Ọbe ri Pọl si rhe Ihwo ri Rom 15:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ẹkẹvuọvo ọbe nana ri mi si rhe ovwan ọ pha tuatua vwẹ kẹ ekarohọ rẹ ovwan, fiki rẹ ẹserọphẹ rẹ Ọghẹnẹ vwọ kẹ vwẹ

Ọbe ri Pọl si rhe Ihwo ri Rom 15:15 Referans Kwoze

Ọbe ri Pọl si rhe Ihwo ri Rom 12:3

Fiki rẹ ẹserọphẹ ra vwọ kẹ vwẹ me rẹ ohwo ọvuọvo vwẹ ohri rẹ ovwan nẹ e jẹn ohwo ọvo rhe roro oma rọye rhuarho nọ obo rọ epha jovwọ-o, ẹkẹvuọvo ovwan vwẹ oma kpotọ dẹndẹn, ọvuọvo kerẹ ọtiẹ esegbuyota rẹ Ọghẹnẹ vwọ kẹ.

1 Kọrẹnt 15:10

Ẹkẹvuọvo vwẹ ẹserọphẹ rẹ Ọghẹnẹ me vwọ hẹ obo re me epha na, ẹserọphẹ rọ vwọ kẹ vwẹ na rha dia ọ ri ghevweghe-e. Kidie me wian gan nọ ayen ejobi, dede na ọ dia omẹvwẹ-ẹ, ẹkẹvuọvo ẹserọphẹ rẹ Ọghẹnẹ rọ hẹ evun mẹ.

Ọbe ri Pọl si rhe Ihwo ri Rom 12:6

Kirobo rẹ ẹse ro ru avwanre fẹnẹre, ẹserọphẹ rọ ghare kẹ avwanre na, e gbe jẹn avwanre vwẹ ayen ru iruo; ọ da dia aroẹmrẹ, e gbe jọ dia kirobo rẹ esegbuyota rẹ avwanre teri;

Ọbe ri Pọl si rhe Ihwo ri Rom 1:5

oma rọye avwanre wan vwo ẹserọphẹ vwọ dia ọyinkọn rere mi vwo se ihwo re vwẹ ọghọ kẹ ri vwo esegbuyota kpahe odẹ na vwẹ ohri rẹ ẹgborho na ejobi,

1 Jọn 5:13

Mi si ọnana rhe ovwan ri se odẹ rẹ Ọmọ rẹ Ọghẹnẹ na gbuyota, rere ovwan vwọ riẹn nẹ ovwan vwo arhọ ri bẹdẹ na.

2 Pita 3:15

Gbe kere odiri rẹ Ọrovwavwanre vwọ hẹ esivwo. Ọtiọye rhe oniọvo rẹ avwanre ọghaghare ji si rhe ovwan kirobo rẹ aghwanre ra vwọ kẹ epha,

1 Pita 5:12

Mi si ọbe nana krẹkrẹ vwọ kẹ Silvanọs, oniọvo ro segbuyota kirobo me reyerọ phihọ, nẹ vwo rhe ovwan, mi bru ovwan uche me ta kẹ ovwan nẹ ọnana hẹ ẹserọphẹ rẹ Ọghẹnẹ; mudia gan vwẹ evun rọye.

Hibru 13:22

Me rẹ ovwan, imoni, we chirako rẹ uchebro mẹ na, kidie mi siro rhe ovwan krẹn.

Taitọs 3:1

Karophihọ ihwo na nẹ ayen vwẹ oma kpotọ kẹ ayen otu ri suẹn ihwo, kugbe ihwo ride ri vwo ogangan, re mu ọghọ kẹ ayen, rere kiruo kiruo rẹ ayen guọnọre ejobi e ru kẹ ayen yoyovwi.

2 Timoti 2:14

Karohọ ayen kpahe ọnana, rere wo ji urhi kẹ ayen vwẹ obaro rẹ Ọrovwohwo nẹ ayen vwẹ eta na phra aphro-o, aphro ro fi emuọvo-o, ẹkẹvuọvo yọ de guọghọ udu rẹ ihworinyoro.

2 Timoti 1:6

Koye me vwọ karohọ owẹ rere wọ rhiọ okẹ rẹ Ọghẹnẹ na rọ hẹ evun wẹ na fiki rẹ abọ ra ghwẹ kpahe owẹ nyovwi na.

1 Timoti 4:6

Wọ de se yono imoni na imu nana, wẹ kẹ omamọ rẹ ogbeodiho ri Kristi Jesu, ra vwẹ ota rẹ esegbuyota na kugbe omamọ rẹ nyono na ghẹre kọye wo ji nene na.

Galesha 2:9

rẹ ayen vwọ mrẹ ẹserọphẹ ra vwọ kẹ vwẹ rẹ, Jems vẹ Pita kugbe Jọn, re dia osunsun na, de rhie evun reyọ ovwẹ vẹ Banabas gangan, nẹ avwanre gbe bru otu ri Keferi ra re ayen rhe bru otu re yanvwere;

1 Kọrẹnt 3:10

Kerẹ uwevwi rẹ Ọghẹnẹ ji vwẹ, kerẹ ohwo rọ bọn uwevwi me tọn uchivwo phihọ nure, ohwo ọfa kọye re bọn phihọ enu rọye. E jẹn ohwo ọvuọvo nite obo rọ bọn phihọ enu rọye wan.