Ọbe ri Pọl si rhe Ihwo ri Rom 14:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ẹkẹvuọvo wẹ, die nẹrhẹ owẹ guẹdjọ rẹ oniọvo wẹn? Eyẹ owẹ, die wọ vwọ jẹ oniọvo wẹn fia? Kidie avwanre ejobi che mudia vwẹ obaro rẹ ekete rẹ ẹdjeguo rẹ Ọghẹnẹ;

Ọbe ri Pọl si rhe Ihwo ri Rom 14:10 Referans Kwoze

2 Kọrẹnt 5:10

Kidie avwanre na ejobi che mudia vwẹ obaro rẹ ekete rẹ ẹdjọeguo ri Kristi, ọtiọye na ohwo ọvuọvo kọ cha reyọ osa rẹ iruo rọ vwẹ ugboma rọye ru, owenẹ oyovwi eyẹ omiovwi.

1 Kọrẹnt 4:5

Eriyin na wo rhe brorhiẹ tavwe rẹ ọke na ki te-e, tavwe rẹ Ọrovwohwo ke rhe, ohwo rọ cha vwẹ obo re sinu asakiephana vwẹ ebri vwọ phia kugbe obo rẹ udu roro ejobi vwọ phia. Etiyin ohwo ọvuọvo ki che vwo ejiro rọye vwẹ obo rẹ Ọghẹnẹ.

Aghwoghwo 12:14

Kidie Ọghẹnẹ cha vwẹ uruemu kuruemu ejobi vwo guẹdjọ, emu kemu re ruru vwẹ odjahọ, oyovwiri eyẹ o miovwiri.

Ọbe ri Pọl si rhe Ihwo ri Rom 2:16

Vwẹ ẹdẹ yena, kirobo rẹ iyẹnrẹ esiri mẹ epha, Ọghẹnẹ ko guẹdjọ rẹ odjahọ rẹ ihwo vwẹ oma ri Kristi Jesu.

Iyẹnrẹ Esiri ri Jọn 5:22

Ọsẹ na gu ohwo ọvuọvo-o, ẹkẹvuọvo ọ da vwẹ ẹdjọeguo na vwọ kẹ Ọmọ na,

Iruo rẹ Iyinkọn na 10:42

Ọ da vuẹ avwanre nẹ e ghwohwo kẹ ihwo, re ji se oseri nẹ ọye ọvo Ọghẹnẹ vwo mu nẹ o guẹdjọ rẹ ihwo ekpokpọ kugbe otu ri ghwuru.

Iruo rẹ Iyinkọn na 4:11

Ọnana olalọ rẹ ovwan ebọuwevwi na senre kọye rhoma rhe dia ọrovwuyovwi vwẹ ubienyẹ.

Iruo rẹ Iyinkọn na 17:31

fikiridie o bru ẹdẹ ọvo ro che vwo guẹdjọ rẹ akpo na vwẹ evun rẹ ọvwata vwẹ obọ rẹ ohwo ro vwo mu, rere ọnana vwo mu ihwo ejobi ẹro kọye ọ vwọ kparọ vrẹn nẹ ughwu rhe.

Iyẹnrẹ Esiri ri Luk 23:11

Herọd vẹ otuofovwi rọye da phọphọ ayen da vwọ jehwẹ; etiyin, ayen de ku ewun rẹ ododo phihọ, ọ da rhoma suo rhe Pailet.

Aghwoghwo 11:9

Ghọghọ, E, emeghene, vwẹ ọke rẹ ọmoha wẹn, jẹn oma vwerhe udu wẹn vwẹ ọke rẹ ọmọha wẹn; yan vwẹ idjerhe rẹ udu wẹn vẹ orẹmrẹ rẹ ẹro wẹn na. Ẹkẹvuọvo wọ me riẹn nẹ vwẹ evun rẹ emu nana ejobi na Ọghẹnẹ cha reyọ owẹ vwo guẹdjọ.

Matiu 7:1

Ovwan gu ẹdjọ rẹ ohwo-o, rere ohwo vwo jẹ ovwan eguo.

Iyẹnrẹ Esiri ri Luk 18:9

O de ji kpe itẹ nana kẹ ẹvo re vwẹ ẹro so omaobọ rẹ ayen nẹ ayen ma dia ọvwata kẹ ayen jẹ ihwo efa fia.