Ọbe ri Pọl si rhe Ihwo ri Rom 2:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Gbinẹ ovwan di roro arodọvwẹ rẹ Ọghẹnẹ vẹ akoechiro rọye kugbe odiri rọye phapharhe? Wa rha karohọ nẹ arodọvwẹ rọye herọ re ovwan vwo kurhẹriẹ.

Ọbe ri Pọl si rhe Ihwo ri Rom 2:4 Referans Kwoze

2 Pita 3:9

Ọrovwohwo sa phiẹn ohwo vwẹ oma rẹ ive ro veri kirobo rẹ otu evo ta na-a, ẹkẹvuọvo o chirako rẹ ovwan, ọ guọnọre nẹ ohwo ọvuọvo ghwu-u, ẹkẹvuọvo nẹ ihwo ejobi kurhẹriẹ.

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Ẹyano 34:6

Ọrovwohwo da ka obaro rọye, o de ghwoghwo, Ọrovwohwo, Ọrovwohwo, Ọghẹnẹ rọ ria ehrọre vẹ arodọvwẹ, ọ fobọ muophu-u ọ vẹ ẹguọnọ vẹ uyota.

Ẹfesọs 1:18

Ọke rẹ ẹro rẹ udu rẹ ovwan de rhie nu, ovwan vwọ sa riẹn obo rẹ iphiẹrohọ rẹ use re se ovwan phihọ na epha, obo rẹ urinrin rẹ ukuẹriọ bute kẹ ihwo efuanfon na.

Ẹfesọs 2:7

rere vwẹ oge rọ cha na ọ vwẹ ẹserọphẹ ro je re na kugbe arodọvwẹ rọye vwo nẹ avwanre vwẹ evun ri Kristi Jesu.

Ẹfesọs 1:7

Evun rọye avwanre wan vwo ẹtanhirhe vwẹ oma rẹ ọbara rọye, evwoghovwo rẹ urhi ẹchọ rẹ avwanre, kirobo rẹ ẹserọphẹ rọye bute

Ọbe ri Pọl si rhe Ihwo ri Rom 3:25

Ohwo rẹ Ọghẹnẹ vwẹ ọbara rọye vwọ hwa osa na, re a sa vwẹ esegbuyota vwọ reyọ. Ọnana kọye e vwo dje ọvwata rẹ Ọghẹnẹ, fikiridie vwẹ evun rẹ akoechiro rọye ọ da vwẹ imwemwu rẹ awanre ejobi vwọ vrẹn avwanre;

Une rẹ Ejiro 86:15

Ẹkẹvuọvo wẹ, E Ọrovwohwo, wẹ Ọghẹnẹ ro nẹ aruẹdọ vẹ ehrọre, ọ fobọ mu ophu-u, ọ vọnre ve ẹguọnọ ro jẹ rhẹriẹ kugbe esegbuyota.

2 Pita 3:15

Gbe kere odiri rẹ Ọrovwavwanre vwọ hẹ esivwo. Ọtiọye rhe oniọvo rẹ avwanre ọghaghare ji si rhe ovwan kirobo rẹ aghwanre ra vwọ kẹ epha,

Ọbe ri Pọl si rhe Ihwo ri Rom 11:33

E, nighe ekodo vẹ efe kugbe ẹghwanre vẹ erianriẹn rẹ Ọghẹnẹ! Mavọ orhiebro rọye gba te ono sa riẹn idjerhe ro neneri.

Ọbe ri Pọl si rhe Ihwo ri Rom 11:22

Gbe ni arodọvwẹ vẹ aroesio rẹ Ọghẹnẹ; aroesio kẹ otu ri sheri, ẹkẹvuọvo arodọvwẹ rẹ Ọghẹnẹ dia ke owẹ, wo de nene arodọvwẹ rọye; ọ rha dia eriyi-in ka je nyavwe owẹ kufia.

Une rẹ Ejiro 86:5

Kidie wọwẹ, E Ọrovwohwo, ohwo esiri vẹ evwoghovwo, wọ vọnre vẹ ẹguọnọ ro jẹ rhẹriẹ kẹ ihwo ejobi ri se we.

Une rẹ Ejiro 78:38

Dede na, rọ vwọ dia ọgba rẹ ehrọre na, o da vwẹ orukuruku rayen vwo rhovwe ayen, ọ gbe ghwọrọ aye-en, ọ da da ophu rọye ji ọke ejobi, o rhe jẹ ivuemiovwo rọye kparọ-ọ.

