Ọbe ri Pọl si rhe Ihwo ri Rom 14:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ohwo ọvo vwo esegbuyota rọ vwọ re emu ejobi, yẹ ohwo rọ lọhọre ria ifọ ọvo.

Ọbe ri Pọl si rhe Ihwo ri Rom 14:2 Referans Kwoze

1 Timoti 4:4

Kidie emu kemu rẹ Ọghẹnẹ mare yovwiri, o vwo obo ra gba vwọ-ọ ọ da dianẹ a rerọ vẹ ẹkpẹvwẹ;

Ọbe ri Pọl si rhe Ihwo ri Rom 14:14

Me riẹnrẹ o ji mu vwe ẹro nẹ vwẹ oma rẹ Ọrovwohwo Jesu, o vwo emu ọvuọvo ro jẹfuọ-ọn; ẹkẹvuọvo kọ dia gbegbe kẹ wẹ ọ da dianẹ wo sere ogbegbe.

Isẹ 15:17

Ukodo rẹ ẹbe diodi ra ria vẹ ẹguọnọ yovwi nọ erhuẹn tubie tubie ra rere vẹ eghrẹn.

Hibru 13:9

We jẹn odju rẹ uyono kuyono ọkpokpọ muẹ ovwan ghwrẹ-ẹ; kidie o fori re wa vwẹ ẹserọphẹ ghẹre oma, ọ dia emuọre, ro fi emuọvo kẹ otu re rerọ-ọ.

Galesha 2:12

Kidie tavwe rẹ ihwo ẹvo ki nẹ obo ri Jems rhe, ọ vẹ otu ri Keferi na gba ria emu kuẹgbe, ẹkẹvuọvo rọ ghwa vwọ mrẹ ihwo nana nu ọ da hẹriẹ oma rọye reyọ, fiki rẹ oshọ rẹ otu re yanvwere na.

Jẹnẹsis 9:3

emu kemu ejobi rọ yan ro vwo arhọ kọ dia emuọre kẹ wẹ, kirobo Me vwẹ ifọn kẹ wẹ na, Me je kẹ wẹ emu ejobi.

Hibru 9:10

ẹkẹvuọvo kẹ irueru rẹ emuọre kugbe udi kugbe okoka rẹ ẹhọ ọvo, irhi re jiri fiki rẹ ugboma na bẹsiẹ ro vwo te ọke ra vwọ rhuẹrẹ phihọ.

Taitọs 1:15

Vwẹ obọ rẹ ọvwata emu na ejobi ki yovwe re. Ẹkẹvuọvo vwọ kẹ ihwo ri gbe ẹgua ri segbuyota-a, emu na ejobi ki miovwẹ.

1 Kọrẹnt 10:25

Re eranvwe keranvwe ra shẹre vwẹ evun rẹ eki fiki rẹ eroro wọ nọ enanọ kpahọ-ọ.

Daniẹl 1:12

Gba davwe idibo wẹn ni vwẹ ẹdẹ ihwe, wọ vwẹ ifọ kẹ avwanre re, wọ rha vwẹ ame kẹ avwanre da.

Daniẹl 1:16

Ọtiọye na odibo ma de si emu ọvwevwerhe na vẹ udi na nu kẹ ayen, ọ da vwẹ ifọ kẹ ayen.

Jẹnẹsis 1:29

Ọghẹnẹ da ta, Nighe, Me reyọ urhe kurhe rọ mọn ubi ejobi rọ enu rẹ otọ na vwọ kẹ wẹ, kugbe urhe kurhe rọ mọn emamọ kọ dia emuọre kẹ ovwan.

Ọbe ri Pọl si rhe Ihwo ri Rom 14:1

Ohwo rẹ esegbuyota rọye lọhọre vwẹ ohri rẹ ovwan, we dede reyọ, ẹkẹvuọvo ọ dia orhiẹ a tanẹ ebruhwe-e.

Ọbe ri Pọl si rhe Ihwo ri Rom 14:20

Ovwan vwẹ fiki rẹ emuọre guọghọ iruo rẹ Ọghẹnẹ kuẹfia-a. Emu na ejobi fonre, ẹkẹvuọvo ọ ọchọre ọ da dianẹ emuọre ru wọ ria nẹrhẹ ohwo ọfa she.

Ọbe ri Pọl si rhe Ihwo ri Rom 15:1

O fori rere avwanre ihwo re ganre na vwo chirako rẹ otu re evwiẹre na, avwanre rhe nene ojevwe rẹ oma rẹ avwanre ọvo-o.

1 Kọrẹnt 8:9

Wa kẹnoma rere uphẹ rẹ ovwan na da rhe dia uchukurhe umwemwu kẹ otu re lọhọre.

1 Kọrẹnt 9:22

Me vwẹ oma ru ọvwiẹre kẹ otu rẹ evwiẹre, rere mi vwo se ku otu rẹ evwiẹre rhẹriẹ. Mi rhi hirhe phihọ emu ejobi kẹ ihwo ejobi, rere mi se vwo sivwi otu evo.