Ọbe ri Pọl si rhe Ihwo ri Rom 3:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Asakiephana avwanre riẹnre nẹ kemu kemu rẹ urhi tare ọ tarọ kẹ ayen otu re hẹ otọ rẹ urhi, rere unu ri kohwo kohwo rọ phraphro vwo rhurhu, rere ihwo rẹ akpọ ejobi vwọ hẹrhẹ orhiebro ro nẹ obọ rẹ Ọghẹnẹ rhe.

Ọbe ri Pọl si rhe Ihwo ri Rom 3:19 Referans Kwoze

Galesha 3:10

Kidie ayen ejobi re vwẹ oma da urhi na ayen hẹ otọ rẹ ekan kidie e siro, Ekan kẹ ohwo kohwo rọ yọnrọn emu ejobi re siri phihọ ọbe rẹ urhi na, ro ru ayen gba-a.

Ọbe ri Pọl si rhe Ihwo ri Rom 3:9

Kidie oyena firi? Avwanre ihwo ri Ju ri me yovwi? Ẹjo, kaka vwo; kidie me ta nure nẹ ihwo ejobi, te ihwo ri Ju kugbe ihwo ri Grik, hẹ otọ rẹ ogangan rẹ umwemwu,

Izikiẹl 16:63

Ọke ri mi de vwo ghovwo uwe emu ejobi ru wo ruru, kẹ wọ cha karo phihọ, oma kọ vo wẹ, wo rhe che rhiẹ unu wẹ ọfa fikirẹ omaẹvọ wẹ-ẹ, eriyin Ọrovwohwo Ọghẹnẹ tare.

Galesha 5:18

Ẹkẹvuọvo Erhi na de sun we yu wọ gbe hẹ otọ re urhi na-a.

1 Kọrẹnt 1:29

rere ohwo rẹ akpọ vwo jẹ eyan ẹyan vwẹ obaro rẹ Ọghẹnẹ.

Ọbe ri Pọl si rhe Ihwo ri Rom 3:23

Kidie ihwo ejobi ru umwemwu o rhe jẹ urinrin rẹ Ọghẹnẹ dia oma rẹ avwanre-e.

Une rẹ Ejiro 107:42

Ohwo rẹ ọsoso kọ mrẹ ọ me ghọghọ, ihwo umwemwu ejobi ki rhurhu unu rọye

Galesha 4:21

Gba ta kẹ vwẹ, ovwan re rhoma guọnọ dia otọ rẹ urhi na, we nyo obo rẹ urhi tare?

Galesha 4:5

re ọ rhe tan ihwo re hẹ otọ rẹ urhi na, rere a vwọ mrasan vwẹ avwanre ru emọ.

Ọbe ri Pọl si rhe Ihwo ri Rom 1:20

Nẹ ẹtuọhọ rẹ akpo na rhe ugboma rọye re jẹmrẹ na, kọye hẹ, ogangan rẹ ọrho rọye ri bẹdẹ na, a mrẹrẹ vughe vwẹ oma rẹ emu rọ mare. Vwẹ ọtiọye na ayen gbe mrẹ asa gun phihọ-ọ;

Iyẹnrẹ Esiri ri Jọn 8:9

Ẹkẹvuọvo ọke rẹ ayen vwo nyo, ayen da yanran, ohwo ọvuọvo, nẹ okpako rhiri re te ọkẹ oba, Jesu ọvo kọye ri chekọ kugbe aye na ro mudia vwẹ obaro rọye.

ỌBE RẸ JOB 5:16

Ọtiọye ogbere ko vwo iphiẹrohọ, oshenyẹ ko rhurhu unu rọye.

1 Samuẹl 2:9

Ọ sẹro rẹ awọ rẹ ihwo esiri, ẹkẹvuọvo ka nyavwe ihwo umwemwu kufia vwẹ ebri, kidie ọ dia ẹgba ohwo cha vwọ rhọ-ọ.

Ọbe ri Pọl si rhe Ihwo ri Rom 3:4

Kaka vwo! Gbe jẹn Ọghẹnẹ dia uyota re kohwo kohwo dia ọvwọnrọn ofian, kirobo re siro, Rere wọ vwọ sa rease vwẹ eta wẹn, vwo phi kparobọ vwẹ ọke ra da vwẹ owẹ guẹdjẹ.

Ọbe ri Pọl si rhe Ihwo ri Rom 3:2

Obuebu vwi kabọ kabọ. Ọ rẹsosuọ, ihwo ri Ju a ka vwẹ aroẹmrẹ rẹ Ọghẹnẹ na kẹ.

Iyẹnrẹ Esiri ri Jọn 15:25

Ọnana ruru rere ota re si phihọ urhi rayen na vwọ gba, Ayen di tuoma mẹ ekueku.

Une rẹ Ejiro 63:11

Ẹkẹvuọvo ovie cha ghọghọ vwẹ oma rẹ Ọghẹnẹ; ihwo re vwẹ odẹ rọye duvwu iyori ejobi che vwo urinrin, kidie unu rẹ evwọrefian che rhurhu.