Ọbe ri Pọl si rhe Ihwo ri Rom 16:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ We ji yere ishọshi rọ hẹ uwevwi rayen. We ji yere ọ re me guọnọre na Epanetus, rọ dia ohwo rẹsosuọ ro se Jesu gbuyota vwẹ ubrakpọ rẹ Esha.

Ọbe ri Pọl si rhe Ihwo ri Rom 16:5 Referans Kwoze

Kolose 4:15

Yere imoni rẹ avwanre ejobi re hẹ obi Laodisha, kugbe Nimfas, kugbe ishọshi rọ hẹ uwevwi rayen.

Filimọn 1:2

kugbe Afia rẹ oniọvo rẹ avwanre rẹ ọmọtẹ kugbe Akipọs ohwo rẹ avwanre vẹ ọye gbe koko phi ofovwi na, vẹ ishọshi rọ hẹ uwevwi wẹn.

1 Kọrẹnt 16:19

Ishoshi rẹ Ẹsha yere ovwan. Akuila kugbe Priska, kugbe ishọshi rọ hẹ uwevwi rayen, vwẹ omamọ rẹ uyere rhe ovwan vwẹ odẹ rẹ Ọrovwohwo.

1 Kọrẹnt 16:15

Asakiephana, imoni, ovwan riẹnre nẹ evwruwevwi ri Stifanas eye hẹ ihwo rẹsosuọ ri kurhẹriẹ vwẹ Akaya, ayen da vwẹ oma rẹ ayen phihọ otọ vwọ kẹ ẹga rẹ ihwo efuanfon na;

Matiu 18:20

Kidie asan rẹ amwava eyẹ amwarha de kuoma gbe vwẹ odẹ mẹ, ke me dia uherevie rayen.

Ẹvwọphia 14:4

Enana hẹ ihwo re vwẹ eya gbe oma rẹ ayen ẹgua-a, kidie ayen sẹro rẹ oma rayen; enana hẹ ihwo ri nene Omogodẹ na kpo asan kasan rọ rare; a tan enana nẹ uherevie rẹ ihwo rẹ akpọ na rhe kerẹ emamọ rẹsosuọ vwọ kẹ Ọghẹnẹ kugbe Omogodẹ na,

3 Jọn 1:1

Ọkpako na ri si ọbe na rhe Gayọs rọ ghare, re me guọnọre vwẹ ọ rẹ uyota.

Jems 1:18

Ọhọre obọ rọye o vwọ reyọ avwanre ru emọ vwẹ oma rẹ ota rẹ uyota na, o de ru avwanre rere, avwanre vwọ dia oka rẹ emamọ rẹsosuọ rẹ ihwo rọ ka ma.

2 Kọrẹnt 9:2

kidie me riẹn omaẹcha rẹ ovwan, re me vwọ yan eyan kẹ ihwo ri Masidonia, tanẹ ihwo rẹ Akaya choma phihọ otọ rhawe ukpe rọ wanre na; oruru rẹ ovwan na da kpare udu rẹ ayen buebu.

2 Kọrẹnt 1:1

Pọl, ọyinkọn ri Kristi Jesu vwẹ ọhọre rẹ Ọghẹnẹ, kugbe Timoti oniọvo rẹ avwanre. Vwo rhe ishọshi rẹ Ọghẹnẹ rọ hẹ Kọrẹnt, vẹ ihwo efuanfon na ejobi re hẹ otọ rẹ Akaya ejobi:

Ọbe ri Pọl si rhe Ihwo ri Rom 16:12

Yere iruiruo rẹ Ọrovwohwo ejobi, Trifina kugbe Trifosa. Yere Pesis re me guọnọre ro ru iruo gangan vwẹ evun rẹ Ọrovwohwo.

Ọbe ri Pọl si rhe Ihwo ri Rom 16:8

Yere Ampiatọs rọ nabọ ghare kẹ vwẹ vwẹ odẹ rẹ Ọrovwohwo.

Ọbe ri Pọl si rhe Ihwo ri Rom 15:26

Kidie ihwo ri Masidonia kugbe Akaya toro arhọghọ ni mi vwo rhe ivwiogbere re hẹ ohri rẹ ihwo efuanfon na vwẹ obi Jerusalẹm.

Ọbe ri Pọl si rhe Ihwo ri Rom 11:16

Ohọrọ rẹ omamọ da vwerhe, eduru na ejobi kọ je vwerhe rhe, awọ rẹ urhe da vwerhe, ọtiọye eghọn rọye je dia.

Iruo rẹ Iyinkọn na 18:27

Ọke rọ cha vwọ samu kpo Akaya imoni na de bro uche, ayen de si ọbe rhe idibo na nẹ ayen reyọ. Ọke ro vwo te oboyi, ọ da chọ ayen otu rẹ wan oma rẹ ẹserọphẹ segbuyota uko gangan.

Iruo rẹ Iyinkọn na 18:12

Ẹkẹvuọvo ọke ri Galio vwọ hẹ osun rẹ Akaya, ihwo ri Ju na de kuoma gbe vwọ so Pọl ayen de muo vwọ rhe ẹguare,

Iruo rẹ Iyinkọn na 2:9

Ihwo ri Patia kugbe Mid kugbe Elam kugbe ihwo re dia Mẹsopotemia, Judia kugbe Kapadosha, Pọntus kugbe Esha.

Iruo rẹ Iyinkọn na 16:6

Ayen da yan wan ubrakpọ ri Frigia kugbe Galesha, Erhi Ọfuanfon na da djẹ ayen nẹ, ayen ghwoghwo ota na vwẹ Esha-a.

Ọbe ri Pọl si rhe Ihwo ri Rom 16:4

Ihwo ri dino ghwu fiki mẹ, me kpẹvwẹ ayen ọ dia omẹvwẹ ọvo-o, ẹkẹvuọvo ji te ishoshi ri Keferi na ejobi.

Ọbe ri Pọl si rhe Ihwo ri Rom 16:6

Yere Meri ro ru iruo gangan vwẹ ohri rẹ ovwan.