Ẹfesọs 2:4

Ẹkẹvuọvo Ọghẹnẹ, rọ vẹ arodọvwẹ buebu, vwẹ evun rẹ ẹguọnọ rode ro vwo kẹ avwanre na,

Aghwoghwo 8:11

Fikiridie a fobo brorhiẹ rẹ emu omiomio-vwi-i, kidie udu rẹ emọ rẹ ihwo vọnre vẹ umwemwu eruo.

2 Pita 3:3

Esosuọ ejobi e gbe jẹ ọnana ro ovwan nẹ, okuko rẹ ẹdẹ na otu re vwẹ ohwo jehwẹ cha rhe vẹ ehwẹjẹ, nene ọmeme robọ rayen

1 Pita 3:20

ihwo ri mu ọghọ jovwo, ọke rẹ Ọghẹnẹ vwọ vwẹ odiri hẹrhẹ vwẹ ọke ri Noa, ọke rọ vwọ kare okọ na, re imihwo krẹn, kọye hẹ, ihwo ẹrenre, re sivwi nẹ oghwe na.

1 Timoti 6:17

Nabo yono ayen otu ri feri vwẹ akpọ na nẹ, ayen bru ọrho-o, eyẹ ayen vwẹ ẹro so efe rọ muẹro-o ẹkẹvnọvo ayen vwẹ ẹro so Ọghẹnẹ rọ kẹ avwanre efe ro muẹ avwanre geie na.

Filipae 4:19

Ọghẹnẹ mẹ kọ kẹ ovwan obo rẹ ovwan guọnọ kirobo rẹ efe rọye vwẹ urinrin ri Kristi Jesu epha.

Une rẹ Ejiro 10:11

O roro vwẹ udu rọye nẹ, Ọghẹnẹ gbe karọphihọ-ọ, o si opharo rọye nu, ọ gbe cha mrẹ bẹdẹ-ẹ.

Ẹvwọphia 3:20

Nighe, mi mudia vwẹ anurhoro mi ro hworo; ohwo de nyo urhuru mẹ ro de rhie ẹchẹ kẹ vwẹ, ki mi bro rhe evun rẹ uwevwi ke me vẹ ọye re emu, kọ vẹ ovwẹ je re.

1 Timoti 1:16

fiki rẹ ọnana me vwọ mrẹ arodọvwẹ nẹ, vwẹ evun mẹ, kirobo re me dia onotu jovwo na, Jesu Kristi se vwo dje omamọ rẹ ọdiri rọye phia rọ dia oniru kẹ ihwo ri che se gbuyota vwobọ ri ji che vwo arhọ ri bẹdẹ na.

Kolose 1:27

Ihwo re evun rẹ ayen vwerhe Ọghẹnẹ, rọ da vwẹ odjahọ nana phia kẹ ayen rere ayen ghwoghwo kẹ otu ri Keferi, kọye hẹ Kristi na iphiẹrohọ rẹ urinrin na.

Ọbe ri Pọl si rhe Ihwo ri Rom 6:15

Kidie ọfa? Avwanre gbe rhoma ru umwemwu fikiridie avwanre gbe hẹ otọ rẹ urhi-i ẹkẹvuọvo otọ rẹ ẹserọphẹ? Kaka vwo!

Ọbe ri Pọl si rhe Ihwo ri Rom 6:1

Kidie avwanre rha ta? Kẹ avwanre djẹ umwemwu eruoruo rere ẹserọphẹ vwo bu phihọ?

Une rẹ Ejiro 104:24

E Ọrovwohwo, mavọ iruo wẹn bu te! Ẹghwanre wọ vwọ ma ayen ejobi, otọ na vọnre vẹ emama wẹn.

Kolose 2:2

rere e vwo se bru ẹnwẹn rayen uche rere ayen vwọ gba oma rẹ ayen koko vwẹ evun rẹ ẹguọnọ kugbe erianriẹn rẹ ota rọye, rere ayen vwo vughe igbunu rẹ Ọghẹnẹ vwẹ oma ri Kristi.

