Ọbe ri Pọl si rhe Ihwo ri Rom 15:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Kidie me ta kẹ owẹ nẹ Kristi rhi hirhe oma phihọ odibo vwọ kẹ ihwo re yanvwere ro vwo dje uyota rẹ Ọghẹnẹ phia, rere o vwo ru ive ro ve kẹ esẹ ride na gba.

Ọbe ri Pọl si rhe Ihwo ri Rom 15:8 Referans Kwoze

Matiu 15:24

Ẹkẹvuọvo ọ da kpahe ọ da ta nẹ, E ji vwe bru ihwo efa ra-a, jokpa rẹ igegede rẹ uwevwi rẹ Izrẹl ri ghwruru.

Iyẹnrẹ Esiri ri Jọn 1:11

Ọ rhe uwevwi robọ, rọye ihwo robọ rọye na reyerọ-ọ.

2 Kọrẹnt 1:20

Kidie ive rẹ Ọghẹnẹ ejobi vwẹ evun rọye E na ọvo re herọ. Kọye avwanre vwọ wan oma rọye ku Isẹ, vwọ ke urinrin rẹ Ọghẹnẹ.

Iyẹnrẹ Esiri ri Jọn 10:16

Mi ji vwo igodẹ efa, re je dia evun rẹ ogba na-a; me je cha reyọ ayen rhe, ayen ki nyo urhuru mẹ. Ọtiọye na ekru rẹ igodẹ ọvo re cha dia, osuigegede ọvuọvo.

Ọbe ri Pọl si rhe Ihwo ri Rom 15:16

nẹ a vwo vwẹ ru ọyinkọn ri Kristi Jesu vwọ kẹ otu ri Keferi vwẹ ẹga rẹ orherẹn rẹ iyẹnrẹ rẹ Ọghẹnẹ na, rere a vwọ mrasan reyọ izobo rẹ otu ri Keferi na, rẹ Erhi Ọfuanfon na ru fon na.

Ọbe ri Pọl si rhe Ihwo ri Rom 3:3

Kidie rha phia ọ da dianẹ evo vwẹ usun rẹ ayen rhe vwo esegbuyota-a? Ki jesegbuyota evwo rayen se miovwo esegbuyota rẹ Ọghẹnẹ?

Ẹfesọs 2:12

Gba karohọ nẹ vwẹ ọke yena ka hẹriẹ ovwan nẹ Kristi, ra riẹriẹ ghwru nẹ emotọ rẹ Izrẹl, kẹ erhorha rẹ ọphọ rẹ ive na, ri vwo iphiẹrohọ-ọ ri vwo Ọghẹnẹ vwẹ akpọ na-a.

Ọbe ri Pọl si rhe Ihwo ri Rom 11:30

Kirobo rẹ ayen mu oma kpenu rẹ Ọghẹnẹ vwọ siẹn ayen na, asakiephana kẹ ayen je mrẹ arodọvwẹ fiki ri jẹ ọghọ evwo,

Ọbe ri Pọl si rhe Ihwo ri Rom 11:22

Gbe ni arodọvwẹ vẹ aroesio rẹ Ọghẹnẹ; aroesio kẹ otu ri sheri, ẹkẹvuọvo arodọvwẹ rẹ Ọghẹnẹ dia ke owẹ, wo de nene arodọvwẹ rọye; ọ rha dia eriyi-in ka je nyavwe owẹ kufia.

Ọbe ri Pọl si rhe Ihwo ri Rom 4:16

Kọye sorọ rẹ emu na vwọ hẹ obọ rẹ esegbuyota, rere ive na vwọ sa vwẹ oma da ẹserọphẹ rọ dia kri kẹ uvwiẹ rọye ejobi– ọ dianẹ kẹ ihwo re yọnrọn urhi na ọvo-o ẹkẹvuọvo je kẹ ayen otu ri vwo esegbuyota rẹ Ebraham, kidie ọye hẹ ọsẹ rẹ avwanre ejobi,

Ọbe ri Pọl si rhe Ihwo ri Rom 3:26

ko vwiro dje vwẹ ọke nana nẹ ekpuyovwi rọye ọvwata nẹ ọ sa vwẹ ase kẹ ohwo ro vwo esegbuyota kpahe Jesu.

Iruo rẹ Iyinkọn na 13:46

Pọl kugbe Banabas da gbaudu, ta ota tanẹ, O fori ra ka vwọ ta ota rẹ Ọghẹnẹ na kẹ ovwan. Rẹ ovwan vwo gere ota na nẹ oma na, rẹ ovwan vwọ vwẹ oma rẹ ovwan guẹdjọ nẹ ovwan fo ihwo rẹ arho ri bẹdẹ na-a, nighe avwanre ki hirhe bru ihwo ri Keferi ra.

Maika 7:20

Wọ vwẹ evun esiri nẹ Jekọp ẹguọnọ esiri wẹn na kẹ Ebraham, kirobo wo ruru kẹ esẹ rẹ avwanre nẹ ọke awanre rhe.

1 Kọrẹnt 15:50

Me ta ọnana kẹ ovwan, imoni; nẹ ugboma vẹ ọbara sa reuku rẹ uviẹ rẹ Ọghẹnẹ na-a, eyẹ obo re ghwọrọ sa reuku rẹ obo ri jẹ ghwọrọ-ọ.

1 Kọrẹnt 10:29

fiki rẹ udu rọye me tare, ọ dia udu wẹ-ẹn–wọ rha ria-a. Die sorọ rẹ egbemọphẹ ri mi vwori rha dia obo rẹ ohwo ọfa wrẹn kpahe?

Matiu 20:28

Ọ dianẹ Ọmọ rẹ ohwo rhere re e vwo gbe odibo kẹ-ẹ, ẹkẹvuọvo re o vwo gbe odibo, rere ọ vwẹ arhọ rọye tan ihwo buebu.

1 Kọrẹnt 10:19

Kidie me vwẹ oyena ta vwo? Nẹ emu ra vwọ gọ iye kẹ emuọvo, yẹrẹ oma kẹ emuọvo?

1 Kọrẹnt 1:12

Obo re me ta na na nẹ ohwo ọvo vwẹ usun rẹ ovwan tanẹ, Mẹvwẹ ọ ri Pọl, eyẹ mẹvwẹ ọ rẹ Apolọs, eyẹ mẹvwẹ o ri Kifas, eyẹ mẹvwẹ ọ ri Kristi.

Isẹ 8:7

kidie uyota ri che nẹ unu mẹ rhe, Oruimwemwu ẹgua vwọ kẹ ẹbẹrunu.