Ọbe ri Pọl si rhe Ihwo ri Rom 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Avwanre riẹnre nẹ orhiẹ rẹ Ọghẹnẹ ọ hẹ enu rẹ otu ri ruẹ oghẹre rẹ emu ọtiọye na.

Ọbe ri Pọl si rhe Ihwo ri Rom 2:2 Referans Kwoze

Zẹfanaya 3:5

Ọrovwohwo rọ hẹ evun rọye na ọvwata o ruẹ, o ruẹ obo re chọrẹ-ẹ; kirhiọke kirhiọke o vwo dje ọsoso rọye phia, ọke rọ rhieri chọ obọ-ọ; ẹkẹvuọvo ohwo rọ dia ọsosọ-ọ riẹn omaẹvuọ-ọ.

Une rẹ Ejiro 145:17

Ọrovwohwo na ọsoso vwẹ idjerhe rọye ejobi. ọ vẹ aruẹdọ vwẹ obọ ro ruẹ ejobi.

Jerimaya 12:1

Wọwe ọvwata, E Ọrovwohwo, vwẹ ọke mi de guẹ kẹ wẹ; dede na mi ji gu ẹdjọ mẹ kẹ wẹ. Die sorọ o vwo yovwẹ kẹ oruimwemwu? Die nẹrhẹ ihwo ri gbẹ ozighi vwo yovwẹ?

Une rẹ Ejiro 98:9

vwe obaro rẹ Ọrovwohwo kidie ọ cha che sun akpọ na. O che brorhiẹn rẹ akpọ na vwẹ ọvwata, ihwo na ke rha abavo.

Une rẹ Ejiro 96:13

vwẹ obaro re Ọrovwohwo, kidie ọ cha rhe, kidie ọ cha rhe ri guẹdjọ re akpọ na. O che guẹdjọ rẹ akpọ na vwe ọvwata, ihwo na ejobi vẹ uyota rọye.

Ẹvwọphia 19:2

Kidie orhiebro rọye uyota kugbe ọsoso; o brorhiẹ rẹ igberadja rode na rọ vwẹ ọfanrhiẹ rọye miovwi akpọ na, ọ da reihri rẹ ọbara rẹ idibo rọye vwẹ obọ rọye,

Ẹvwọphia 16:5

Mi de nyo amakashe rẹ ame na rọ tanẹ, Ọsoso wọ epha vwẹ orhiẹ nana wo brẹ na, wẹ rọ herọ nonẹ kugbe rhabae, E Ọfuanfon Ọvuọvo na.

Ọbe ri Pọl si rhe Ihwo ri Rom 9:14

Kidie avwanre rha ta? Kẹ Ọghẹnẹ ru chọ? Kaka vwo!

Ọbe ri Pọl si rhe Ihwo ri Rom 2:5

Vwe evun rẹ udu rẹ ovwan na ovwan re koko abe kẹ oma rẹ ovwan vwẹ ẹdẹ ophu rọye vwẹ ọke rẹ ọvwata rẹ Ọghẹnẹ da cha vwẹ orhiebro rọye phia.

Iruo rẹ Iyinkọn na 17:31

fikiridie o bru ẹdẹ ọvo ro che vwo guẹdjọ rẹ akpo na vwẹ evun rẹ ọvwata vwẹ obọ rẹ ohwo ro vwo mu, rere ọnana vwo mu ihwo ejobi ẹro kọye ọ vwọ kparọ vrẹn nẹ ughwu rhe.

Daniẹl 4:37

Asakiephana Mẹvwẹ, Nebukadneza de jiri ji mu ọghọ kẹ Ovie rẹ odjuvwu kidie iruo rọye ejobi shephihọ, idjerhe rọye uyota, ihwo re yan mu oma kpenu ejobi kọ sa vwẹ ayen kpotọ.

Izikiẹl 18:29

Yẹ uwevwi rẹ Izrẹl ra ta, Idjerhe rẹ Ọrovwohwo dia ọsoso-o. E uwevwi rẹ Izrẹl, idjerhe mẹ dia ọsoso? Ọ dia idjerhe wẹn ri jẹ ọsoso ẹ dia?

Izikiẹl 18:25

Ye wọ tanẹ, Idjerhe rẹ Ọrovwohwo na dia ọsoso-o. Gbe nyo asakiephana, E uwevwi rẹ Izrẹl Idjerhe mẹ dia ọsoso? O dia idjerhe wẹn ri je ọsoso ẹdia?

Aizaya 45:21

Dje ru wo gu ẹdjọ wẹn rhe jẹn ayen jẹ iroro kugbe Ono ri gbe ikun nana rhabae? Ono ri djere vwẹ ọke rẹ awanre? O dia Mẹvwẹ, rẹ Ọrovwohwo na? Yẹ Ọghẹnẹ ọfa gbe herọ ba vwẹ-ẹ, Ọghẹnẹ rẹ ọvwata kugbe Osivwi, ọfa gbe herọ vrẹn vwẹ-ẹ

Aizaya 45:19

Me ta ota vwẹ odjahọ-ọ, vwẹ otọ rẹ ebri; Me ta kẹ uvwiẹ ri Jekọp re, Guọnọ ovwẹ vwẹ ozighi. Mẹvwẹ rẹ Ọrovwohwo ta uyota, Me ta obo re gbare.

Une rẹ Ejiro 9:4

Kidie wẹ re riẹn oyan rẹ ọvwata mẹ; wo tidia vwẹ enu rẹ ekete de brorhiẹ rẹ ọvwata.

ỌBE RẸ JOB 34:23

Kidie o bru ọke kẹ ohwo ọvuọvo-o ro vwo bru Ọghẹnẹ kpo ẹdjeguo-o.

Jẹnẹsis 18:25

A gha e se ru emu ọtiọye-e, rẹ e vwo hwe evwata kugbe iruimwemwu, re evwata vwọ họhọ iruimwemwu, A sa mrẹ-ẹ; Obrorhiẹ rẹ akpọ na rhe se ru obo re gbare?

Ọbe ri Pọl si rhe Ihwo ri Rom 2:1

Wọ rha mrasa gun phihọ-ọ oghẹre rẹ ohwo re wọ epha ejobi wẹ ro brorhiẹ hwe ihwo efa na, obo ri wo brorhiẹ rẹ ihwo na eriyin wo ji ghwe brẹ hwe omaobọ wẹn, fikiridie wẹ, rẹ obrorhiẹ na ji ghwe ruẹ ọtiọye rhe.

Ọbe ri Pọl si rhe Ihwo ri Rom 2:3

Ku wo rori, E ohwo na, nẹ wo de brorhiẹ rẹ ihwo ri ru emu ọtiọye na ye okpuyovwi wẹn ji ruẹ ayen na, ku wọ cha vabọ rẹ orhiẹ rẹ Ọghẹnẹ?