Ẹfesọs 3:16

Kirobo rẹ efe rẹ urinrin rọye epha kọ sa vwẹ ẹgba rọye kẹ ovwan ogangan vwẹ oma rẹ Erhi rọye rọ hẹ udu rẹ ovwan,

Ẹfesọs 3:8

Mẹvwẹ, dede nẹ mẹvwẹ re ma hanvwe vwẹ usun rẹ ihwo efuanfon na ejobi, ọye a vwẹ ẹserọphẹ kẹ, vwo ghwoghwo kẹ ihwo ri Keferi efe ri Kristi rẹ otọ rọye bẹn ẹguọnọ.

Ọbe ri Pọl si rhe Ihwo ri Rom 10:12

Kidie ofẹnẹ herọ kẹ ihwo ri Ju vẹ ihwo ri Griki-i; Ọrovwohwo ọvuọvo na ọye hẹ Ọrovwohwo ro vwo emu ejobi, ọ vwẹ efe rọye kẹ ihwo ejobi ri se odẹ royẹ.

Izikiẹl 16:63

Ọke ri mi de vwo ghovwo uwe emu ejobi ru wo ruru, kẹ wọ cha karo phihọ, oma kọ vo wẹ, wo rhe che rhiẹ unu wẹ ọfa fikirẹ omaẹvọ wẹ-ẹ, eriyin Ọrovwohwo Ọghẹnẹ tare.

Jerimaya 7:10

wa rhoma cha we mi rhi mudia vwẹ obaro mẹ vwẹ uwevwi nana, ra vwẹ odẹ mẹ se na ro wa tanẹ, Esivwi avwanre!-–yẹ ovwan je rhoma ruẹ ẹgua nana?

Ukeri 14:18

Ọrovwohwo fobọ mu ophu-u, ọ vọnre vẹ ẹguọnọ ro jẹrhẹriẹ, ọ vwẹ orukuruku kugbe ogbeku vwo ghovwo ẹkẹvuọvo o vwo obo ro ru wa-a o brorhiẹ hwe o ro re abe, ọ vwẹ orukuruku rẹ esemọ vwo nene emọ, re te uvwiẹ re erha ra ro ọrẹnẹ.

Jona 4:2

Ọ da nẹ ẹrhovwo kẹ Ọrovwohwo ọ da ta, Me rẹ wẹ, Ọrovwohwo, ọnana dia obo re me tare re me vwọ obo orho mẹ? Ọye sorọ me vwọ djẹ kpo Tarshishi, Kidie me riẹnre nẹ wọwẹ Ọghẹnẹ rẹ ehrọre vẹ arodọvwẹ, wọ fobọ mu ophu-u, wọ vọnre vẹ ẹguọnọ ro jẹrhẹriẹ wọ me rha kparẹ ẹwẹn vrẹ emu ọbrabra ru wọ guọnọ ru.

Hosia 3:5

Ukoko rọye emọ rẹ Izrẹl ki rhivwi rhe rhe guọnọ Ọrovwohwo rẹ Ọghẹnẹ rayen, kugbe Devid rẹ ovie rayen, ayen ki bru Ọrovwohwo rhe vẹ oshọ kugbe ughwẹ rẹ esiri rọye vwẹ ukoko rọye.

Une rẹ Ejiro 31:19

E mavọ erhuvwu wẹn bute, ru wọ rhuẹrẹ kpahe kẹ ihwo re dje oshọ wẹn, ru wo ru kẹ ihwo ri si oma rayen nu vwẹ evun wẹn, vwẹ obaro rẹ emọ rẹ ihwo.

Izikiẹl 11:19

Ke me cha kẹ ayen udu ọvo, ki mi phi erhi ọkpokpọ phihọ evun rẹ ayen; ki mi si udu rẹ oragha na nẹ uvwo rẹ oma rayen, ke me kẹ ayen udu rẹ uvwo,

2 Kọrẹnt 8:2

kidie vwẹ evun rẹ odavwini vwẹ ukpokpogho ọgangan, aghọghọ rayen vwẹ evun rẹ ogbere rọde na de rhi hirhe phihọ efe vẹ obọ esiono buebu vwẹ ẹbẹrẹ rayen.

2 Pita 1:11

Vwẹ ọtiọye na ka rhuẹrẹ idjerhe kẹ ovwan rẹ ovwan cha wan kpo uvie ri bẹdẹ na rẹ Ọrovwavwanre kugbe Osivwi rẹ avwanre Jesu Kristi.

Ẹvwọphia 2:21

Me vwẹ ọke kẹ nẹ o vwo kurhẹriẹ, ẹkẹvuọvo ọ senre o jẹ ọfanrhiẹ na vwo-o.