Ọbe ri Pọl si rhe Ihwo ri Rom 16:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Yere Apele, ro se Kristi gbuyota gangan na. Yere ekru rẹ Arisrobulọs.

Ọbe ri Pọl si rhe Ihwo ri Rom 16:10 Referans Kwoze

Ọbe ri Pọl si rhe Ihwo ri Rom 14:18

Kidie ohwo rọ nabọ vwẹ oma kpotọ ga Kristi uruemu rọye ko jẹ Ọghẹnẹ ihwo rẹ akpọ ki ji jiro.

1 Pita 1:7

rere obo rẹ esegbuyota rẹ ovwan dia uyota te, rọ ghare nọ oro, dede nẹ ọghwọrọ siẹ ra da vwẹ erhanre davwọ, ọ me rho phihọ vwọ kẹ ejiro kugbe urinrin kugbe ọghọ vwẹ ẹdẹ ra da cha vwi Jesu Kristi phia na.

Urhi Rivẹ 8:2

Wọ Me karohọ idjerhe ejobi rẹ Ọrovwohwo Ọghẹnẹ wẹn de sun we vwẹ ẹgbukpe ujuvẹ vwẹ evun rẹ aton na, ro vwo ru we vwẹ oma kpotọ, vwọ davwẹ owẹ ni, rọ vwọ riẹn emu rọ herọ vwẹ udu wẹn, se wọ rhọvwe yọnrọn irhi rọye eyẹ ẹjo.

1 Timoti 3:10

A me davwe ayen ni tavwe; ayen rhe she-e kẹsiẹye ayen ki ru iruo ri dikin.

Filipae 2:22

Ẹkẹvuọvo ovwan riẹn obo ri Timoti ghare te, kirobo rẹ ọmọ ga ọsẹ eriyin ọ ga vwẹ vwẹ iyẹnrẹ esiri na.

2 Kọrẹnt 8:22

Avwanre ji oniọvo rẹ avwanre, rẹ avwanre davwini, rẹ avwanre je vwẹ ẹro so vwẹ ọke ejobi vwi kemu kemu vwọ ba ayen rhe, ẹkẹvuọvo kọye rha ma ro ẹnwan rẹ ovwan fiki rẹ ẹro rọ vwọ so ovwan gangan.

2 Kọrẹnt 2:9

Kidie ọnana ye sorọ mi vwọ si ọbe, rere me vwọ davwẹ ovwan ni re me riẹn se ovwan se mu ọghọ vwi kemu kemu ejobi.

1 Kọrẹnt 11:19

kidie ohẹriẹ ghine sa dia ohri rẹ ovwan rere e vwo se vughe omamọ rẹ ihwo rẹ hẹ ohri rẹ ovwan.

2 Timoti 4:19

Vere Priska kugbe Akuaila, kugbe evwruwevwi rẹ Ọnisforọs.

Ọbe ri Pọl si rhe Ihwo ri Rom 8:11

Ọ dianẹ Erhi rẹ ohwo rọ kpare Kristi vrẹn nẹ ughwu na da hẹ evun rẹ ovwan, ohwo rọ kpare Kristi vrẹn nẹ ughwu na kọ je vwẹ arhọ kẹ ugboma rẹ ovwan ro ghwẹ na fiki rẹ Erhi rọye rọ hẹ evun rẹ ovwan.

Ọbe ri Pọl si rhe Ihwo ri Rom 16:3

We yere Priska kugbe Akuila, otu mẹ re me vẹ aye gbe koko ru iruo kẹ Jesu Kristi.

Ọbe ri Pọl si rhe Ihwo ri Rom 16:7

Yere Andronikọs kugbe Junias imoni mẹ kugbe otu mẹ re me vẹ ayen gba re oja vwẹ uwodi; ayen emamọ rẹ ihwo vwẹ ohri rẹ iyinkọn na, e ke rha je dia ihwo ri ke nene Kristi tavwe mi ki rhi kurhẹriẹ.

2 Kọrẹnt 5:17

Vwẹ ọtiọye na, ọ da dianẹ ohwo hẹ evun ri Kristi, ohwo yena kẹ ẹma ọkpokpọ; ọ rẹ awanre wanvrẹn re, nighere ọkpokpọ na rhire.

2 Kọrẹnt 12:2

Me riẹn ohwo ọvo vwi Kristi re muru kpo odjuvwu rerha kerẹ emu rẹ ikpe ihwẹne rọ wanre–sẹ ọ hẹ evun rẹ ugboma eyẹ o nẹ evun rẹ ugboma me riẹnre-e, Ọghẹnẹ riẹnre.

Galesha 1:22

Ihwo ri Ishọshi ri Kristi re hẹ Judia na ejobi ọvuọvo ro riẹn vwẹ vwẹ opharo herọ-ọ.