọvwata rẹ Ọghẹnẹ rẹ avwanre kugbe Osivwi rẹ avwanre Jesu Kristi.

1 Pita 1:10

Emraro na re mraro rẹ ẹserọphẹ ra cha vwọ kẹ ovwan na e guọnerọ, e je nọ kpahe esivwo nana;

Galesha 5:5

Kidie vwẹ oma rẹ Erhi, fiki rẹ esegbuyota, avwanre vwọ hẹrhẹ iphiẹrohọ rẹ ọvwata.

Ọbe ri Pọl si rhe Ihwo ri Rom 16:26

ẹkẹvuọvo ra rhe vwọ phia vwẹ asakiephana vwẹ oma rẹ isiesi rẹ emraro na ẹgborho rẹ akpọ na ejobi riẹnre na, kirobo re urhi rẹ Ọghẹnẹ ro jeghwo epha, ro nẹrhẹ e mu ọghọ kẹ esegbuyọta na–

Iruo rẹ Iyinkọn na 26:22

Rhi te nonẹ na ọchuko ri mi vwori kẹ obọ rẹ Ọghẹnẹ o nurhe, kọye mi vwo mudia vwẹ etinẹ se oseri kẹ ọmọ te ọkpako, tanẹ ọ rha vrẹn emu ọfa-a vwọ nọ obo rẹ emraro na kugbe Mosis tare nẹ e cha phia;

Iyẹnrẹ Esiri ri Jọn 1:45

Filip da mrẹ Nataniẹl, ọ da ta kẹ, Avwanre mrẹ ohwo na ri Mosis djeri vwẹ evun rẹ urhi na rẹ emraro na si kpahe, Jesu ri Nazarẹt, ọmọ ri Josẹf.

Daniẹl 9:24

E bru ẹdidjana ujorha gbẹ ihwe rẹ ukpe vwọ kẹ ihwo wẹn vẹ orere ọfuanfon wẹn, re ogbeku na vwo re, re umwemwu ji vwo re, ra vwọ rhuẹrẹ arhuẹrẹ fiki rẹ orukuruku, bẹsiẹ ra vwọ reyọ ọvwata ri bẹdẹ vwọ rhe uwevwi bẹsiẹ re vwo rhurhu evwerhẹ vẹ aruẹmrẹ, bẹsiẹ ra vwọ vwẹ evwri te asan rọ ma fọn na,

Aizaya 54:17

orọvwọ re duvwu vwọ so owẹ se yovwi-i, ku wo gbe ota phihọ unu kunu ro vrẹn vwọ so owẹ vwẹ ẹdjọ. Ọnana kọ dia ughwẹ re idibo rẹ Ọrovwohwo kugbe ase rẹ ayen cha re vwẹ obọ mẹ, eriyin Ọrovwohwo tare.

Jẹnẹsis 15:6

O de se Ọrovwohwo gbuyota, o de kere vwọ kẹ nẹ ọvwata o ruẹ.

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

1 Kọrẹnt 1:30

Ọye hẹ esiri rẹ arhọ wẹn vwẹ evun ri Kristi Jesu, ọye Ọghẹnẹ ru phihọ aghwanre rẹ avwanre, ọvwata, orufuọn kugbe ẹtanhirhe rẹ avwanre;

Ọbe ri Pọl si rhe Ihwo ri Rom 9:30

Kidie avwanre rha ta? Nẹ ihwo ri Keferi re gbẹn idjerhe rẹ ọvwata jovwo-o rhoma rhe dia evwata, kọye hẹ, ọvwata vwẹ oma rẹ esegbuyota;

Ọbe ri Pọl si rhe Ihwo ri Rom 5:21

Ọtiọye na, kirobo rẹ umwemwu suẹn vwẹ evun rẹ ughwu na, ọtiọye rhe ẹserọphẹ je wan oma rẹ ọvwata su re te arho ri bẹdẹ vwẹ oma ri Jesu Kristi Ọrovwavwanre.

Iruo rẹ Iyinkọn na 28:23

Ọke rẹ ayen vwo bru ẹdẹ kẹ nu, ayen buebu de bro rhe asan ro wori. Ọ da nabọ rhie ota na phihọ kẹ ayen nẹ irhiọke re te ovwọnvwọn, ro se oseri rẹ uvie rẹ Ọghẹnẹ na rere o vwo dje Jesu kẹ ayen nẹ evun rẹ urhi ri Mosis na kugbe emraro na rere o vwo mu ayen ẹro.

Ọbe ri Pọl si rhe Ihwo ri Rom 3:28

Kidie a reyerọ nẹ esegbuyota ọye ohwo vwọ rease ọ dia fiki rẹ iruo rẹ urhi-i.

2 Kọrẹnt 3:9

Kidie ọ da dianẹ udidi hẹ ogharọ rẹ ughwu, ogharọ rẹ ọvwata kọ ma rho vwẹ udidi.