Ọbe ri Pọl si rhe Ihwo ri Rom 2:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Vwẹ ẹdẹ yena, kirobo rẹ iyẹnrẹ esiri mẹ epha, Ọghẹnẹ ko guẹdjọ rẹ odjahọ rẹ ihwo vwẹ oma ri Kristi Jesu.

Ọbe ri Pọl si rhe Ihwo ri Rom 2:16 Referans Kwoze

Aghwoghwo 12:14

Kidie Ọghẹnẹ cha vwẹ uruemu kuruemu ejobi vwo guẹdjọ, emu kemu re ruru vwẹ odjahọ, oyovwiri eyẹ o miovwiri.

1 Kọrẹnt 4:5

Eriyin na wo rhe brorhiẹ tavwe rẹ ọke na ki te-e, tavwe rẹ Ọrovwohwo ke rhe, ohwo rọ cha vwẹ obo re sinu asakiephana vwẹ ebri vwọ phia kugbe obo rẹ udu roro ejobi vwọ phia. Etiyin ohwo ọvuọvo ki che vwo ejiro rọye vwẹ obo rẹ Ọghẹnẹ.

Iruo rẹ Iyinkọn na 17:31

fikiridie o bru ẹdẹ ọvo ro che vwo guẹdjọ rẹ akpo na vwẹ evun rẹ ọvwata vwẹ obọ rẹ ohwo ro vwo mu, rere ọnana vwo mu ihwo ejobi ẹro kọye ọ vwọ kparọ vrẹn nẹ ughwu rhe.

Iruo rẹ Iyinkọn na 10:42

Ọ da vuẹ avwanre nẹ e ghwohwo kẹ ihwo, re ji se oseri nẹ ọye ọvo Ọghẹnẹ vwo mu nẹ o guẹdjọ rẹ ihwo ekpokpọ kugbe otu ri ghwuru.

Iyẹnrẹ Esiri ri Luk 8:17

Kidie o vwo emuọvuọvo rọ djahere ro jẹ phia-a, eyẹn emuọvuọvo re sinu re jẹ mrẹ-ẹ.

1 Pita 4:5

ẹkẹvuọvo ayen cha nẹ iyẹnrẹ kẹ ohwo ro choma ro vwo guẹdjọ rẹ ihwo ẹkpokpọ vẹ ighweghwu.

Ọbe ri Pọl si rhe Ihwo ri Rom 3:6

Kaka vwo! Komavọ Ọghẹnẹ tobọ brorhiẹ rẹ akpọ na vwo?

Une rẹ Ejiro 98:9

vwe obaro rẹ Ọrovwohwo kidie ọ cha che sun akpọ na. O che brorhiẹn rẹ akpọ na vwẹ ọvwata, ihwo na ke rha abavo.

2 Pita 2:9

kẹ ọtiọye Ọrovwohwo je riẹn obo ro sivwi ihwo efuanfon rọye nẹ ọdavwini, ọ me rha sẹrọ rẹ ohwo umwemwu hẹrhe ehwe bẹsiẹ rẹ ẹdẹ rẹ ẹdjọeguo na vwo te.

2 Timoti 4:1

Mi ji urhi nana kẹ wẹ vwẹ obaro rẹ Ọghẹnẹ kugbe obaro ri Kristi Jesu ohwo ro che guẹdjọ rẹ ihwo ekpokpọ kugbe i ri ghwuru, vwẹ ọke rẹ ẹcha rọye kugbe uvie rọye.

2 Timoti 2:8

Karohọ Jesu Kristi, ro vrẹn nẹ ughwu, ro nẹ uvwiẹ ri Devid rhe, kirobo re ghwoghwori vwẹ iyẹnrẹ esiri mẹ,

1 Timoti 1:11

kirobo rẹ iyẹnrẹ esiri rẹ urinrin rẹ Ọghẹnẹ re bruba kẹ na epha ra vwọ kẹ vwẹ yọnre na.

