Ọbe ri Pọl si rhe Ihwo ri Rom 3:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Upho rayen rhie phihọ ghwroro, ayen vwẹ ẹrenvwe rayen vwọ phiẹn ihwo. Obi rẹ ọrobiebi hẹ otọ rẹ ẹbẹrunu rayen

Ọbe ri Pọl si rhe Ihwo ri Rom 3:13 Referans Kwoze

Une rẹ Ejiro 5:9

Kidie o vwo uyota vwẹ unu raye-en, udu rayen ẹghwọrọ, upho rayen rhie phihọ ghwroro kere ushi, ayen vwẹ unu rayen bru avwavwe.

Une rẹ Ejiro 140:3

Ayen nọ ẹrẹnvwe rayen dandan kerẹ ọrọdekọ obotọ rẹ ẹbẹrunu rayen obi rẹ ọrọbiebi herọ.

Une rẹ Ejiro 57:4

Mi sherhẹ uherevie rẹ ikpohrokpo, re vwẹ urhuru furhu emọ rẹ ihwo rẹ akpọ ria, ako rayen ibiri kugbe edada, ẹrenvwe rayen elọkọ re dan.

Izikiẹl 13:7

Wọ je mrẹ emramrẹ rẹ ọphiẹnvwẹ, wọ je bọ epha rẹ ofia-an, vwẹ ọke wọ da tanẹ, Ọrovwohwo ye tarọ, dede na ye me ta ota kẹ wẹ-ẹ?

Aizaya 59:3

Kidie abọ wẹn gbe ẹgua rẹ ọbara irhiabọ wẹn vẹ orukuruku, ẹbẹrunu wẹn vwọrọn efian, ẹrenvwe wẹn re de irhivwẹ vwẹ evun rẹ umwemwu.

Une rẹ Ejiro 52:2

Ẹrenvwe wẹn pha dandan kerẹ anre, wọwẹ oruiruo re ogbarogba na.

Ọbe ri Pọl si rhe Ihwo ri Rom 3:4

Kaka vwo! Gbe jẹn Ọghẹnẹ dia uyota re kohwo kohwo dia ọvwọnrọn ofian, kirobo re siro, Rere wọ vwọ sa rease vwẹ eta wẹn, vwo phi kparobọ vwẹ ọke ra da vwẹ owẹ guẹdjẹ.

Jerimaya 5:16

Ekpu rẹ edada rayen họhọ ushi ro rhie phihọ, ayen ejobi egba re ihwo.

Une rẹ Ejiro 36:3

Ota rẹ unu rọye ota ogbarogba vẹ ophiẹvwe: o gbi se ruẹ emu rẹ ẹghwanre kugbe oyoyovwi-i

Urhi Rivẹ 32:33

Wain rayen obi rẹ erọdekọ, kugbe obi umwemwu rẹ ọrobiebi.

Ọbe ri Pọl si rhe Ihwo ri Rom 3:12

Ayen ejobi bioma hẹ akakọ, ayen ejobi yan chọ; o vwo ohwo ọvuọvo ro ru ọ re esiri-i, kaka ohwo ọvo.