Ọbe ri Pọl si rhe Ihwo ri Rom 13:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Fiki rẹ ọtiọye na ohwo ro yivwaro kpahe otu ra vwẹ ogangan rẹ isuesun kẹ na yivwaro kpahe otu rẹ Ọghẹnẹ vwo mu, ayen otu ri yivwaro kpahe ayen ka vwẹ ayen guẹdjọ.

Ọbe ri Pọl si rhe Ihwo ri Rom 13:2 Referans Kwoze

1 Pita 2:13

Vwẹ oma kpotọ vwi fiki rẹ Ọrovwohwo vwọ kẹ ukoko rẹ ohwo rẹ akpọ vwo mu, owenẹ ọ dia ovie ro kpenu,

Taitọs 3:1

Karophihọ ihwo na nẹ ayen vwẹ oma kpotọ kẹ ayen otu ri suẹn ihwo, kugbe ihwo ride ri vwo ogangan, re mu ọghọ kẹ ayen, rere kiruo kiruo rẹ ayen guọnọre ejobi e ru kẹ ayen yoyovwi.

Jems 3:1

Imoni mẹ, ovwan ejobi ghwa dia iyono re-e, ovwan riẹn nẹ a cha vwẹ avwanre rẹ iyono na vwo guẹdjọ ọgangan.

Ọbe ri Pọl si rhe Ihwo ri Rom 13:5

Fiki rẹ ọtiọye na wa vwẹ oma kpotọ kẹ ayen, ọ dianẹ fiki rẹ oshọ rẹ unuakpọ-ọ ẹkẹvuọvo ọghọ oma guọnọre.

Iyẹnrẹ Esiri ri Mak 12:40

otu re ghwọrọ uwevwi rẹ eyauku, re vwẹ omeru nẹ ẹrhovwo ogrogro, enana cha re abe rode na.

Iyẹnrẹ Esiri ri Luk 20:47

re ghwọrọ iwevwi rẹ eyauku re vwẹ omeru nẹ ẹrhovwo ogrogro. E che bru hwe ayen rhuarho gangan.

Matiu 23:13

Ẹkẹvuọvo ekan kẹ ovwan, isiẹbe kugbe Farisi, evworọn efian! kidie we huhu ẹchẹ rẹ uvie rẹ odjuvwu gbe ihwo; ovwan guọnọ ruọ-ọ, yẹ ihwo efa re guọnọ ruọ ovwan da ayen ji.

Aizaya 58:2

Dede na yẹ ayen guọnọ ovwẹ kẹdẹ kẹdẹ, yẹ ayen guọnọ idjerhe mẹ riẹn vẹ aghọghọ, kerẹ ẹgborho ri ruẹ ọvwata re mrẹ iji rẹ Ọghẹnẹ rayen djẹ-ẹ; ayen nọ ekpẹn rẹ orhiebro rẹ ọvwata vwẹ obọ mẹ, ayen vwẹ omavwerhe vwo si kẹrẹ Ọghẹnẹ.

Ẹyano 16:8

Mosis da ta, ọke rẹ Ọrovwohwo da vwẹ eranvwe ke we re vwẹ ovwọnvwọn, irhiọke kẹ wa re ikara vọn evun, fikiridie Ọrovwohwo nyo iguegun rẹ ovwan gun kpahọ, die avwanre epha? Ọ dia avwanre we guẹ-ẹn ẹkẹvuọvo Ọrovwohwo we guẹn.

Ọbe ri Pọl si rhe Ihwo ri Rom 9:19

Ku wọ rha nọ vwẹ nẹ, Kidie o rhe vwo duota vwo? Kono udu rọye sa gba ọhọre rọye?

Ọbe ri Pọl si rhe Ihwo ri Rom 13:1

E jẹn kohwo kohwo vwẹ oma kpotọ kẹ otu ra vwẹ ogangan rẹ isuesun kẹ. Kidie ogangan ọfa herọ-ọ jokpa rẹ ọ ro nẹ obo rẹ Ọghẹnẹ rhe, ayen otu ri suẹn na Ọghẹnẹ re vwẹ ayen mu.

Ọbe ri Pọl si rhe Ihwo ri Rom 13:3

Kidie isun na se mue kpahe ihwo esiri-i, ẹkẹvuọvo vwọ kpahe ihwo ebrabra. Oshọ rẹ otu ra vwẹ ogangan rẹ isuesun kẹ na rhe mu uwe? Gbe ru obo ri yoma, kẹ ayen jiri uwe.