Ọbe ri Pọl si rhe Ihwo ri Rom 15:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Kidie Kristi guọnọ erhuvwu rẹ oma rọye-e; ẹkẹvuọvo, kirobo re siro, ekan ra harhe ovwan ejobi uyovwi mẹ i she phihọ.

Ọbe ri Pọl si rhe Ihwo ri Rom 15:3 Referans Kwoze

Une rẹ Ejiro 69:9

Kidie oruru rẹ erhuvwu rẹ uwevwi wẹn mu vwe rọ, ekan rẹ ayen otu re harhe owẹ mẹvwẹ i she teye.

Filipae 2:8

Re vwo vwiẹ họhọ ohwo na ọ da vwẹ ọghọ kẹ oma rọye kẹ eriyin o mu ọghọ phihọ oma rhiri re te ughwu rẹ agbagba na.

Iyẹnrẹ Esiri ri Jọn 4:34

Jesu da ta kẹ ayen, Emu mẹ vwenẹ hẹ eruo rẹ ọhọre rẹ ọ ro ji vwe rhe, re mi vwo ru iruo rọye re.

Iyẹnrẹ Esiri ri Jọn 6:38

Kidie mi nẹ obo odjuvwu rhe, rhi ru ọhọre mẹ-ẹ, ẹkẹvuọvo ọhọre rẹ ọ ro ji vwe rhe;

Iyẹnrẹ Esiri ri Jọn 5:30

Me sa vwẹ ogangan ru emuọvo-o; kirobo ri mi nyori, ọye mi guẹ nene; yẹ ẹdjọeguo mẹ ọ rẹ ọsoso, fikiridie mi ruẹ ọhọrobọ mẹ-ẹ ẹkẹvuọvo ọhore rẹ ọ ro ji vwe rhe.

2 Kọrẹnt 8:9

Kidie ovwan riẹn ẹserọphẹ rẹ Ọrovwavwanre Jesu Kristi na nẹ, dede nẹ obo ro fe te na, yẹ fiki rẹ avwanre ọ da rhe dia ogbere, rere vwẹ oma rẹ ogbere roye avwanre vwọ mrasan fe.

Iyẹnrẹ Esiri ri Jọn 8:29

Ọ ro ji vwe rhe na vẹ ovwẹ herọ; o che jẹ uvwe ọvo vwo-o, kidie mi ru obo ri je kọke kọke.

Matiu 26:42

Obọ rivẹ o da rhoma yanran ra nẹ ẹrhovwo ta nẹ, E Ọsẹ mẹ, ọnana sa chọ vwẹ ra-a, jokpa nẹ me darọ, gbe ru ẹguọnọ wẹn.

Matiu 10:25

Oyoma re odibo họhọ onini rọye, re oviẹn je họhọ ọrovworo. Ayen de se o ro vwo uwevwi Bẹlzibọl, komavo e ru ikru rọye.

Une rẹ Ejiro 69:20

Ekan vwirhi udu mẹ, ọtiọye na iroro mẹ da rhan. Me guọnọ ehrọre, ẹkẹvuọvo me mrẹre-e ibruche, ẹkẹvuọvo me mrẹre kakaka-a.

Iyẹnrẹ Esiri ri Jọn 15:24

Ọ dianẹ mi rhi ru iruo rẹ ohwo ofa ji ru vwẹ ohri rẹ ayen dẹvo-o, manẹ ayen ru umwemwu-u; ẹkẹvuọvo asakiephana ayen mrẹre yẹ ayen ji tuoma mẹ kugbe Ọsẹ mẹ.

Iyẹnrẹ Esiri ri Jọn 15:10

Ovwan da sẹro rẹ irhi mẹ, ovwan ke je dia vwẹ evun rẹ ẹguọnọ mẹ, kirobo re me sẹro rẹ irhi rẹ Ọsẹ mẹ re me da dia vwẹ ẹguọnọ rọyẹ.

Matiu 26:39

Ọ da yan hẹ ọbaro emerha, o de she diguẹ, ọ da nẹ ẹrhovwo ta nẹ, E Ọsẹ mẹ, ọ da dia ẹrhọvwọ wẹn, jẹn uko nana wan vrẹn vwẹ; ẹkẹvuọvo ọ dia ẹguọnọ mẹ-ẹ, ru ẹguọnọ wẹn.

Matiu 27:44

Iji ra kare kugbe na da je vwọ jehwẹ rhe.

Filipae 2:5

Gbe vwo iroro na vwẹ ohri rẹ ovwan, rẹ ovwan ji vwo vwẹ evun ri Kristi Jesu,