Ọbe ri Pọl si rhe Ihwo ri Rom 15:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Vwẹ eriyin na ovwan dede ohwohwo, kirobo ri Kristi dede ovwan, vwọ kẹ urinrin rẹ Ọghẹnẹ.

Ọbe ri Pọl si rhe Ihwo ri Rom 15:7 Referans Kwoze

Matiu 10:40

Ohwo rọ reyọ ovwan yọ reyọ ovwẹ, ọ rọ rha reyọ ovwẹ-ẹ, yọ reyọ ọ ro ji vwe rhe na-a.

Iyẹnrẹ Esiri ri Jọn 13:34

Urhi ọkpokpọ mi ji kẹ ovwan nẹ, ovwan guọnọ ohwohwo; kirobo re me guọnọ ovwan na ọtiọye ovwan je guọnọ ohwohwo rhe.

Ọbe ri Pọl si rhe Ihwo ri Rom 5:2

Oma rọye avwanre wan vwo ẹserọphẹ rẹ avwanre mudia phihọ na, avwanre ke ghọghọ vwẹ iphiẹrohọ nẹ avwanre vwo ẹkẹn vwẹ urinrin rẹ Ọghẹnẹ na.

Ẹfesọs 1:18

Ọke rẹ ẹro rẹ udu rẹ ovwan de rhie nu, ovwan vwọ sa riẹn obo rẹ iphiẹrohọ rẹ use re se ovwan phihọ na epha, obo rẹ urinrin rẹ ukuẹriọ bute kẹ ihwo efuanfon na.

Iyẹnrẹ Esiri ri Luk 9:48

ọ da ta kẹ ayen, Kohwo kohwo rọ reyọ omotete tiọna vwẹ odẹ mẹ yọ reyọ ovwẹ, kohwo kohwo rọ reyọ ovwẹ yọ reyọ ọ ro ji vwe rhe; kidie ohwo rọ ma havwe vwẹ ohri rẹ ovwan ejobi ọye re cha ma rho.

Iyẹnrẹ Esiri ri Mak 9:37

Ohwo kohwo rọ reyọ omotete tiọnana vwẹ odẹ mẹ, yẹ ọ reyọ ovwẹ, kohwo kohwo rọ reyọ ovwẹ, ọ reyọ ovwẹ-ẹ, ẹkẹvuọvo ọ ro ji vwe rhe.

Iyẹnrẹ Esiri ri Luk 15:2

Farisi kugbe isiẹbe ki guo, tanẹ, Ohwo nana reyọ iruimwemwu ọ vẹ ayen mia ria kuẹgbe.

Ẹfesọs 1:12

Avwanre ihwo ri ke phiẹrohọ Kristi na ke rhi avwanre a da vwẹ avwanre mu nẹ e dia vwọ kẹ ejiro vẹ urinrin rọye.

Ọbe ri Pọl si rhe Ihwo ri Rom 15:9

Rere otu ri Keferi vwọ mrasan vwẹ urinrin kẹ Ọghẹnẹ fiki rẹ aruẹdọn rọye. Kirobo re siro, Fiki rẹ eriyin na ki mi jiri uwe vwẹ ohri ri Keferi ke me so une kẹ odẹ wẹn;

Iyẹnrẹ Esiri ri Jọn 6:37

E rẹ Ọsẹ mẹ vwọ kẹ vwẹ ejobi che bru uvwe rhe, ọ ro bru uvwe rhe nu me sa djẹ kufia-a.

Kolose 3:13

Ohwohwo chirako kẹ ohwohwo, fobọ si ophu nẹ evun rere ohwohwo vwo ghovwo ohwohwo nẹ otọ rẹ evun rhe; kirobo rẹ Ọrovwohwo vwo ghovwo na, eriyin we ji vwo ghovwo rhe.