Ọbe ri Pọl si rhe Ihwo ri Rom 2:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ayen dje phia nẹ e si obo rẹ urhi na guọnọre phihọ udu rayen, yẹ udu rayen ghwe se oseri kẹ ayen, yẹ iroro rayen rọ tagha ku ghwe brẹ hwe eyẹ brẹ kẹ ayen.

Ọbe ri Pọl si rhe Ihwo ri Rom 2:15 Referans Kwoze

2 Kọrẹnt 5:11

Vwẹ ọtiọye na, ra vwọ riẹn oshọẹdjẹ rẹ Ọrovwohwo na, kẹ avwanre riẹriẹ ihwo; ẹkẹvuọvo obo rẹ avwanre epha Ọghẹnẹ ọvo re riẹnre, mi phiẹrohọ nẹ udu rẹ ovwan je riẹn rhe.

Taitọs 1:15

Vwẹ obọ rẹ ọvwata emu na ejobi ki yovwe re. Ẹkẹvuọvo vwọ kẹ ihwo ri gbe ẹgua ri segbuyota-a, emu na ejobi ki miovwẹ.

2 Kọrẹnt 1:12

Kidie eyan rẹ avwanre kẹ ọna, iseri rẹ udu rẹ avwanre nẹ evun rẹ avwanre pha fuanfon vwẹ akpọ na, ọtiọye avwanie je fon evun kpahe ovwan, vẹ ẹfuọn kugbe uruemu esiri, ọ dianẹ kẹ aghwanre rẹ akpọ na-a ẹkẹvuọvo vwẹ ẹserọphẹ rẹ Ọghẹnẹ.

ỌBE RẸ JOB 27:6

Me yọnrọn ọvwata mẹ kokoroko, mi che siobọ no-o; udu me ji bruhwe vwe ẹdẹ ọvuọvo-o.

1 Timoti 4:2

fiki rẹ omeru rẹ evwọrefian rọ vwara muẹ ndu rẹ ayen kerẹ umomo rẹ ogun,

Ọbe ri Pọl si rhe Ihwo ri Rom 9:1

Me ta uyota vwẹ evun ri Kristi, me vwọnrọn efia-an; kidie udu mẹ se oseri kẹ vwẹ vwẹ evun rẹ Erhi Ọfuanfon,

Iruo rẹ Iyinkọn na 24:16

Vwẹ ọtiọye na ki mi vwo omamọ rẹ udu kẹ Ọghẹnẹ kugbe ihwo rẹ akpọ.

Iruo rẹ Iyinkọn na 23:1

Pọl, vwọ tẹrovi ẹguare na, ọ da ta, Imoni, evun esiri me vwọ ga Ọghẹnẹ mẹ rhi te nonẹ na.

Aghwoghwo 7:22

wọ riẹnre vwẹ udu wẹn nẹ ọke buebu re wo je harhẹ ihwo efa.

1 Ivie 2:44

Ovie da je ta kẹ Shimẹi, Wọ riẹn vwẹ udu wẹn emu umwemwu ru wo ru kpahe ọsẹ mẹ Devid; ọtiọye na Ọrovwohwo ko kru oghwa rẹ umwemwu wẹn nyẹ wẹ uyovwi.

Jẹnẹsis 20:5

Ọ dianẹ ọye ọvo re ta kẹ vwẹ nẹ, Oniọvo mẹ? Okpuyovwi rẹ aye na da je tanẹ, Oniọvo mẹ. Vwẹ ọvwata rẹ udu mẹ kugbe abọ ọfuanfon mẹ ọye mi vwo ru ọna.

Iyẹnrẹ Esiri ri Jọn 8:9

Ẹkẹvuọvo ọke rẹ ayen vwo nyo, ayen da yanran, ohwo ọvuọvo, nẹ okpako rhiri re te ọkẹ oba, Jesu ọvo kọye ri chekọ kugbe aye na ro mudia vwẹ obaro rọye.

Ọbe ri Pọl si rhe Ihwo ri Rom 2:14

Ọke rẹ ihwo rẹ Keferi ri vwo urhi na-a de ru obo rẹ urhi na guọnọre, yẹ ayen hẹ urhi na kẹ omaobọ rẹ ayen, dede na jẹ ayen vwo urhi na-a.

Ọbe ri Pọl si rhe Ihwo ri Rom 2:27

Wo rhe roro nẹ ijeyanvwọ rọ yọnrọn urhi na se brorhiẹ wẹ rọ vwẹ urhi na yan eyan rọ chọ urhi na?