Ọbe ri Pọl si rhe Ihwo ri Rom 16:25

Asakiephana vwọ kẹ ohwo ro se ru ovwan gan kirobo re iyenrẹ esiri mẹ epha kugbe eghwoghwo ri Jesu Kristi, kirobo rẹ ẹvwọphia rẹ igbunu rọye teri re sinu rhabae rhe

Iyẹnrẹ Esiri ri Jọn 12:48

Ọ rọ sen vwẹ rọ reyọ eta mẹ-ẹ o vwo oguẹdjọ ọvo; ota na re me tare na ọye cha dia oguẹdjọ rọye vwẹ ẹdẹ rẹ obo oba na.

Hibru 9:27

Kirobo re bru ẹdẹ nẹ ohwo rẹ akpọ ẹsiẹvo o ghwẹ, ọyena da wan nu kẹ ẹdjọeguo,

2 Timoti 4:8

Kẹ etinẹ arare a vwẹ erhu rẹ uvie rẹ ọvwata na kpahe oboyin hẹrhẹ ovwẹ, rẹ Ọrovwohwo na, oguẹdjọ rẹ esiri na, cha vwọ kẹ vwẹ vwẹ Ẹdẹ yena, ọ dianẹ kẹ omẹvwẹ ọvo-o ẹkẹvuọvo vwọ kẹ ayen ejobi re guọnọ ẹcha rọye.

2 Kọrẹnt 5:10

Kidie avwanre na ejobi che mudia vwẹ obaro rẹ ekete rẹ ẹdjọeguo ri Kristi, ọtiọye na ohwo ọvuọvo kọ cha reyọ osa rẹ iruo rọ vwẹ ugboma rọye ru, owenẹ oyovwi eyẹ omiovwi.

Ọbe ri Pọl si rhe Ihwo ri Rom 2:5

Vwe evun rẹ udu rẹ ovwan na ovwan re koko abe kẹ oma rẹ ovwan vwẹ ẹdẹ ophu rọye vwẹ ọke rẹ ọvwata rẹ Ọghẹnẹ da cha vwẹ orhiebro rọye phia.

Matiu 16:27

Kidie ọmọ rẹ ohwo cha rhe vwẹ urinrin rẹ Ọsẹ rọye kugbe emakashe rọye; kọ cha hwa osa kẹ ohwo ọvuọvo kirobo rẹ iruo rọye teri.

Aghwoghwo 11:9

Ghọghọ, E, emeghene, vwẹ ọke rẹ ọmoha wẹn, jẹn oma vwerhe udu wẹn vwẹ ọke rẹ ọmọha wẹn; yan vwẹ idjerhe rẹ udu wẹn vẹ orẹmrẹ rẹ ẹro wẹn na. Ẹkẹvuọvo wọ me riẹn nẹ vwẹ evun rẹ emu nana ejobi na Ọghẹnẹ cha reyọ owẹ vwo guẹdjọ.

Aghwoghwo 3:17

Me da ta vwẹ udu mẹ nẹ, Ọghẹnẹ ri che brorhiẹ rẹ ọvwata vẹ oruimwemwu, kidie ọ vwẹ ọke kẹ dohwo dota kugbe dohwo diruo rọye nure.

Une rẹ Ejiro 96:13

vwẹ obaro re Ọrovwohwo, kidie ọ cha rhe, kidie ọ cha rhe ri guẹdjọ re akpọ na. O che guẹdjọ rẹ akpọ na vwe ọvwata, ihwo na ejobi vẹ uyota rọye.

Une rẹ Ejiro 50:6

Odjuvwu dje ọvwata rọye phia kidie Ọghẹnẹ yi brorhiẹ na kẹ oma rọye.

Jẹnẹsis 18:25

A gha e se ru emu ọtiọye-e, rẹ e vwo hwe evwata kugbe iruimwemwu, re evwata vwọ họhọ iruimwemwu, A sa mrẹ-ẹ; Obrorhiẹ rẹ akpọ na rhe se ru obo re gbare?

Galesha 1:11

Kidie me guọnọ nẹ ovwan riẹn ọnana, imoni, nẹ iyẹnrẹ esiri ri mi ghwoghwo kẹ ovwan na dia iyẹnrẹ esiri rẹ ohwo-o.

1 Kọrẹnt 15:1

Imoni, me guọnọre nẹ me karohọ ovwan, iyẹnrẹ esiri ri mi ghwoghwo kẹ ovwan, rẹ ovwan reyọre, rẹ ovwan mudia phihọ,