Ọbe ri Pọl si rhe Ihwo ri Rom 15:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ nẹ a vwo vwẹ ru ọyinkọn ri Kristi Jesu vwọ kẹ otu ri Keferi vwẹ ẹga rẹ orherẹn rẹ iyẹnrẹ rẹ Ọghẹnẹ na, rere a vwọ mrasan reyọ izobo rẹ otu ri Keferi na, rẹ Erhi Ọfuanfon na ru fon na.

Ọbe ri Pọl si rhe Ihwo ri Rom 15:16 Referans Kwoze

Ọbe ri Pọl si rhe Ihwo ri Rom 11:13

Asakiephana ovwan Keferi me ta kẹ na. Re me vwọ hẹ ọyinkọn ri Keferi na, ke me vwẹ ikọn ẹyan mẹ na herẹ,

Ọbe ri Pọl si rhe Ihwo ri Rom 1:1

Pọl, odibo ri Jesu Kristi, re seri nẹ ọ rhe dia ọyinkọn, re vwo mu nẹ o ghwoghwo iyẹnrẹ esiri rẹ Ọghẹnẹ

Filipae 2:17

Ọ da tobọ dianẹ e bru uvwe ku iye vwi fiki rẹ esegbuyota dede, oma vwerhe ovwẹ me vẹ ovwan ejobi ke ghọghọ.

Iruo rẹ Iyinkọn na 9:15

Ẹkẹvuọvo Ọrovwohwo da ta kẹ, Yanran, kidie o hirhe ohwo re me jẹreyọ nure rere ọ ghwa odẹ mẹ bru otu ri Keferi kugbe ivie kugbe emọ rẹ Izrẹl.

2 Timoti 1:11

Fiki rẹ iyẹnrẹ esiri na kọye a vwọ vwẹ ovwẹ mu aghwoghwo kugbe ọyinkọn kugbe uyono,

1 Timoti 1:11

kirobo rẹ iyẹnrẹ esiri rẹ urinrin rẹ Ọghẹnẹ re bruba kẹ na epha ra vwọ kẹ vwẹ yọnre na.

Hibru 13:16

Wa rua uvwerhi rẹ emu esiri eruo-o kugbe rere wo ghare obo ri rhe we kẹ ihwo, kidie okẹ ọtiọye na ri je Ọghẹnẹ.

Ọbe ri Pọl si rhe Ihwo ri Rom 15:18

Kidie mi se yivwi gbe ikun rẹ emuọvo-o jokpa nẹ obo ri Kristi vwẹ ovwẹ ru re otu ri Keferi se vwo mu ọghọ kẹ, vwẹ ota kugbe uruemu.

Iruo rẹ Iyinkọn na 20:24

Ẹkẹvuọvo mi se arhọ mẹ gbe emuọvo-o eyẹ kọ ghare kẹ oma mẹ-ẹ, ọ da dianẹ me sa yan oyan mẹ na kugbe odibo egbo re me reyọ miẹ Ọrovwohwo Jesu, re mi vwo se oseri kẹ iyẹnrẹ esiri rẹ ẹserọphẹ rẹ Ọghẹnẹ.

1 Timoti 2:7

Fiki rẹ ọnana a vwọ vwẹ ovwe ru aghwọghwọ kugbe ọyinkọn (uyota me ta na, ọ dia ofian me vwọrọ-ọn) kugbe oyono rẹ ihwo ri Keferi vwẹ esegbuyota kugbe uyota na.

2 Kọrẹnt 5:20

Ọtiọye na avwanre kẹ ihwo ri Kristi ji uwevwi, oma rẹ avwanre ọye Ọghẹnẹ wan vuẹ uwevwi na. Avwanre vwẹ odẹ ri Kristi rẹ ovwan, rere wa vẹ Ọghẹnẹ rhuẹrẹ kugbe.

1 Kọrẹnt 4:1

E nẹ ohwo kohwo se roro avwanre phihọ, kerẹ idibo ri Kristi kugbe imuidi rẹ igbunu rẹ Ọghẹnẹ.

1 Pita 2:5

Ekpuyovwi rẹ ovwan ke họhọ eragha ri jeghwo ra vwọ họn uwevwi rẹ erhi, uvwie rẹ irherẹn fuanfon, re gọ iye rẹ erhi rẹ Ọghẹnẹ miere vwẹ oma ri Jesu Kristi.

1 Pita 1:12

A da vwọ phia kẹ ayen nẹ ọ dia omobọ rẹ ayen ayen ga na-a ẹkẹvuọvo ovwan, vwe oma rẹ emu rẹ ayen ghwoghwo kẹ ovwan vwẹ asakiephana rẹ ihwo ri gbe ikun rẹ iyẹnrẹ esiri na kẹ ovwan vwẹ oma rẹ Erhi Ọfuanfon na re ji nẹ odjuvwu rhe na, emu rẹ emakashe guọnọre nẹ ayen mrẹ.

1 Tẹsalonaika 5:23

E jẹ Ọghẹnẹ rẹ ufuoma vẹ ekpuyovwi rọye hworhẹ ovwan fon tototo; e jọ sẹro rẹ erhi vẹ ẹnwẹn kugbe oma rẹ ovwan ejobi rere o vwo jẹ abe evwo vwẹ ẹdẹ rẹ ẹcha rẹ Ọrovwavwanre Jesu Kristi.

