Ọbe ri Pọl si rhe Ihwo ri Rom 13:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Kidie ayen hẹ ọrhuẹre akpọ rẹ Ọghẹnẹ vwo mu. Ẹkẹvuọvo wo de ruchọ, gba djẹ gan, kidie ọ dianẹ ọ de yọnrọn ọlọkọ na ghevweghe-e; ọrhuẹrẹ akpọ rẹ Ọghẹnẹ o ruẹ, ọye re ria ihri rẹ umwemwu ejobi vwẹ obọ rẹ ohwo ro ruchọ.

Ọbe ri Pọl si rhe Ihwo ri Rom 13:4 Referans Kwoze

Ọbe ri Pọl si rhe Ihwo ri Rom 12:19

Imoni mẹ, wa reihri-i, ẹkẹvuọvo jovwo kẹ ophu rẹ Ọghẹnẹ; kidie e siro nẹ, Ihriẹriọ ọ mẹ, mẹvwẹ re hwa osa, eriyin Ọrovwohwo tare.

Isẹ 20:2

Irhivwẹ rẹ ophu rẹ ovie deri ọ họhọ eguango rẹ okpohrokpo; ohwo rọ kpare ophu rọye ọ vwẹ arhọ rọye hwa osa.

Isẹ 16:14

Ivuemiovwo rẹ ovie ọye ikun rẹ ughwu, ọvwẹghwanre kọye ri se fue.

2 Ikun rẹ Ivie 19:6

Ọ da ta kẹ iguẹdjọ na, Roro obo ru wo ruẹ, kidie ọ dia ohwo wo guẹ kẹ-ẹ ẹkẹvuọvo Ọrovwohwo na; ọ vẹ owẹ herọ vwẹ ọke ru wọ de brorhiẹ.

1 Tẹsalonaika 4:6

E jẹn ohwo ọvuọvo chọ urhi-i, e jo gbe oniọvo rọye kuẹ vwẹ ota nana-a, fikiridie Ọrovwohwo hẹ ọreihri rẹ imu nana ejobi, kirobo rẹ avwanre kpa okpa phihọ ovwan obọ na.

Ọbe ri Pọl si rhe Ihwo ri Rom 13:6

Kidie ọna sorọ rẹ ovwan vwọ hwa igho rẹ ẹgbukpe rhe, kidie ogangan rẹ isuesun na hẹ igbe-odibo rẹ Ọghẹnẹ ra ta nẹ e vwẹ ẹro te emu nana dẹn.

Maika 3:9

Nyo ọnana, ovwan igbuyovwi rẹ uwevwi ri Jekọp kugbe isun rẹ uwevwi rẹ Izrẹl, rẹ ọsoso tuoma na ri kuẹ uyota ejobi rhẹriẹ,

Izikiẹl 25:14

Ke me reihri vwẹ obo rẹ Idọm vwẹ oma rẹ ihwo mẹ Izrẹl, kẹ ayen che ruẹ vwẹ Idọm kirobo rẹ ivuemiovwo mẹ epha kugbe obo rẹ ophu mẹ epha, ke ayen riẹn ihri ẹriọ mẹ, eriyin Ọrovwohwo Ọghẹnẹ tare.

Izikiẹl 22:27

Isun rọye re hẹ uherevie rọye e họhọ ikpohrokpo re ria eranvwe ọkpokpọ, re rhaphiẹ ọbara, ayen ghwọrọ ihwo rere ayen vwo re erere rẹ eku.

Jerimaya 5:28

oma da rhe ro ayen sọkọ sọkọ. Ayen riẹn ughwru vwẹ uruemu rẹ orukuruku-u, ayen brorhiẹ rẹ esiri-i ayen nyo ota rẹ ọmọphrorivwi re vwo ruo yovwi-i, ayen je chọ ochọ rẹ ọrakpọbẹ kẹ-ẹ.

Aizaya 1:17

yono emu esiri ru; guọnọ ọsoso, siobọ nẹ oshenyẹ, chochọ rẹ ọmọphrorivwi re wọ rẹ kẹ ayeuku.

Isẹ 20:26

Ovie rọ ghwanre sa vwẹ ẹro vughe iruimwemwu, ọ me gua idjighere wan enu rẹ ayen.

Isẹ 20:8

Ovie ro tidia ekete re de brorhiẹn ẹro o vwo vughe umiovwo.

1 Ivie 10:9

Ebruba kẹ Ọrovwohwo Ọghẹnẹ wẹn, rẹ ivun wẹ vwerhere rọ da vwẹ owẹ tidia ekete rẹ Izrẹl. Fikiridie Ọrovwohwo guọnọ Izrẹl bẹdẹ, kọye ọ vwọ vwẹ owẹ mu ovie, rere wo vwo brorhiẹ rẹ ọsoso vẹ ọvwata.

Joshua 20:9

Enana keye irere re phihọ otọ kẹ ihwo rẹ Izrẹl, kugbe erhorha re dia ohri rẹ ayen, rere kohwo kohwo rẹ obọ chọre hwe ohwo vwọ dje kpo etiyin, rere ohwo rọ ọreihri rẹ ọbara na vwo je hwe, bẹsiẹ ro vwo mudia vwẹ obaro rẹ ukoko.

Joshua 20:5

Ohwo rọ ọreihri rẹ ọbara na da vwọ tua rhe, ayen siobọ nẹ ohwo rẹ obọ chọre na kẹ-ẹ; fikiridie obọ chọrọ hwe ọrivẹ rọye na, ọ vẹ ọye ghwọre jovwo-o.

1 Pita 2:14

eyẹ osun re jiri nẹ o rhi hwe otu ri ruchọ kugbe rere o rhe jiri otu re riẹn ru.