Ọbe ri Pọl si rhe Ihwo ri Rom 14:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ kidie e siro, Kirobo re me herọ na eriyin Ọrovwohwo tare, mẹvwẹ ohwo kohwo ejobi che diguẹ kẹ, unu kunu ejobi ko che jiri Ọghẹnẹ.

Ọbe ri Pọl si rhe Ihwo ri Rom 14:11 Referans Kwoze

Une rẹ Ejiro 72:11

Jẹn ivie ejobi she teye otọ vwẹ obaro rọye, ẹgborho na ejobi ga!

Ọbe ri Pọl si rhe Ihwo ri Rom 10:9

Wo de ghine rhọvwe vwẹ unu wẹn nẹ Jesu hẹ Ọrovwohwo wo de rhe segbuyota vwẹ udu wẹn nẹ Ọghẹnẹ kpaerọ nẹ ughwu rhe, ku wọ rhọ.

Aizaya 49:18

Ni oma riariẹ rere wọ mrẹ; ayen ra ghwẹ koko, ayen re bru we cha. Kirobo re Me herọ na, eriyin Ọrovwohwo tare, wo ku ayen phihọ oma kerẹ ekuakua rẹ osẹvwe, wo gba ayen mu oma kirobo re ọpha ruẹ.

1 Jọn 4:15

Kohwo kohwo rọ rhọvwere nẹ Jesu hẹ Ọmọ rẹ Ọghẹnẹ, Ọghẹnẹ ke dia evun rọye, kọ je dia evun rẹ Ọghẹnẹ.

Ọbe ri Pọl si rhe Ihwo ri Rom 15:9

Rere otu ri Keferi vwọ mrasan vwẹ urinrin kẹ Ọghẹnẹ fiki rẹ aruẹdọn rọye. Kirobo re siro, Fiki rẹ eriyin na ki mi jiri uwe vwẹ ohri ri Keferi ke me so une kẹ odẹ wẹn;

Matiu 10:32

Ohwo kohwo rọ rhọvwe ovwẹ vwẹ irharo rẹ ihwo, ọye me je rhọvwe vwẹ obaro rẹ ọsẹ rọ hẹ obo odjuvwu.

Ukeri 14:21

ẹkẹvuọvo vwẹ ọ rẹ uyota, kirobo re me herọ na, kirobo rẹ akpọ na ejobi cha vọn vẹ urinrin rẹ Ọrovwohwo na,

Ẹvwọphia 5:14

Eranvwe ekpokpọ ẹne na da ta, Isẹ! ekpako na de she diguẹ ayen da gọ.

2 Jon 1:7

Kidie otu re phiẹn ihwo buebu ro evun rẹ akpọ na re, otu re sian nẹ Jesu Kristi rhere vwẹ ugboma-a; ohwo ọtiọye na hẹ ọphiẹn ohwo kugbe Kristi rẹ ofian na.

Zẹfanaya 2:9

Vwẹ ọtiọye na, kirobo re me herọ na, Eriyin Ọrovwohwo rẹ otuofovwi na tare, Ọghẹnẹ rẹ Izrẹl na, Moab kọ cha họhọ Sodọm, ihwo rẹ Ammọn kerẹ Gomora, otọ rọ vọnre vẹ avwrọgbo kugbe esokpọ ra kua fiotọ bẹdẹ. Umuku rẹ ihwo mẹ ri chekọ ki gborho ayen, ihwo ri ghwu cheko vwo ẹgborho mẹ na ki che vwo ayen.

Izikiẹl 5:11

Vwẹ ọtiọye na, kirobo re me herọ na, eriyin Ọrovwohwo Ọghẹne tare, uyota, fikirobo wo vwo gbe ẹshẹ mẹ na ẹgua vẹ erharhe eravwọ wẹn ejọbi kugbe ẹgua wẹn ejobi na, vwẹ ọtiọye na ke me nyavwe owẹ te otọ, ẹro mẹ che ju we vwo-o, me je cha re ehrọre-e.

Ukeri 14:28

Ta kẹ ayen, Kirobo re me herọ na, ọtiọye Ọrovwohwo tare, obo ro wọ tare, ri mi nyori na, ọye mi che ru kẹ wẹ:

Jerimaya 22:24

Obo me herọ na, eriyin Ọrovwohwo tare, owenẹ Konaya ọmọ ri Jehoiakim, ovie ri Juda, dia ubiosa rẹ obọrhe mẹ dede, me je bẹrẹ owẹ kufia ghene.