1 Tẹsalonaika 2:9

Imoni, ovwan karohọ owian rẹ avwanre kugbe oma elagha rẹ avwanre; obo rẹ avwanre wian te ason te uvo, rere avwanre vwo jẹ oghwa ẹdia kẹ ovwan, vwẹ ọke rẹ avwanre de ghwoghwo iyẹnrẹ esiri rẹ Ọghẹnẹ na kẹ ovwan.

1 Tẹsalonaika 2:2

ẹkẹvuọvo kirobo rẹ ovwan riẹnre avwanre reoja rẹ ehwe kugbe ophọphọvwe vwi Filipae, Ọghẹnẹ je kẹ avwanre aroeyivwo rẹ avwanre vwo ghwoghwo iyẹnrẹ esiri rẹ Ọghẹnẹ na vwẹ evun rẹ ukpokpogho rode.

Filipae 4:18

A hwa osa gba kẹ vwẹ, a tobọ hwa kpahe; evun vọn vwẹ, ọko re wa phare kẹ Epafroditọs vwo rhe vwe te vwe obọ, ọko ro gbo ọnrhe ororo, iye ro miere ro je Ọghẹnẹ.

Ẹfesọs 2:22

Evun rọye kọye a je bọn ovwan phihọ ẹdia rẹ Ọghẹnẹ vwẹ evun rẹ Erhi na.

Ẹfesọs 2:18

Kidie oma rọye avwanre ivẹ na wan mrẹ asan vwẹ evun rẹ Erhi ọvo na vwo bru Ọsẹ na.

Galesha 3:5

Ohwo rọ kẹ ovwan Erhi na ro de ru iruo rẹ igbunu vwẹ ohri rẹ ovwan na kẹ oma rẹ urhi na o ruo vwo, gbenẹ oma rẹ enyo rẹ esegbuyota?

2 Kọrẹnt 11:23

Ayen idibo ri Kristi? Mi yovwi nọ ayen–me ta ota kerẹ ọrhuẹ–vwẹ owian buebu, vwẹ uwodi buebu, vwẹ ehwe o vwo unu-u, edegbe ughwu vwẹ okẹ buebu.

2 Kọrẹnt 8:5

Ọnana, dia obo rẹ avwanre phiẹrohọ jovwo-o, ẹkẹvuọvo ayen de ke siobọ nẹ oma rẹ ayen kẹ Ọrovwohwo vẹ avwanre vwẹ ọhọre rẹ Ọghẹnẹ.

1 Kọrẹnt 6:19

Ovwan rha riẹn nẹ oma rẹ ovwan hẹ uwevwi rẹ Erhi Ọfuanfon na rọ hẹ evun rẹ ovwan, rẹ ovwan vwo nẹ obọ rẹ Ọghẹnẹ rhe? Wo vwo oma wẹ-ẹn;

1 Kọrẹnt 3:5

Kono hẹ Apolọs? Kidie Pọl epha? Idibo rẹ ovwan wan oma rayen segbuyota, kirobo rẹ Ọrovwohwo ghare kẹ ohwo ọvuọvo.

Ọbe ri Pọl si rhe Ihwo ri Rom 15:29

Me riẹnre nẹ ọke re me da rhe omamọ rẹ ebruphihọ rọ vọnre rọ ghare ro nẹ obọ ri Kristi rhe, ọye me cha ghwa rhe ovwan.

Ọbe ri Pọl si rhe Ihwo ri Rom 5:5

iphiẹrohọ na sa phiẹn ohwo-o, fikiridie e ku ẹguọnọ rẹ Ọghẹnẹ phihọ udu rẹ avwanre vwẹ oma rẹ Erhi Ọfuanfon na ra vwọ kẹ avwanre.

Iruo rẹ Iyinkọn na 22:21

Ọ da ta kẹ vwẹ, Bi nẹ etiyin; kidie mi che ji uwe yanran shesheri bru otu ri Keferi.

Iruo rẹ Iyinkọn na 20:32

Asakiephana mi mu ovwan phihọ obọ rẹ Ọghẹnẹ kugbe ota rẹ ẹsẹrọphẹ rọye, rọ sa kpọ ovwan vi rọ ke rha ghare uku kẹ ovwan vwẹ ohri rẹ ihwo re rufon nure na.

Iruo rẹ Iyinkọn na 13:2

Ọke rẹ ayen vwo chiri owẹvwe gọ Ọrovwohwo, Erhi ọfuanfon da ta, Hẹriẹ Banabas kugbe Sọl abọ vwọ kẹ iruo ri mi se ayen rhe na.

Ọbe ri Pọl si rhe Ihwo ri Rom 15:19

Vwẹ ogangan rẹ eka kugbe igbunu, vwẹ ogangan rẹ Erhi Ọfuanfon na, ọtiọye na nẹ Jerusalẹm re duvwu Irikọm ọye me da nabọ ghwoghwo iyẹnrẹ esiri ri Kristi na.

Ọbe ri Pọl si rhe Ihwo ri Rom 15:20

Kọye ẹnwan re me rua na nẹ mi ghwoghwo iyẹnrẹ esiri na, yọ dianẹ asan re de se odẹ ri Kristi nure-e, me da rha bọn phihọ enu rẹ uchivwo rẹ ohwo ọfa.

Ẹfesọs 5:2

Re wan yan vwẹ evun rẹ ẹguọnọ, kirobo ri Kristi guọnọ avwanre ro de siobọ nẹ oma rọye vwọ kẹ avwanre, vwo ze izobo ro gbo ọnrhe ororo kẹ Ọghẹnẹ.

Ukeri 7:62

egebule rẹ oro ọvo ri shekẹl ihwe, rọ vọnre vẹ ugboduma;